#بدايه_خاطئه#تكمله الحادي عشر
غدير وسام
اتصلت بماما ..وسلمت وسولفنا .كلعادة مااشتكي كتلها زينه وكلشي تمام سديته دك فرات
تالين ..وين ادك عليك ماكو
فرات ..عندي شغل
تالين ..اكلت .
فرات ..اي وانتي
تالين ..لا هسا من كتلي ماكل جعت
فرات .. شلون بلسانج اني
تالين .. لاتتاخر
فرات ...ان شاء الله ..امي محاجتج شي
تالين .لا راحت لشغلها
فرات ..اذا حجت لاجاوبيها زين .
تالين ..صار ..
فرات يله رايح تردين شي .
تالين ..لا بس خلص بسرعه وتعال
فرات .. مع السلامه
طلعت لكيتهن جايين وعبير مخليتهلم غدا .
خاله ..خاتله بغرفتج والبنيه تخدمج
تالين .. هسا فتت للغرفه خاله
خاله ..صار نص ساعه من اجيت
تالين .. عفتها .ورحت كملت .من اجه عمو سكتت . خلصت ..صاحنني خطيه تعالي تغدي بابا
تالين ..عمو انتظر فرات .
عمو ..براحتج بابا بس يتاخر
تالين ..ميخالف . خلصو ونامو .. بس عبير تلوب تلفونها بايدها شلونج ويا فرات
تالين ..الحمد لله .
عبير .. ادري ممر تاحه لوجودي . بس لاتخافين .اني عفته لفرات .
تالين ..اي صح .. انتي عفتي ..وحلى بعينج هسا .
عبير شنو حلى بعيني .اذا اريدة بأشارة ارجعه بس ممفكره
تالين .. صح لعد منو جان يتوسل وسحل روحه سحل بيوم العزومه يمكن امي
نكتت نفسها وكامت ..دولي تجذب عليه على اساس مسمعتها شكد مكروها . فرات رجع من وقت .وجه تعبان .تلكيته الله يساعدك
فرات .. هلو حبي .
تالين شبيك .
فرات ..راسي .بس حضريلي الحمام . اريد مي حار
تالين تعال عيني . غسل .طلع شويه وجه بي لون ..مقبل يتغدا اخذ مسكن ونام .. ضليت ادلك براسه غفى . خطيه شكد مقهور .. طلعت نظفت .وسويت كيكه طلعت من المطبخ .صارت خاله بوجي
تالين ..خاله فدوة بست راسها واعتذرت .. شفتها فكت شويه .كتلها اني بايدج شتردين اسوي بس بكلبج شي الزميني بيني وبينج فرات لايوصله حجي ينقهر .فوتي شوفي من البارحه ماله خلك
خاله ..يومه وليدي .شبي فاتتله للغرفه حاجته عفتهم طلعت لدوامها رجعت لكيت عبير يمه .
شافتني وكفت ..يله سلامتك . اترخص
تالين .. متاكل شي
فرات ..اي شي خفيف
تالين ..سويت كيكه اجيبلك .
فرات .. اممم . انتي سويتيها . كيك ويسوي كيك
تالين ..هههه هسا اجيبلك . خليتله قطعه وكوب جاي . اكل .وباس ايدي ..عاشت ايدج .. هسا اكل من كيكتي ..عضني من خدي ..اوي .. كرصته .
فرات .. ليش تكرصين
تالين ..وانته ليش تعض
فرات ..اكلت كيك ..معاضج
تالين .. واني هم مكرصتك ..
فرات ..هيح يعني .شوفي منو يعبرج مراحل بعد
تالين ...ماريد اعبر .. عاجبني مكاني .
فرات ... موتجين تبجين
تالين ..مابجي .. ...داكوم جرني ..تعالي وين
داروح ..اكمل شغلي ..
فرات ..من اجي تتركين كلشي وتكعدين يمي افتهمتي .
تالين ..والبيت .. شلون (((غدير وسام )))
فرات ..احترك البيت مزوجتني لو متزوجه البيت
تالين ....اكيد متزوجتك بس عائلنك واهلك الهم حق .
بدا فرات يتذمر من هلنقطه وخاله مترحم واني حتى اتكفى المشاكل اسايرهم بس قصرت . بحق الاثنين وجنت اسمع كلام من الطرفين واسكت خالتي هم كامت متحجي كدامهم وطلع تقاعدها . من دوام النهار بقت بس للعيادة وحولت حياتي جحيم .. وعبير فوكاها ..كاعده ..اشوفها تتقرب لفرات والي مسكتني صده الها ... حتى لاهلي ماروح اخاف منها تستفرد بي .... مرة كعدت بليل ملكيت فرات طلعت ادورة لكيتها بثوب .. مكشوف ومكياج . ومدنكه على الثلاجه وهو بلمطبخ . كاعد على الميز وهي طلعت اكل وخلت كدامه .
تالين ..شكو الاثنين فزو
فرات جعت مكدرت انام ولكيت عبير كاعده كالت اني اسويلك
تالين وليش مكعدتني .
فرات . علويش اي شي اكل
تالين ..وانتي عبير .روحي نامي .اني اخليله اكل
عبير ..خلصت حبي .اها .. جتي كعدت كباله
تالين .. ..كعدت وياهم تشوفها تاكل وتباوع عليه
فرات .. تالين اريد جاي
.تالين صار . خليته على النار وجتفت واتفرج هو حس سوة لفه وراح للغرفه .
تالين ..عبير .ترا اني استحي البس هيج كدام رجلي .
عبير .. مخليه شال .
تالين وينه
عبير ..يبووو ههه مخليته على الكرسي شكد عيب اكول غ
فرات يريد ياكلني .. من قبل هشكل يفقد عليه بس جان يتوكح اكثر .يله باي تصبحين على خير .
رحت للغرفه .فرات وين الجاي .
تالين ..ماكو خلي كصبه المطيرجي تسويلك . فد نوب تكمل جميلها وانت هم كمل تبصبص براحتك .
فرات .. ههههه شنو كصبه المطيرجي
تالين .. لاتضحك ..بعد متطلع ..واذا ردت شي كعدني معليك بيه لاتنقهر عليه
فرات .. شبيج تخبلتي .واذا طلعت شنو
تالين انت واني نعرف شنو .لخاطر الله شوكت يكمل بيتهم وتولي .
فرات ..صوتج تسمع البنيه شتكول
عساها تسمع هي عدها احساس .
فرات ..ترا زودتيها كل مرة اخذها بلضحك واسكت بس ياتالين ثاني مرة اذت تجاوزتي او سمعت بيج مسمعتها كلام .اشوفج وج فرات الثاني . شمر اللفه بوجي ونام .
ظليت للصبح اتكلب هو لبس وطلع .وكلعاده استلمتني خاله.
مها راحت لاهلها قربت والدتها
أنت تقرأ
بدايه خاطئه
ChickLitقصه منقوله للكاتبه غدير وسام الاختيارت الخاطئه قد تكون درس لنا لنعدل مسارات حياتنا ونصحح الاخطاء التي وقعنا به في البدايه وهذا وهذا ما سيحكيه ابطال قصتي بدايه خاطئه
