انثى في معتقل الخطيئه

10

#انثى_في_معتقل_الخطيئه 10

بقلمي نورا

#غدرني_الزمن

زمن ...تمشي بيه السياره والوجع والندم ياكل بروحي ليش مبقيتي وياهه يازمن ليش .. وصلنا للبيت نزلت قياد نضراته كلها شفقه ..واني مدنجه وابجي .. شفت ام قياد وابو بالصاله كاعدين امه تباوعني ومعاجبها كال قياد روحي زمن لغرفتج رحت

قياد .. راحت زمن تمشي بالم متاثره لوفاة امها .. كعدت يمهم ..درت على عمتي گتلها ماما عفيه اتحمليهه هالكم يوم خطيه مااعدهه احد راح اوديهه لبيت ابويه

زهره ..قياد شدعوه هالكد مهتم بيها ..

قياد ..موقضية اهتمام ياامي بس رحمه وشفقه البنيه معدها احد ..

صباح ..وبعدين اني كلش زعلان عليج انت شون تتصرفين بهالتصرف البنيه بعمر بنتي وكعدت اسولف وياهه مابيها شي

زهره ...اعذرني حبيبي مو اغار عليك ...

صباح ..تغارين عليه من طفله اني ادور اطفال

زهره .. هي طفله

صباح .. اي طفله ولو مخلف اني جان بناتي بكدها واكبر ..

قياد .. المهم اني بعد كم يوم  راح اطلع .. لبيت ابويه اوديها وابقى كم يوم وهم مبقه شي على الاعداد مالت اختي رحمه .. على ابن عمي ..

زهره ..اروح وياك اني .. اريد احضر حفلة رحمه ..

قياد ...  مممممم ماشي لعد جهزي نفسك بعد كم يوم

اترخص... كمت مشيت صوب الدرج وجهت نضري للمطبخ تنهدت بقلبي گلبي اكيد هسه دتبجي وصعدت الفوك ارتاح والعصر اطلع ..

زمن .. فتت للغرفه سحبت جنطتي واني ابجي طلعت صورة امي بالجنطه وظليت ابجي والوم بروحي. من البجي والنوح احس نصبت الها مأتم عزاا بنص گلبي ماانسه فضلها ابد ياما ربتني واني طفله بدون اي مقابل ماسويت الها شي ماوكفت وياهه بمرضها انهزمت وعفتها .. واني شابه قدمت الي الحمايه بكل ماتملك .. الاان تمرضت .. بنص الوجع تذكرت قياد ووكفته الي .. تنهدت كل يوم يزيد احساسي بالحب اتجاهه وحتى بالامان .......

مرت كم يوم حالتي حاله وام قياد ماتعذرني ابد نفس تعاملها الي مابقلبها رحمه ..

قياد .. رجعت للبيت بالليل ساعه 9:00 الجو صيف وبي نسمات هوا والقمر بدر .. شفت زمن بالحديقه ... دتمد المي للزرع .مسويه ضفيرتها المعتاده ع جنب والهوا يداعب شعرها . تقربت الها گتلها ها شدتسووين باوعتلي وعيونها لسه مورمه وماكو بيها اي حياة ماالها خلك شي ..

زمن ..اوصل المي للزرع ..

قياد ... مو شغلتج هي ليش دتشتغليها مو الفلاح موجود ويهتم بالحديقه