انثى في معتقل الخطيئه

9

#انثى_في_معتقل_الخطيئه 9
الجزء التاسع

بقلمي نورا ...

زمن ... انفتحت الباب .. طلعت ام قياد .. جتي صوبنا هو لازمني ويلعب بشعري .. اريد افك نفسي منه مااكدر قوي .. جتي هي صارت تضربني ع ايدي بأطراف اصابعها وكأني نكسه ولازمته ..

وخري عنه يله وخري .. تركني ويباوعلي .كمت منه وصرت افرك بيدي مكان ماضربتني . هو تمدد كل جسمه ع الدرج .. هي صارت تحاجي .. هاي تربيتي الك قياد .. تجي سكران ها هيج علمتك هيج ربيتك وهو يحجي بدون وعي ويردد ورده ورده .. وهي تباوعلي تعالي يامعزايه ساعديني اشيله ليروح يكعد صباح .. ويبهذلنه .. سوده عليج وع ورده طيحتن حظه .جاي سكران من زين مااندعم او صار بي شي . رحت وياهه ساعدتها گومنا وهو يهذي گوه وصلنا الفوك .  ضخم ضعنه بين ايدينه. ... نومنا ع الجربايه وراح بغير عالم غفه .. اشرتلي تعالي نزعي حذائه نزعته حذائه .. وطلعنا .. لزمتني من ايدي گالت  بعد اذا شفتج يمه بهيج وضع ... صدگي اشمرج بإيدي بالشارع .. خووش وراحت نزلت ونزلت وراهه .. دخلت للغرفه الي انام بيها .. تذكرت من گلي احبج
هالكلمه .. فززت احاسيسي واخترقت اعماق قلبي. وان كالها وهو مو بوعي و ميقصدهه الي ويقصد بيها ورده بس كالها بوجهي اني ...ندبت حظي العاثر ليش اني هيج ليش مااستحق اكون مثل ورده والله تعبت اريد اعيش حياة طبيعيه هنيالج يورده شايل بقلبه هالحب الج .. و نمت

قياد ... گعدت الصبح مكسر جسمي كوه كمت ودايخ وماادري شصار البارحه .. طبيت للحمام  غسلت وطلعت شفت عمتي .. ومعصبه .. واني ادكم  قميصي هي تحاجيني  .. هيج ربيتك قياد هيج تجيلي سكران نص الليل ..

قياد .. انت جبرتيني هيج اسوي

زهره .. شسويت جبرتك صاير متتحاچى ابد شالقضيه

قياد .... ليش الي صار الي شويه .. يووم تعبت امثل القوه واني بداخلي مكسور ..

زهره .. ياامي يااحبيبي ورده مو اخر بنت بالكون ياعيني .. وبعدين شنو سالفة هي الي لازمها ع الدرج وتكوللها احبج وتلعب بشعرها

قياد .. انصدمت منو ؟؟؟؟

زهره ... الي اسمها زمن .. بعد منو اكو غيرها هنا

قياد ... اني سويت هييج 😳؟؟؟

زهره ... لاخيالك لو مابعيني شفتك

قياد ... خررب مجنت بوعيي امي

زهره .. المهم مااريدهه بعد هنا خلص قياد ممرتاحه الوجودهه

قياد ... اقتربت منها ولزمت ايديها .. خلص امي اليوم اشوف الها صرفه .. ولتضوجين ..

طلعت عمتي واني مصدوم معقوله اني سويت هيج وياهه .. المهم رايح احاجيهه ... كملت تبديل ورحت ادور زمن .. شفتها بالمطبخ دتحضر ريوگ لابسه قميص وتنوره قصيره وشامره شال على راسها وطالعه ضفيرتها وجزء كبير من كذلتها شافتني ابتسمت خزرتها .. شبيج تضحكين