مصطفي: ليلياااان..ثم ذهب اليها واحتضنها متناسياً تماماً سليم فوجد قبضه قوية تسحبه ولكنه لم يعبأ بها
مصطفي: ليلياان وحشتيني اوي انا اسف اني كنت غبي الفترة دي كلها سامحيني يا ليليان انا هصلح كل الي انا عملته دا و..
ليليان قاطعته بغيظ: مصطفي دا سليم جوزي
مصطفي: هاا!! جوزك!!
سليم بغضب: اه جوزها عندك مانع!!
مصطفي بندم: اا..انا اسف بعد اذنكوا
سليم وقد قبض علي ذراع ليليان: ايه الي سيادتك عملتيه دا
ليليان: عملت ايه!!
سليم: يعني مش عارفة!! الاستاذ كان بيحضن ومش عارف بيقولك ايه كان ناقص يطلبك للجواز وانتِ تقوليلي عملت ايه!!
ليليان: الله انت شوفتني عملت حاجة ما هو الي عمل ويلا نطلع بقي عشان انا تعبانة..صعدا معاً ودخلا الي المنزل
ليليان بفرحة: ياااه اخيراً رجعت بيتي..ولكن سريعاً تلاشت فرحتها عندما تذكرت والدتها فأدمعت عيناها وجلست علي الأريكة فلاحظها سليم واقترب منها ووضع يده علي كتفيها
سليم: متزعليش هي فـ مكان احسن من هنا بكتير
ليليان: انا عارفة بس هي وحشتني اوي..قالتها بهمس
سليم: خلاص بقي متزعليش قومي يلا فرجيني ع الشقة
ليليان وقد تداركت وضعهم: ايه دا ابعد عني يا سليم ومتلمسنيش كدا تاني
سليم: انا غلطان اصلاً يلا وريني اوضتنا
ليليان: اوضة مين يابابا انت اسمها اوضتك متحلمش اني هقعد معاك ف اوضة واحدة..ثم سارت لكي تريه الغرفة
ليليان: اتفضل دي اوضتك..انا هنزل اشتري شوية حاجات للبيت فـ انا هعتبرك ضيف وهقولك خد راحتك فـ البيت يلا عن اذنك..قالتها لكي تجعله يستشيط غضباً وقد نجحت
هبطت ليليان لكي تشتري اشياء لزوم المنزل وقابلت مصطفي وهي عائدة
مصطفي: ليليان هو الي قولتيه دا صح
ليليان ببرود: اه وبعد اذنك عشان انا متأخرة
مصطفي: انا بس كنت عايز اقولك حاجة..انا اسف يا ليليان اني محستش بيكي كل الوقت دا دا غير اني روحت خطبت صحبتك..انا اصلا فسخت خطوبتي منها و انا مش عارف اقولك ايه بس بجد سامحيني انا معرفتش بقيمتك غير لما مشيتي سامحيني يا ليليان
ليليان: مصطفي الكلام دا مبقاش ينفع دلوقتي انا ست متجوزة بعد اذنك..صعدت ليليان ولكنها لم تقابل غير وجه احمر من شدة الغضب
سليم: سيادتك كنتي بتعملي ايه تحت
ليليان: انا مش قولتلك نزلت اجيب حاجات
أنت تقرأ
You're Mine|انتِ مِلكي
Dragosteلكُل منهما شخصية مميزة..الطريقة التي تقابلا بها غريبة بعض الشئ!! هي لها حياتها وهو لهُ حياتهُ.. هو متقلب المزاج بارد..قاسي..لا يأبه بشئ..عطوف..حنون!! هل يستطيع ان يتأقلم معها وهي ذات القلب الطيب الرقيقة التي لا تعلم شئ عن العالَم؟!
