بدايه خاطئه

6

#بدايه_خاطئه#البارت السادس
غدير وسام

عاتبته ..نكر .وكال بنيه محتاجتني  بشغله .بس تغيرة بين كلشي .
كتله تقدم واني موافقه اترك الدراسه ..
اسامه...تردين الصدك .اهلي خطبولي بت عمي
عبير ..واني .
اسامه ..انتي طولتي عليه وكلتلج اهلي يردون يزوجوني
عبير ..ليش انته بنيه ويغصبوك .حتى البنيه متنغصب اني من كلت ماريد ابن خالتي راسا وافقو رغم ماعاجبهم بس مغصبوني
اسامه ..اسف كلشي قسمه ونصيب واحنا لهنا كطع نصيبنا .اتمنالج الموفقيه  تركت الدوام .ورجعت ابجي .للبيت الكليه كله عرفت بعلاقتي بي .وحبنا . وبعد كم يوم كالت امي .فرات خطب . متت قهر وغيرة .حسيت شي مالتي وانخذ مني  من جنت اعرف بي باقي  بدون زواج ارتاح  اكول لسه يحبني  ارضاء لذاتي وغروري .
بس من خطب .دمرت .واصريت اروح لخطوبته ورحت صالون .ولبست فستان ماروني .ومكياج صارخ  وبيت خالتي ايدي وياهم ..ولزكت لخاله عرفت هي مرايدتها لان مطلقه .استغربت ليش مطلقه .
ام فرات ..من وراج كله
عبير ..غير ردت اكمل وهو مقبل الى نتزوج
ام فرات ..مو كلج اخليج تكملين بس انتي تحججتي   خليتي يروح ياخذ مطلكه
من رحنا لبيتها شفتها حلوة .شفت نظراته الها وفرحته بيها .اني مجان هيج  فرحته بيه بخطوبتنا  عيونه بيهم لمعه .غريبه .رجعنا اباوع لكل حركه  باسها وطلع وهناك فرحان ويضحك شافني  عبالك ممنتبه الي من الصبح وهسا شافني .بسرعه دار وجه  مني اله ارجعك الي .
(تالين)...وافقت  على فرات ..بس بخوف وتردد  حجيت شروط .توقعت يرفض اويعترض بس وافق بسررعه .اتفق هو واهلي .وتم كلشي . اخذولي ذهب كامل .مومثل سجاد بس حلقه . واخذت فستان محجبات اخضر .وام الصالون تفننت  بلمكياج . طلعت  كلش حلوة .  لمن اجه  فرات كلش خجلتني نظراته .مصدكت يطلعون .  بليل جتي ماما ..كالت فرات متصل رايد رقمي وناطيته اله .وراح يتصل جاوبي .
اتصل فتحت خط
فرات ..مساء الخير
تالين ..هلو فرات
فرات هلا بيج .شنو  ناويه تخلين شعرج حسرة بكلبي
تالين ..😰نعم.
فرات ..ههه اشوفه اشوفه وين ترحين .زين وصف  اوصفيلي قربيلي الفكرة
تالين ..من تجي تشوفه ميحتاج اوصف .
فرات باجر من الصبح يمكم
تالين..هلا بيك
فرات ..ممصدك انتي صرتي الي وحلالي .مرات اكول اني بحلم
تالين ..ليش
فرات ..اكو هواي امور متعرفيها وهسا مو وقتها بعدين احجيلج باجر ..نطلع .نتعشا برة
تالين ..لافرات .عفيه .نبقى بلبيت .بعدين  خلي اتعود عليك ونطلع .
فرات ..خايفه مني
تالين ..انطيني .وقت .
فرات ..جيبي نادين وياج .
تالين ..زين ..اشوفها  لان عدها امتحانا
فرات .تعبتي اليوم ..
تالين ..يعني ..موكلش بس صدع راسي
فرات ..بيه ولابيج .روحي نامي حبي .
تالين .تصبح على خير .
فرات ..وانتي من اهل الخير بليلتها نمت لان طمنت صارت الي .اكو لسه شي مخوفني بس اطمئنان ويا .ثاني يوم من الدوام رحت الهم . طلعلي عمي .تغدينا .كلنا  .سوا ..راحو بعدها نامو  بقينا اني وياها لوحدنا .
اسويلك  جاي ..اعرفك  تموت عليه
فرات ...هههه شمدريج
تالين .من جنت تشتغل .يمنا انتبهت عليك.
فرات ..زين هم منتبها  على شي يخصني
تالين ..مو واكعه براسي كل ربع ساعه بابا جاي لفرات .ههه
فرات ..العفو عيني  تعبناج .واني اكول الجاي طيب لان ايديج الحلوة تسوي .جريت ايدها بستها ..ضحكت ..وسحبتهن خليت ايدي على جتفها وسحبتها لصدري ..جريت الحجاب منها .. ارتبكت مديت ايدها وخرتها .  فتحت القراصه نزل شعرها يجنن اسود ..وطويل كلش . جان رطب وريحته كلش طيبه   شميته حيل ..وبست راسها
تالين ..فرات ..لايروح بابا يجي .ترا بس يكسر نعسته  ربع ساعه.
فرات ..خلي املي ريتي من ريحتج .
تالين .. سحبني فرات لحضنه حنيته تخبل وارتاحيت تمنيت مابتعد بس استحيت وجريت نفسي منه يتغزل بشعري ونظراته ترجم مشاعر وتحجي بدال لسانه باوعت بعيونه بديت احب نظرتهم اليه
تالين ...فرات ..موسمعت بيك خطبت قبل
فرات ..اي .بس فسخنا
تالين ..ليش فسختو  اكدر اعرف
فرات ...خطبتها من جانت بلخامس  اعدادي .ومن دخلت كليه جنا متفقين نتزوج وتكمل بس هي رادت تكمل وكالت مااوفق زواج ..ودراسه وقررت نترك .
تالين..حبيتها
فرات ..اي بذاك الوقت كلش جنت احبها .وتنازلت عن هواي  اشياء .
تالين .وهسا ..
فرات ..هسا احب وحدة من شفت عيونها خبلوني وخلوني نايم كاعد احلم بيهم ونسوني عبير وابو عبير
تالين ..عيونمن هاي .
فرات ..عيون امي .
تالين ..اها...اا عبالي  عيون ابويه
فرات ...لا متوهمه .
تالين ..منيه عبير بيهم هواي اجوي ..والكل تباوع عليك ماشاء الله
فرات ..ممنتبه شلبست .وحتى لو شلون تعرفيها هواي هنا .مثل مكلتي .عندي 6خالات وكل خاله عدها 3و4بنات من غيرعماتي .والاقارب
تالين ..ماشاء الله .وكلهن يحبنك
فرات ...هههه شطلعت كاظم الساهر .لا بس اكلج  متعرفيها انتي ليش مهتمتلها  البنيه راح تنخطب
تالين  شعليه ..بيها .
فرات ..اها.. يله مومهم بدلي نطلع
تالين ...انتظر بابا يكعد ونكله .
فرات ..اوك ..ننتظر
تالين ..وين توديني ..
فرات ..كيفج عاجبج مكان .بلا عنوان ..تكمله السادس <br>
فرات ..كيفج بالج مكان اوديج اله <br>
تالين... لا انته براحتك شيعجبك البس<br>
فرات ..انتي ذوقج حلو .المهم شي مستور  <br>
تالين .. عاجبني ..البس بنطرون وبدي . رحت جبتهم شافهم ..<br>
فرات حلوات بس بلبس يبينن لبسيهم وتعالي <br>
تالين لبستهن .بنطرون  حبري .وبدي   ماروني بي ورد اسود <br>
فرات ..شلون أنتي  شتلبسين فتنه . <br>
تالين .محلوات <br>
فرات ..بلعكس ..كلش حلوات ..تعالي يمي ..<br>
افكر  هاي وين اضمها ..ماريد احد يشوفها .هاي بلى ترتيب  ومكياج وتكتل .اذا ترتبت شلون .<br>
تالين ..نعم .تريد شي <br>
فرات ..لا بس غيرت رائي منطلع ابقي بيهم <br>
تالين ..ههه مو كتلك من الاول <br>
فرات ..خليت راسها على صدري  وبسته ..سمعنه صوت وخرت  كعد ابوها ..تعذر لان نام وعافني <br>
فرات ..لا عمي براحتك .هذا صار بيتي<br>
ابو تالين عفي عليك بابا كومي . بنتي سوي جاي <br>
تالين صار   كمت سويت جاي وبابا جايب بتي فور خليت .قدمت كعدت يمهم وجوي ماما والبنات للعصر ترخص وراح..طلعت اوصله ..فرات ..ماريد اروح <br>
تالين ..لاتروح... <br>غدير وسام
فرات ..ههههه .يله .اترخص  اني ..هاي مصرف الج <br>
تالين مااحتاج .  <br>
فرات ..ميخالف ..خليهم عندج اترخصت .<br>
تالين .فتت للمطبخ .نادين ..هاي شنو وجج احمر باسج <br>
تالين شنو باسني مو عيب <br>
نادين ..ليش عيب مو خطيبج اني ومحمود  مخلصيها بوس وانتي المفروض خبره <br>
تالين ...شتقصدين خبره لان جنت متزوجه معناها مباحه  اذا انتي اختي هيج تفكرين لعد الغريب شيفكر <br>
نادين ...شبيج تعالي اشاقه وياج <br>
تالين ..عيب هذا الكلام والولد محترم واني المفروض اختج وتعرفين اخلاقي .وبعدين ذاك من شوكت كان زواج واحس احساس المزوجه اشو كله بلاهانه والضرب  رحت لغرفتي ...وضايجه كلش .. اتصل .فرات .مجاوبته .ظل يدك ..واني موبحاله .اخذت فاليوم ونمت .<br>
لثاني يوم ..الصبح كعدتني ماما ..رايحه للدوام تريد تتطمن .<br>
تالين مبيه شي <br>
ماما...اختج حجتلي  لاتصيرين  حساسه هي متقصد .يله كعدي اكليلج لكمه ورجعي نامي من البارحه مماكله وطمني خطيبج حتى على ابوج اتصل .<br>
فتحت فوني .الاتصلات والمسجات . متخبل خطيه .<br>
كمت تريكت ونظفت سويت غدا مالي خلك اتصل بفرات .دك عليه .شلته<br>
فرات ..صدك تحجين انتي <br>
تالين .هلو فرات شلونك<br>
فرات ..شتتوقعين شلوني .من البارحه لليوم نار ولومو شغل ملتزم بي اجي لبيتكم .<br>
تالين ..ماكو شي بس تعبت معدتي اخذت مسكن بس قوي ونمت .هسا كعدت .<br>
فرات  العصر اجي اخذج دكتور <br>
تالين... لاتحسنت .والله لاتجي<br>
فرات ..متريديني اجي ..مو <br>
تالين ..مو هيج .بس استحي من بابا .واني زينه <br>
فرات ...تمام وصلت الفكرة .اترخص <br>
فرات ..بعد مطلعت منهم   جنت مرتاح حسيت  بدت تميل اليه .بليل اتصلت مجاوبت .ضليت اتصل بعدين دكيت على امها  كالت نامت ورا مطلعت .للصبح ماكو معقوله اكو شي .دكيت على عمي كال نايمه ماكو شي لاتخاف .اتصلت الضهر  جاوبت بس من ورا خشمها .كالت مريضه  مقبلت اخذها ومبينه متحسسه من روحتي يمهم .ترخصت يمكن تسرعت .وياها .رجعت للبيت ضايج <br>
امي...اخليلك عشا .<br>
فرات ...ماشتهي يوم اريد انام . تعبان <br>
امي ..شبيك اليوم <br>
فرات ..تعبت خلصنا البيت وحيل ضغطت على نفسي .اريد انام .<br>
امي نام حبيبي .<br>
طلعت امي نمت وكعدت على التلفون .تفاجاة رقم عبير .<br>
شذكرها بيه وشتريد <br>
اعتذر البارت  قصير ..  ان شاء الله اعوضكم