انثى في معتقل الخطيئه

الاخير

#انثى_في_معتقل_الخطيئه

الجزء الاخير .....

بقلمي نوره. ...

قياد .... بعد ماسمعت كلام زمن .. من گلتلي اني عرضك اني شرفك .. حسيت زودتها وياهه اني صدك لازم اكف نفسي عنها .. وقررت اروح البغداد ...

بعدها .. بكم يوم .. خابرتني هوائل تعجبت هي شتريد اول مره تتصل تريدني   ... حاجيتها گالت تره زمن بليلة الي جنت متعارك ويا ابوك كالت انه بالوحده راح اروح يم قياد. ... يريدني ..... وانه ياوليدي سامحني .. گلت لابوك وهو صاح الزهره  واجه دخل عليكم .. تره زمن مخططه الهالشي تريد تاخذك .. اني كلش عصبت منها  خابرتها طيحت حظها وگتلها راح اشمرج .. يم نوال هي دواج يوم بس مجنت اقصد ثاني يوم طلعت لبيت ابويه الشيخ من وصلت گالو تره زمن ماكو مهزومه من البيت. اني طار عقلي بلحظتهه .. ابويه واخواني واني دورنه عليها مبقه مكان مادورناهه يومين واحنا ندور ماكو فص ملح وذاب .. رجعت البغداد ادور عليها ودزيت جماعه لبيت نوال يدوروها ماكو .. حلفت اذا الگيهه اله اذبحها بيدي علي سوته .. مرت اشهر ماكو هي ..

مرت الايام وماكو زمن .. احس فراغ تعودت عليها سنه كامله جانت ماليه جزء من حياتي .. وهم زوجتي هي ماتوقفت ادور عليها كل يوم بس مالگيت الها اثر ابد

نكعد نحجي اني وعمتي احسها مرتبكه تكولي تولي لتدور عليها ارتاحينه منها .. گتلها شون ماادور عليها هي زوجتي شون اعوفها هيج ومااندل دربها وين

زهره ..تلكاهه رجعت لبيت الي جبتها منه ..

قياد .. دورت هناك ماكو اصلا هي انهزمت من البيت لان هددتها ارجعها لهناك ..

زهره ... ليش مهتم ياعمري ازوجك الاحلى منها

قياد ... هفف
_______________

ورده .. بعد ما عرفت ان قياد تزوج زمن البنيه الي اعتبرتها صديقتي وحبيتها كرهت قياد بس ماكرهت زمن  سويت العمليه ونجحت .. وصرت زينه .. ورجعت لدراستي .. ومافكرت باي شي غيرها بس بقى شي واحد يربطني بأبن عمي .. مازن وهو عقد القران
بفد يوم عزمونه بيت عمي وكالوا تعالوا يمنه اني تشجعت ورحت توقعت راح يحددون مصيري وي مازن بس مااتوقعت هالشي ابد

زهره .. بعد هروب زمن ارتاحيت وهي ماكو هم وانزاح مني ..... رجعت خابرت صالح گال لازم نتوقع كل شي وناخذ حذر بس اني مااهتميت اهم شي عندي حياتي وصرت زينه على العلاج الطبيعي .. ورجع حلگي طبيعي ورجعت البغداد الحياتي الطبيعيه
وصباح مدللني ميشوف غيري .. الا ان اجه اليوم المشؤؤم الي غير. كل شي بحياتي

قياد .. ابن عم ابويه  الشيخ عساف عزمنا كلنا جنه ابغداد .. اني وعمتي زهره وزوجها صباح رحنا لبيت ابويه وكالوا احنه هم معزومين  دخلنا شفنا الكل هناك
تفاجئنا ..  سمعت عمي عساف يگول .. اريد اعرفكم على فرد من العائله شامرينه من زمان .. وهسه رجع عن طريق الصدفه وكال الفرد هذا ابن زهره وصالح من زواجهم السري جفلت والاكثر انصدمت بدخلت زمن .. ونوب خلت بين ايديه طفله وكالت هي بنتك  .. احنا ماافتهمنه بس شوفت زمن تغير شي بداخلي .. بعدها گبت العيطه عمتي وكعت اجه مازن اخذ البنيه من ايدي .. انطاهه الزمن  ..
صالح  ظل يعيط