صراع انثى

البارت السادس

#صراع_أنثى
بارت 6
كملت كلامي وگتله اسمع مؤيد  اني اعوف الناس كلها ع مودك بس اعوفك انت والناس لخاطر امي كافي هواي تحملت بس ييزي عاد تعتذر لامي وتبوس راسها وشتريد تنفذ الها
  بله ع شنو انفذ امج شكو تتدخل
ها امي شكو تدخل؟؟!! جانت عمه وعمه وتتحايل هسه امي شنو ؟؟! اني اروح لأمي احسن الي
  رحت من يمه طلعت العبايه لبسته كلشي ماخذت وياي
  بس لبستها وداطلع هو شافني هيج ظل يعيط عليه
  تطلعي بلا علمي تعاي
كتله مارجع شسوي سوي
     اجه يمي لزمني موتني كتل
  ولله جسمي كله ازرك اتعجب ع واحد شلون يضرب بايده ويخلي الجسم ازرك
    كمت ابجي كتله ولله اذا متاخذني لاهلي اكلب البيت ولله مابقه يمك زين؟؟
كام حظني وظل  يتلوك
حبيبتي انتي عصبتيني واني مالي خلك من شفتج عايفتني وابقه وحدي نجنيت
      اي خوش حجي يلا توديني
ولله اوديج الصبح وعد مني
  وهالحجي يحجي وياي وعينه ع ايدي وزندي ازرك طابع
نمت والدمعه بعيني صار الصبح واني انتظره يجي اريد ارجع  لأمي
من اجه كتله خل نروح
ظل يباوعلي ..ويتفحصني  شاف جسمي بعده مزورك كال منروح هسه ع باجر عندي شغل كومي سويلي ريوك
جريت تلفون طبيت الغرفتي وخابرت امي من جاوبتني كتلها
ها يمه شلونج
كالت ييمه زينه بس راسي راح يطك ابو الأجار يريد فلوس مال٧ اشهر منين نجيب وابوج هل تشوفي كاعد شلونج انت شخبارج صوتج تعبانه
  كتله ها لا يمه ماتعبانه بس توني كاعده من النوم
زين مؤيد شلونه وياج ؟؟
كلش زين رضاني وداني، البستان يمنه من صبح فرفرني تريكنه هناك وجينه
  كالت هاا
كتله اي  يمه
البارحه عصبي وكام يمسلت بس من رحتي انت اعتذر
شوفي خوالي بلكي يساعدوج بالأجار خوش
كالت الله كريم
يلا يمه مع سلامه
  سديته منها انهاريت ولله
جيت اشكي الها من مؤيد
هي البيها كافيها شلون يالله
  همزين طمنتها عليه   كتله زين وياي
يربي جسمي يوجعني
وهي كم يوم الى ان راح الاثر يلا خلاني اروح لهلي

رحت شفتهم ورجعت مابقيت هوايه ..
من رجعت ماجنت اشتهي ابد بس كوه عليه حالة اهلي ابد ماتساعد .. مرت أيام بقينه فتره كل واحد وحده انام وحدي واكل وحدي ..
فد يوم اجه باسني اني تفاجئت كلت شبي هذا معقوله انعدل ؟؟!! شويه بقه يمي اني سويت نفسي ماشوفه عود نايمه جان يكلي اريدج كومي
كتله مااريد
جان يكلي اعوفج ماتبقين يمي بعد
  ليش شنو سويت الك شنو تعوفني فوك ماتحملت كلشي منك ضرب وغلط وتاركني كلمه طيبه ماكو اتمنى تكلي شبيج شمحتاجه عبالي جاي تعتذر
طلعت تريد اروح ماشي تدلل ما ابقه
  كال والله اذا بقيتي احرك روحي فوك مامتحملج ام الامراض اهلج غشوني مريضه شمروج عليه
  كتله مريضه مو مشكور ماباقيه يمك تره بس اذا رجال طلك وعوفني
  عفته وطبيت بالغرفه نمت صار صبح داريد الم غراضي ضل يتوسل ابقي ابقي ماكدر بدونج لزم ايدي كام يبجي لتعوفيني راح اوديج لأهلج ترتاحين وارجعج اني طالع لبغداد
ممممم بقيت افكر كتله ماشي
بس باعي مو ترحين للطبيب عليج الله
كتله اي ماروح
اني اوديج للطبيب بس يصير عندي كتله خوش روح جيب غده وتعال طبيت اسبح طلعت جان يجي يكعد ع الكرسي
  كال تعالي حظني من خصري
كلبي رجف ولله كال سابحه كتله اي جان يكلي جيبي القران وتعالي
  رحت اركض لبست الحجاب وجريت القران بسته ووديته اله
  هاك القران كال ابقي لازمته فرحت جايبلي هديه يارب نعدل الحمدلله
  جان يكلي لزمي لزمته احلفي متطلعين وي امج للطبيب
  كتله ها !!!لاماروح
  احلفي حلفت اله ودمعتي صارت فيضان من صدمتي كال شبيج كتله ابد مابيه بس كلما اضن بيك خير تصدمني بتصرفاتك ماروح يلا ارتاح
  وبقيت ابجي هو كال بدلي اوديج لأهلج
  تباتين وباجر اخذج كتله اوك راح زين وبدل اني لبست عبايه وطلعت مالي خلك نفسي ايرد اروح لأمي
  رحت لأمي فرحت عبالك مو طبيعيه طبيت اكل واكل مال سنه ليكدام
امي تكلي يمه شبيج مفجوعه كتله يمه اكل مالج طيب عاجبني اكل
  كملت لزمت تلفوني ب٤ونص تقريب اكلب بالفيس
  جان الكه كروب عن الحلال والحرام
   فسالت اذا مريضه ورجلي محلفني ماروح لطبيب ومرضي يخليني اتطلك ايرد اعالج نفسي
كالولي حلال مدام مريضه الج حق تطلعين
كيفت ركضت لبست عباتي
وكلت لأمي يمه هسه نروح للطبيبه رجلي طالع لغير منطقه خل اشوف شبيه
كالت ولج خاف يشوفج كتله هسه اخابره
  خابرت ها حبيبي ماجيت اريد احظنك
كال وين اجي مخبله توني طالع ابات ابات يلا ولي
طررررت من الفرح واكول لأمي ميجي خل نطلع طبيت للدكتورة وروحي تلوب كتله دكتوره شي خاص مااريد مراجعه تفوت اني وياج اشرت للسكرتيره محد يبقه بس اني
كالت يله شعندج
كتله دكتوره رجلي يكلي بيج ورم لو عندج ضيق كلش قوي فدوة دكتوره ولله راح اطلك واني اخاف ع امي يصير بيها شي اذا تطلكت عندج علاج اني لسه مماخذني اخذت حب ترامال وبنج بس مافاد اني اخاف
  وهو متحمل صار كومه بس يطرد بيه اطلكج واطلكج كالت صعدي ع سديه فحص
كمت ارجف مرايحه طبيبه ابد صعدت ع ا لسديه وادعي يارب يارب ساعدني كالت كومي خلص كمت جرت ورقه وبدت تكتب ها شتكتبين دكتوره كالت ماما انتي جذابه لو شنو هاي ماكو اي غشاء وانت تكولين اني بنت مامسؤوله اني كتبت تقرير بأنج مو باكر
كتلهه لااا عليج الله دكتوره ولله ممسويه شي بس افهمج ولله انطي مجال
شرحت الها كل الي  صار نجنت
انتي شكلج تعبانه ضعفانه
كتله اي
نفسيتج شلونه
كتله زفت وكمت ابجي
كالت مشايفه هيج حيوان ابد
هاي علاج لحالتج نفسيه تاخذي وعلاج التهابات لان عندج التهاب كتله زين بيه شي اني كالت لاماما كلشي مابيج واصلا جسمج نضيف اطمني ...
بعد ما رجعنا من الدكتوره اني وأمي رجعنه  لبيت اهلي نمت نومه ثكيييله جنت كلش خايفه لان
جان هو متهمني مريضه وعمليه وكذا اني بطبعي خجوله عاد مو اسوي هيج عمليه
الحمدلله ارتاحيت قررا   احجي وياه واشوف بلكي
  يشوف جاره لنفسه وبلكي يكول البنت ضلمتها
 
  بتت يم اهلي  الصبح وعيت على صوت التليفون اخذته شفت رقم مؤيد دك عليه باوعتهه ساعه 6:00
جاوبته كال تعالي واكف يم الباب اليوم نتريك سوه جبت الج كيمر وعسل
بقيت ساكته شويه بعدهه كتله هااا شنو صدُك
هااا شبيج ثوليتي شكو
كتله لاماكو شي بس سبحان مغير الاحوال
كال مو مشتاقلج يلا خمس دقايق غسلي وجهج بينما اجيج
   طرت من الفرح هذا يحبني معقوله
  هو جان دوم يكلي احبج بالخطوبه بلكي من عفته يوم حس بيه
يالله ولله يحبني
  كلبي ميه وخمسين دكه بالدقيقه
   ركضت مااحس بنفسي الا مغسله ولابسه جبه وواكفه
داجيب ملابسي وامي فتحت عيونها ها شو لابسه
كتلها يمه اجاني يكلي اجيتج
جان تكول الدنيا فجر كعدي وسكتي خل يجي العصر
كتلها يمه لا هو جايب ريوك وينتضرني خل اروح
كالت روحي هي وبفراشها بستها وطلعت.
صدك جايب ريوك تريكت ويا يوكلني
يربي شبي معقوله تغير  بيوم وليله
  جان يصيحني تعاي اريدج
طبيت مشتري حلويات وشغلات وثوب مال نوم
بنفسجي وبي شريط اسود
  كال جربي كتله شبيك شنو اجربه عوفه عوفه
رفع وجهي لزمني من حنجي كال
  ها تستحين اني ارتبكت
كلش عيوني بعيونه
شو كلش حنين منين جاب هالتصرفات كتله بيك شي مسويلك شي موع بعضك
كال لا بس مشتاقلج كل وكت ببالي
  كتله شكرا
يلا روحي لبسي اريد اشوفه حتى اكعد يمج شويه واروح اجيب غده
كتله دقايق هسا اجي سبحت كملت هو ينتظر وغافي
  ع جربايه
  لكيت عطر هو جايبه الي يس ابد ممستعملته
   كال احبه بس ناسيته
  خل احط منه حطيت منه سمع الصوت كعد هاي وينج يمعوده طفيت وانتي ماجيتي
  ديفتح عيونه واني ركض ع زاويه لبست عبايه فوك هدومي
  شبيج مخبله مخبله ركضتي جايبج منين بايگج تره مرتي انتي
وخري يلا تعاي بحظني
اجيت يمه
  نزعت العبايه تلفلفت بالبطانيه
  ههههه الله بلاني بمخبله يربي ليش
  لو ماخذ وحده تونسني مو احسن
كتله اي ولله احسن
ع اقل خبببره تعاي ام لسان
باسني بقيت بحظنه شويه جان يكلي اريدج
  ولله اريدج  
كتله اعرف  ترديني بديت ابلع بريكي خايفه كلش
مو سهل الي سواه بيه
  بس اني اريده شي يشدني اله
حظنه حلو حارمني منه ليش سوه الفجوه هي الي  بينا
ليش مااستعمل هيج تصرف ويايه
  هذا كله الحجي وهو عيونه بعيوني
ها شكلتي تريديني رجلج وابو بيتج
  كتله ايي بس مرتبكه جان يكول هااا طلعتي منحرفه ياست
ويضحك ولله ممنحرفه شبيك غطيت وجهي يمه شكد عيب اني هم صوجي كتله هيج
  هسه يكول عني اني خفيفه يربي
وخر الغطا بابا شبيج نلعب غميضان احنا
   كلما حجيت كلمه طبيتي جوة البطانيه ارد افتهم انتي كنغر وتختلين بجعب كل شويه
  كتله لا بس عيب هيج تكلي ولله اسفه ماعيدها حتى ماحجي هيج بعد اسفه لتاخذ عليه نظره مو حلوة اول مره احجي هيج مدري ليش كلتها
وكمت اتعذر وهو يباوع
كال ها كملتي حجي
كتله اي 
   لتخافين وتستحين انتي مرتي ع شنو كلامج هذا مو عيب اخذي راحتج شتحجين اتقبل وافرح من تحجين هيج
    يمه شو هذا كلامه حلو هههه احجي بعد احجي مو ولله ماعت روحي
كال شبيج اليوم تره متريكه كيمر ماجايب الج لحم واشك بامرج واكول تصفن من ورا اللحم
اي كافي لتضحك قصدك بيه صفنه اي بيج صفنه ست
  كتله مو صافنه بس عيونك شكد حلوة ولله اتمنى تكون زين وياي قابل شعندي وياك وتحجي عليه
تحملت سوالفك ولله اريدك ترضى
امي كالت كلما ترضين رجلج الله واحنا نرضة عليج
  اني اسمع كلامها تالي تطردها تره محترك كلبي من تصرفك مو ولله هاي روحي مو بس امي ومتريد اذيتي
يعني انت من تصرفت هالتصرف لا احترمت.... دحجي وقاطعني شكد تحجين كافي  محتاجج وج احبج يغبيه
   هذا شبي تره توترت كلش ماحس بجسمي واطرافي ثلجت
كتله كوم كوم صار الضهر جيب النه غده صار ساعتين تسولف
لا ماكوم اتغده بيج........
وو ووو.   كتمت خوفي منه لخاطر انه خطيه واني محتاجته  حاول اخر شي ماكو نتيجه
استغفر الله ماكو فايده مو كتلج مريضه داكول مريضه تقاطعيني وتطبين بعيني
يعيط  بعصبيه ويصيح ..
مؤيد شعليه اني مامنعتك من شي
ليش تصيح صوتك عالي
  قدر مشاعري اني...
اسكتي لج مريضه الله ينتقم من رجل  عمتج بهالساعه اني الغيري مزوج مرتاح ومرته يجوز حامل بس اني كلشي ممحصل بس اني مشلوع كلبي

انهارت اعصابي ع عياطه  يندب حظه
الدكتوره كالت مبيج شي ليش هوه يكلي مريضه كلت خل اصارحه لا لا اعوفه اذا اكله بيك شي ينجن عليه وين انطي وجهي
كام هو غسل بدل وطلع يتافاف
  لليل ميحجي وياي
  بعدها اجه هم يعيط عليه كال اسمعي ولج اني راح انام بالصاله اذا اجيتي يمي احرك البيت
كتله ما اجي اوي عاد هو شحوره استقبالك
  طبيت نمت ب٨ وبلا عشه الشفيه ميريد عشه واني هم ماكلت
كعدت ١١ونص شبعانه نوم هو يتفرج ع تلفزيون طبيت يمه لابسه دشداشه سوده برمودا ومخططه الوان وحطيت عطر اجيت يمه شبيك عيني مطنكر مابيه وخري رجليه توجعني
  كمت افرك رجليه شويه هو غفه كلت خل اخبث عليه
كلبت  بالتلفزيون ادور  اغاني ماكو ماسحهن شكد معقد هذا تذكرت تردد قناة اغانينا وميوزك الحنين دخلته طلعت اغاني وعليته كل علوه ودك ركص
جفل وكعد من نومه يخزر بيه ويصيح شدسوين مخبله دنيا ليل ناس شتكول
  كتله خل يكولون متونسه وتركص
لو تبقين هنا لو هناك سوه منكعد زين
  كتله اوكي روح بالغرفه اني ابقه هنا للصبح.جر مخدته وراح نام بالغرفه
ورا شوي تعبت هههه خل اروح للغرفه
رحت هناك كعدته من النوم  كتله اكلك كوم كوم نام بصاله اني انام هنا كال مو جنتي تركصين اي تعبت كوم يلا
كام راح للصاله شويه ورحت يمه كتله  اكلك كوم بالغرفه اريد اباوع فلم رعب ..
للحكايه بقيه ...