انثى في معتقل الخطيئه

14

#انثى_في_معتقل_الخطيئه

الجزء الرابع .. عشر

بقلم نوره

زمن ... طب الشيخ وزهره وهوائل .. قياد ميحس على نفسه كعد على الكاع ... اني كمت ابجي .. هوائل واكفه بالباب .. وتتمضحك بهدوء .. زهره وجهه ينطي الوان مزعوجه ومعصبه وخايفه. . اما الشيخ گلبها عياط وصايح .وعيونه تجدح. ويضرب بقياد ويعيط ولك تريد تفضحني ياكلب ياساقط وسكران ويضربه برجله .. جتي زهره گلتله خويه . عوفه الله يخليك هو هم تعب وحالته حاله

كريم . ولج زهره شسويتي للولد خذيتي هناك وعلمتي على طيحان الحظ لو ظال عندي هنا انه اربي احسن ...
زمن .. اندار عليه الشيخ وانه واكفه مخليه ايديه على حلگي .. وابجي تقويت وتجرأت وگتله عمي والله يگولي اشمرج بالشارع وين اروح  الشيخ كال ماتروحين مكان روحي لغرفتج هسه .. طلعت اركض الغرفتي ماادري فرحانه ماادري ضايجه وماادري شراح يصير .. بدلت ملابسي وسرحت شعري سويته  ضفيره  ونمت .. 

قياد ...

يوم الثاني الصبح .. جنت نايم على الكاع واحس جسمي مكسر .. ماادري شنو الي صار البارحه بس هيج اتذكر لمحات اتعاركت ويا ابويه وجان يضربني ومااكدر اتحرك .. ولاارد عليه .. بعدها بلحظات دخلت عليه عمتي زهره ..

زهره .. بعدك نايم على الكاع كوم قياد شصارلك ها ماتكلي شصارلك .. دكوم .. كومته خليته على السرير

قياد .. شصار يعني .. مشفتي ابويه وشون تعامل ويايه ..

زهره .. انت غلطااان ولك غلطان .. فضحتنا كدام بيت عساف وهسه كدام هوائل الماتضم حجايه

قياد .. يعني شمسوي اني متكوليلي شمسوي وهوائل شكو بعد

زهره .. ولك مخلي زمن هنا جواك ولك بدخلة ابوك عليك ليش هيج تسوي هاا ليش بالله. .

قياد .. زمن شجابها هنا .. اووو يمه راسي راح ينفجر دخيلج خليني اكوم اغسل وارجع

زهره .. كوم غسل وبدل وابوك يريدك .. والله يستر من ابوك ..

قياد .. اشرت الها بايدي معناهه ميهم وطبيت للحمام سبحت طلعت بالغرفه داامشط اجتي امي گالت تعال يله ابوك خابص الدنيا عليك ساعه عشره هسه

گتلها اووو تره خبصتوني اني اليوم طالع البغداد .. واخلص
زهره .. موبكيفك قياد لاتخزيني كدام ابوك  ولك تعبت امشي يلا خنشوف شيريد منك ..
رحت لابويه .. صبحت عليه مارد عليه معصب وعيونه مخنزرهم وكاعد بالصاله .. كال كعدو اثنينكم . كعدنا ..
الشيخ كريم .. قياد بدون اي نقاش انه قررت ازوجك لهاي البت وياشر بالعوده مالته

قياد .. يابت هي يابه بتوتر

الشيخ كريم .. زمن الي جنت البارحه وياهه بالليل