دلف مالك لحجرة كارما وجدها تضع طلاء الاظافر الاحمر و تلطخ دمية ما
مالك :احم
كارما بشهقه :خضتني
مالك بابتسامة :اسفف .. بتعملي ايه
كارما بمرح :بعمل حواجبي .. شايفني بعمل ايه بحط مانيكير
مالك :و الاسد المسكين ده ذنبو ايه
كارما و هي تنظر للدميه :انت مش عارف عمل ايه
مالك و هو يجلس :ايه؟
كارما :قتل موفاسا
و ضحكت كارما و قالت :دمي شربات
مالك بتبرم :واضح
كارما :بص انت جاي تقعد معايا .. اقعد حلو كده عشان نبقي كويسين مع بعض .. امين؟
مالك :امين
كارما :احمد و اسماعيل .. ضحكت كارما بعدها بشده و قال مالك :اقولك نكته؟
كارما :قول
مالك :نكته
كارما :بايخه علي فكرة
مالك :شقرا
اشارت كارما لمطرقه ما و قالت :بقالي ساعه عاوزة اعرف ده ايه .. ده ايه؟
مالك :شاكوش
كارما :شعرك منكوش
ضحكت كارما بعدها فقال مالك :انا قايم
كارما :ليه ده انت مسلي
مالك :يسلام بأمارة ايه؟
كارما :خلاص المسامح كريم .. او مالك ع حسب
مالك :عمري ما كنت اتصور انـ..
قاطعته بضحك :غير بكاميرا سامسونج؟
نفخ بضيق فقالت :خلاص هقولك ع حاجه .. عارف مين انشط رقم في الارقام؟
مالك باستغراب :لا
كارما :رقم 80 هو الانشط عارف ليه؟
مالك بعدم فهم :ليه
كارما و هي تضرب قدمها و تضحك :عشان بيعمل تمانين الصباح هههههههه
مالك :لا يا ستي انا ضغطي علي
كارما :خلاص اخر سؤال و براحتك
مالك :ارغي
كارما :لو شيلنا الهرم هنلاقي تحته ايه؟
مالك بمرح و ضحك و سعادة :Made in Egypt😒😂
قطبت كارما جبينها و قالت :لا مقابر
مالك بضحك :هاهاهاهاي لا
ضربته كارما بالوسادة و قالت :رخم
مالك و هو يضربها بوسادة اخري :طالعلك
كارما :ليه كنت اخويا و لا اخويا؟
مالك :بس يكارما بقا
كارما :كارما مين؟
مالك :اقصد رنا
كارما :لا يابا .. اكيد تعرف حد بالاسم ده .. طب قوم روح لكارما قاعد معايا ليه؟
نظر لها مالك بتعجب و قال :انا مش عارف انتي كدة ازاي
كارما :زي السكر فالشاي
اخذ مالك يجري عليها علاجا ما بسيطا و يريها صورها ع انها صديقتهم .. شعرت هي بشئ غريب و لكنها تجاهلته و صمتت ..
***
يمر يوم تلو الاخر ايام علاجها .. لا تستجيب كثيرا .. لا تتذكر شيئا احيانا تتذكر اسمها و عائلتها و سرعان ما تنام و تنسي
بدأت الجامعه كانت تذهب بصحبه بسنت يومين في الاسبوع
كان مالك معها دائما لا يفارقها الا في نومها و في الجامعه
مر شهر كامل .. اي باقي اسبوع علي رحله الجامعه الذي دبر لها عمر و يزيد و التي كانت لشرم الشيخ لمدة يومين ..
اما عن سلمي و صديقتها دينا فكانتا تفعلا كل اساليب الاقناع لذهاب رحلة ما في جامعتهم .. و لكن والد سلمي غير موافق بسبب كارما .. اما والد دينا فلن يوافق الا بوجود سلمي لأنه لا يريد ان تختلط اينته بأحد
ماذا بعد الان...
__
استيقظت علي صوت تحبه كثيرا و لكن...
كارما .. كارما .. كوكي حياتي
فتحت عينها لتنظر في عينيه بسعادة بالغه و تقوم من الفراش و تحتضنه غير مصدقه لما تراه الان
اهو .. بكامل جسده .. صوته في اذنها .. رائحته تداعب انفها
قالت بصوت يكاد يختنق من فرط السعادة و عدم التصديق :يـوسـف!
