#بدايه_خاطئه#البارت السابع
غدير وسام .خليل .ذاك الاسبوع .ومكيف .يكلك مسويها عبالك عرس .
فرات ..الله يهني شنريد احنا
خليل ..هذاشخصيته غريبه .حتى من عرف بيك خاطب .طليقته مهتم .يكول لو يقبل نرجع علاقتنا
فرات ..هلايام كلها تريد ترجع علاقتها بيه هههه
خليل ..غير انته ذهب
فرات .انته اصل الذهب حبيبي
عبير .استمرت تتصل وماجاوبها
اسبوع ممتصل بتالين وهي هم لاسئلت ولاكالت
اتصل ابوها كال رايدك رحتله
ابو تالين .صاير شي اشو ماكو
فرات ..لا عمي عدي شغل ..
ابو تالين ...مصاير بينكم شي . كلي .لاتخليني ماعرف شي
فرات .وداعتك وانته تعرف شكد عزيز عندي .ماكو شي بس تعرف .تالين بعدها ممتعودة عليه ماريد اضغط عليها
ابو تالين ...كل يوم يزيد اعجابي بيك .واكول صدك الله مرزقني .ولد من صلبي بس عوضني بيك .
فرات .. الله يقدرني واكون عند حسن ظنك .دخلت تالين جابت عصير وكيك لابسه نفنوف بيجي قصير يجنن عليها شلونك فرات
فرات ..رف كلبي عليها ردت احضنها هلكد مشتاقلها . كوه لزمت نفسي . كعدت يمي
فرات الحمد لله انتي شلونج
ابو تالين ..اخذو راحتكم .اني طالع
تالين ...تفضل اشرب((غدير وسام)
فرات ..ماشتهي ..شكرا
تالين ..مو اني سويتها علمودك . شوف طعمها .
فرات ..مدام انتي مسويتها اكيد عسل . اكلت منها .واباوع منتظرة رائي .عاشت ايدج ..طيبه كلش
ضحكت ..الف عافيه .. بعدها تتصل
فرات .باستغراب منو
تالين ..عبير
فرات ..لا بس ترا بنت خالتي عادي نلتقي ونتخابر
تالين ..لا مو عادي جانت بيوم خطيبتك . والك نفس بيها .
فرات اي بس من فسخنا رجعنا مثل الاخوة
تالين .. وشذكرها بيك هسا .موتكول من تركنا ممتصله
فرات ..اكلج انتي ليش ذابحه نفسج مو متحبيني
تالين ..ماريد اكرر نفس التجربه اذا عندك شي لو تريد ترجعلها بعدنا على البر
فرات ..وعيونج ماكو شي .. ومامفكر بغيرج واذا عندي شي .اضمه عليج ليش اكلج .الي بينا كفكرة ارتباط وزواج انتهت بس علاقتنا كاخوة ولد خاله مستمرة وماريد تتحسين منها لان وجودها واقع حال ومجبورين نتقبله بس انتي عليج منو بلكلب ومتربعه بي
تالين .. اعتذر..اذا ضايقتك ..بس ردت افهم .
فرات ..عادي حبيبي يله اروح اني محتاجه شي
تالين ..وين هسا جيت
فرات ..تردين ابقى
تالين ..اكيد
فرات ..صار ماروح ..الكبد يكلي ابقى وماابقى
تالين ...هههه لاتخجلني .استحي ممتعودة
فرات ..تعودي لعد منا وجاي
تالين ..ان شاء الله
فرات ..تالين شنو رائيج نطلع نغير جو
تالين ..كيفك .
فرات ..خلي اترخص من ابوج ونطلع نتعشا برا
ابو .تالين .براحتكم ابويه طلعو .
تالين ..فرات صارله اسبوع ميتصل ولايسئل يمكن زعل لان كتله لاتجي .ماما سئلتني حجيتلها الصار .
وكتلها على اتصال عبير .لامتني وكالت ميصير اتعامل هيج ويا ..ردت اتصل اشوفه شبي ماما كالت اجه يم بابا .رحت فرحانه لبست نفنوف بيجي ضيق .وربع ردن .وحضرتله ضيافه .وسلمت شفته لهفة الاشتياق بعيونه حسستني بقيمتي كانثى فرحت بي . بس غصه بكلبي اتصال خطيبته السابقه بي.من سئلته تقريبا وضحتلي الامور طلب نطلع ..وماما كالت طلعي ويا وتعرفي على طبعه . وافقت احتاريت شالبس .. لبست جبه بصلي ومكياج خفيف وحجاب بلون الجبه . (غدير وسام)
فرات ..شنو هذا الجمال
تالين ..عيونك الحلوة .
فرات ..كملتي نطلع .
تالين .يله .اخذت جنطتي وطلعنا صعدنا بسيارته .شوكت غيرتها
فرات ..من خطبتج انفتحت بوجي .. كلشي تيسر .
تالين ..تستاهل كل خير
لزم ايدي ..وباسها ..وظل لازمها ايدة دافيه
فرات ..ايدج ناعمه كلش .
تالين .. ليش متحب الناعمه .
فرات .بلعكس .كلشي بيج حبيته نعومتج .برائتج خجلج .اول مرة شفتج ..كلت هاي معقوله بشر . واستغربت ولو ماريد اذكر اسمه ولاذيج الفترة . بس ردت اخلص عليه من شفت وجج ازرك .
تالين .. الله لايرجع ذيج الايام .جان يمد ايدة بدون سبب وماامن اله لمن اسمع عمتي تتصل بيك
فرات ... فديت الي تامن من تسمع باسمي ..صدك اني بعمري منظرتلج غير نظرة من جنتي على ذمته بس .ميمنع انقهر وماتحمل لان الوضع كله مجان يعجبني
تالين .. عوفها لذيج الفترة اكرها وماريد اتذكرها
فرات ..صار تنسيها وتنسين ابوها هم .نزلنا مطعم .طبنا عشا ..بعدها اخذلي ملابس ومكياج .رجعني للبيت .مقبل ينزل
تالين .. شويه وروح
فرات ..لاحبيبي عيب .ولازم ارجع انام لان باجر شغلي متعب .
تالين ..لاتعب نفسك .
فرات ..غير اريد اكمل فلوس حفلة زواجنا .لان ناوي اسوي بصاله اعراس
تالين ..زين روح عيني واذا كدرت اتصل .بيه
فرات ..صار وصلت للبيت رغم تعبان منمت دكيت على تالين .. منمت .
فرات ..لا مكدرت ..
تالين ..ردت اكلك على حفلة الزواج ليش بقاعه بينا وبلبيت .
فرات ..ليش ميعجبج نسوي عرسنا بقاعه
تالين ..لا اريد بينا .. ماحب الهوسه
فرات ..مو احنا اقربائنا هوايه واصدقائي . واقربائكمم . تالين ..اها.ااا براحتكم .لعد
فرات ..هو يوم .بلعمر .لازم يكون احلى يوم
تالين ....فرات ..انته مستعجل . هواي اني بعدني ممستعده
فرات ..يعني حابه ناجلبلا عنوان ..تكمله السابع .
غدير وسام .
تالين ..انته مستعجل هواي
فرات ..حابه ناجل ..حبيبي
تالين ..بس فترة .. انطيني وقت .
فرات ..براحتج من تشوفين نفسج جاهزة بلغيني .واني حنطيج وقتج .
تالين ..شكرا ..
.فرات .راح انام تصبحين على خير
تالين ..زعلت
فرات ..لا اني .كتلج براحتج وكلمتي وحده واذا شفتي نفسج هم متريدين ترتبطين نبقى اصدقاء واي شي تحتاجي .بلخدمه . يله تصبحين على خير
تالين ...تلاكي الخير .
فرات ..سديته والنومه كلش طارت .. بقيت .كاعد للفجر صليت .وطلعت لشغلي .
تالين ..من شفته متحمس ويجهز للزواج خفت ماما
شافتني صافنه
ماما ..شبيج .
تالين .. فرات ..يريد الزواج هلايام .وكتله اجل
ماما ..ها ..اا شكال
تالين ..كال كيفج وماضغط عليج .
نادين ..لج انتي .تجلطين برودج .اني الح على خطيبي نزوج واحسب ايام ايام وانتي تاجلين ..
تالين ..ماما ..اخاف ..وبجيت ..انتو محد عاش الي عشته ..ولا جربتو الذله والحاجه جنت اتحسر على الاكل واللبس واشوفه يشتري .لصديقاته . الكيك .والذهب والملابس . واني المدلليني .هيج يصير بيه
ماما ..مو كل اصابعج سوا .بنتي .فرات خوش فرات .لوما ابوج يعرفه مينطيج اله وهو حلف عليج
تالين ..اعرفه .حباب .البارحه كومه اشترالي وحنين .شاكله يكلي صار .بس اخاف ماما
نادين ..اخذي وقتج حبي وباستني . اذا متكدرين لاتتزوجي .
ماما ..فكري على كيفج .واحنا منجبرج واني اخلي ابوج يبلغ الولد .
تالين .نمت بحضن ماما ابجي .ماعرف شبيه وشاريد .اخاف اتزوج وماريد اخسر اهتمام فرات بيه
ماما ..كافي .بنتي .ارتاحي .
اجه بابا .. شافني .شبيكم
ماما ..حجتله ..سكت .وطلع لحكته ماما تقريبا لليل اجه لغرفتي ..
بابا ..تردين احجي ويا الولد .انهي كلشي .
لو تاخذين وقتج بس الولد ميتعوض .ودرة
محجيت . شي .طلع بابا بقيت يومين معتزله اهلي اكل وجبه وحدة .بلكوة وافكر بحياتي و فرات ..استغربت ماسئل . بعد اسبوع اجتي ماما ..فرات بلاستقبال
تالين ...صدك .. ابتسمت ..رحت غيرت ملابسي .ومكيجت خفيف . من شافني و.كف ونزل عينه . سلمنا .
كعدت ..يمه .(غدير وسام)
فرات ..جيت اسلم عليج اجتني شغله باربيل .شهرين ..
تالين ..تسافر
فرات ..اي باجر طالع .
تالين ..تروح ترجع بلسلامه
فرات ...الله يسلمج هم فرصه الج تعرفين شتردين
تالين .. شلون يعني
فرات ..ابوج اتصل بيه وبلغني .بوضعج .وكال احنا ضاغطين هواي عليج ..وهاي الشغله من زمان جتني ورفضت بس هسا وافقت عليها ..اذا شفتي ..نفسج تكدرين تكملين واذا لا ابقى هناك .مارجع
تالين ...من ورايه رايح .
فرات ....مو من وراج .بس افضل النا اثنينه .القرب مجاي . يسوي شي .يجوز البعد افضل .
تالين ... براحتك . نزلت دموعي بسرعه ..
رفع وجي ..ليش البجي .
تالين ..ماريد تتاذى بسببي انته متستاهل ..اني عايشه تناقض اريدك ..واخاف .
فرات ..لاتخافين .عليه ..اروح فدوة لهاي الدموع لاتبجين ابد
تالين ..ابقى اليوم يمي لاتروح .وتوعدني تبقى على اتصال بيه .
فرات ..بس لاتبجين اذا تردين ابات يمكم
تالين ..بضحكه ..صار .مابجي ..شتحب ..تتغدا
فرات ..اي شي .
تالين .لو كايلي على سفرك جان سويتلك اكل تاخذة وياك فرات .. سوتلي نبع الحنان كلشي مخلت . رحت للمطبخ ماما رجعتني . كالت اني واخواتج نكمل .اني هم مصدكت رجعت .
فرات ..تعالي اشوفج . لان اريد اروح بعد عندي شغلات ممجهزهم .
تالين ..مو كلت تبقى يمي
فرات ..وعيونج .عندي كومه شغل .والفجر نطلع . يله رايح .. باس راسي وخلا على صدرة ضليت مخليه ايدي عليه .واباوع بعيونه شكد بيهم حنان .
فرات ..اروح ..
تالين .روح.الله يحرسك .
فرات طلعت للبيت سراب جايه تودعني .وزجة اخويه ..مسويه كليجه . وكيك ..مخبوصين بيه امي تبجي .فرات ..شبيج يوم هي شهرين .وراجع .
ام فرات .. اني وين مفاركتك . قبل .شجاك على هلسفرة اشو شغلك الحمد لله
فرات ..اغير جو وشغلي يتحسن
امي .. والله ماعرفلك انت متغير عليه .متاخذ كلامي .من شنو مهزوم
فرات ..ممهزوم ياامي . فدوة اروحلج .. ليش متصدكين بشغل مجمع .التزمنا .. وبي رزق النا .
ام فرات .. وضيفتك
فرات... اخذت اجازة .
يله رايح اكمل ..مهاوي بعد اخوج كملتي جنطتي
مها...اي خليت الي وصيتني عليه بس شوفها .
فرات .. عاشت ايدج
مها... شفتها لتالين .
فرات .. جنت يمها تسلم عليكم
مها الله يسلمك .خطيه شلون حتفاركك
ام فرات ..منو مهججه غيرها منين جتي عليه
فرات ..يوم ..شعليها البنيه استغفر الله اروح اكمل شغلي كملت تجهيزاتي .ولليل ردت انام .دكت تالين
تالين .. كملت .امورك
فرات ..اي تقريبا الي بقى مناك اخذة
تالين ..ممحتاج شي
فرات ..لا .
تالين .. .ميصير طريقك .. عليه من تطلع
فرات ..لا ويايه جماعه ماكدر امر تردين شي .
صوتها تغير ماريد شي بس ردت اشوفك
فرات ...شنو ..متاكدة . تردين تشوفيني
تالين ..اممم ..ليش مستغرب
فرات .. بيج شي تالين . بلليل تعرفون تالين شتريد ..
أنت تقرأ
بدايه خاطئه
ChickLitقصه منقوله للكاتبه غدير وسام الاختيارت الخاطئه قد تكون درس لنا لنعدل مسارات حياتنا ونصحح الاخطاء التي وقعنا به في البدايه وهذا وهذا ما سيحكيه ابطال قصتي بدايه خاطئه
