#بدايه_خاطئه# البارت الثامن ..
غدير .وسام .
فرات ..تالين .بيج شي .تردين تكولين شي
تالين ...هواي اكو كلام بي مااكدر اوصله الك .
فرات .. احجي الي بكلبج .اسمعج
تالين ..انته تعبان وباجر عندك سغر . نام ومم توصل وترتاح .خابرني
فرات ..حتخليني بقلق
تالين ..لا عيني بس ردت اشوفك صدك لاتقلق .روح نام وارتاح . يله تصبح على خير فرات خابرني من تكعد
فرات ..تلاكين الخير ان شاء الله سديته ..فرحان شكد جنت متضايق من السفر بس يمكن البعد راح يجيب نتيجه نمت وكعدتني امي .مسويه ريوك صليت وقبل لااطلع خابرت جاوبت بسرعه الو ..
فرات ..صباح الخير ..كاعده
تالين صباح النور . اي كاعدة ... تريكت .
فرات ..لا هسا حتريك .
تالين ..زين عيني روح تريك وطريق السلامه من توصل طمني
جوي الولد وطلعنا طريق طويل نمت من وصلنا لمجمع .كل اثنين بغرفه ..اني وخليل المجمع الي نشتغله بعد ربع ساعه عن السكن . .رتبنا ملابسنا نمنا لليل اتصلت باهلي طمنتهم .ورجعت اتصلت بتالين طمنتها . بعدها تعشينا . ورحنا عينا الموقع ونمنا ثاني يوم بلشنا شغل .من ال6الصبح ل4العصر. خلصنا .ورجعنا غسلت اكلت ونمت .. كعدت على التلفون يدك .باوعت امي .
فرات ..هلو يوم
ام فرات ..هلا بيك امي .شلونك
فرات ..الحمد لله ..حبيبه مشتاقلج
ام فرات ..تشتاقلك العافيه .حبيبي اكلت شربت
فرات ..الحمد لله .لايظل بالج
ام فرات ..خوما دتتعب .ولك يوم .
فرات .. تعبت .بس من نمت ارتاحيت .وهسا راح نطلع نتونس اني والولد .
ام فرات . زين .لعد ..لاتكطع اتصل .
فرات .ان شاء الله .
خليل ..اكعد غسل .ونطلع .جاين لاربيل نخلصها نوم
فرات .. كعدت .غسلت وطلعنا تونسنا .وغيرت خليل لك .غير .دنيا هنا .
فرات ..كل مكان يحله باهله
خليل ..اي عيني مشتاق للحب مو
فرات .. مو بس الها .امي واهلي ..كلهم
خليل .. هي فترة وترجع مستعجل للرجعه مو وجه نعمه فرات ..رجعنا للبيت .اتصلت بتالين
تالين ...تاخرت
فرات ..جنت طالع اول مجينا اتصلت
تالين ..تونست((.غدير وسام))
فرات ....لا انتي مو ويايه ماحس بطعم لاي شي
تالين .....اني هم اليوم مضيعه شي وضايجه
فرات ..هههه واني يوميه .يمج مترديني
تالين ...لاتكول هيج .بس محد فاهمني
فرات ..فهميني
تالين ..عوفني هسا .شسويت اليوم .
فرات .شغل .بس انتي احجيلي .بس فتحي كامرة مشتاقلج .
تالين ...اوك ..
فتحت كامرة عبالك صار شهر مشايفها .. فتحي شعرج تالين ..صار .
فرات ..اشو محلوة
تالين ..عيونك الحلوة .مثل مااني بس انته تشوفني حلوه فرات ..احلى وحدة بعيني بس عيونج مرة.
تالين ..فدوة لعيونك .
فرات .ضلينا يوميه اذا ماتصل هي تتصل وتكعدني قبل المنبه وتسئل عليه .تغيرنا هواي وعلاقتنا تحسنت عن قبل .قربت رجعتي .للبيت فرات.. نمتي تالين
تالين .لا . اليوم جوي اهلك .وفاتحو بابا يردون من ترجع نتزوج
فرات ...شنو ..شتحجين انتي
تالين ..متدري عبالي انته دازهم
فرات ..لا مدازهم جان كتلج . سدي تالين بعدين اخابرج
تالين ..داوكف ياعيني شبيك شصار .مضجت بلعكس كلتهلم براحتكم .
فرات ..لا اني كتلج مااضغط عليج .ومااتراجع لاتخافين
تالين ..بس اسمعني ..اني متخلصت من كل خوفي بس مو مثل قبل
فرات ..تغير صوتها عرفت تبجي ليش تبجين .خلص كلشي مثل متردين ماكو زواج هسا .. هما منو كلهم يجون يتصرفون بكيفهم
تالين ماأبجي . لا بس محتاجتك يمي . صدك اريد تحضني فرات ...وين انتي .
تالين بغرفتي .
فرات .. هاي ايدي فاتحهم تعالي بحضني واحجي شبيج .واني اسمع .((غديروسام)))
تالين .. خايفه .اعيد نفس التجربه .مو منك لا اخاف اني جنت موزينه .ومكدرت اكمل
فرات ..ليش تحسين هلشكل .
تالين ..ماعرف .بس خالاتي والكل يكلولي انتي منطيتي لحياتج فرصه وبسرعه استسلمتي .واخاف نفس الشي وياك .بس هما ماعاشو الي عشته .ولانضربو ونهانو كل هذا جنت اكدر اتحمله بس الخيانه .والمقارنه بناس متسوة ماكدرت اتحمله ولو جان اكو شخص يستحق اضحي لخاطره ضحيت ..بس ماكو .
فرات ..افتهمتج ..واعرف الي مريتي بي .ومستعد انتظرج شكد متردين
تالين .اهلك هم حقهم يردون يفرحون بيك . نتزوج بس ماعندي مانع بس اريدك تصبر عليه وتتحملني .لان اكو اشياء هواي ماحاجيتها لاحد ..
فرات .. براحتج حبيبي معليج باحد..لاتفكرين
تالين ..شوكت ترجع .
فرات ..بعد 5ايام .. تردين شي
تالين ..لا بس لاتتاخار .واني راح اجهز لزواجنا
فرات ..شتجهزين لا تسوين شي .ارجع واتفاهم وياهم يله عندي شغل .دكيت على امي .ليش رايحين من كيفكم لاهل تالين
امي ... شبسرعه بثتها للاخبار وبعدين شمنتظر .كلشي كامل تجي تشوفلك غرفه على ذوقك .ونسويلك عرس واخوك حجزلك قاعه جبيرة بدايه الشهر
فرات ..شبيج يوم .ليش الاستعجال
ام فرات . شكد تريد ننتظر بعد .الوراك والقبلك ازوجو .وانته منتظرلي فلانه وعلانه خلصت من عبير طلعتلي تالين شوف اذا متزوجت هسا اشيل ايدي ومالي علاقه بيك وبزواجك وظل اسمع كلام حبيباتك امك عوفها ..
فرات ..ليش هذا الحجي
أنت تقرأ
بدايه خاطئه
ChickLitقصه منقوله للكاتبه غدير وسام الاختيارت الخاطئه قد تكون درس لنا لنعدل مسارات حياتنا ونصحح الاخطاء التي وقعنا به في البدايه وهذا وهذا ما سيحكيه ابطال قصتي بدايه خاطئه
