صراع انثى

البارت الاخير

#صراع_أنثى
الأخير

تخربطت تعبت انهد حيلي واني اتحمل كلشي منه ومن ضيمه وأذيته  وياريت لو يقدر ويحس بيه
  وكعت بالكاع احس بكل شي وعيوني بس ترمش سريع بس ماكدر اتحرك ولا احجي شي
هو  يحركني عبالك لعبه جوه ايده  رغم اني سمينه بس وين ميوديني ويجيبني اروح
اسمعه يكول كومي كومي شبيج شبيج
غسل وجهي وشويه حسيت
  كال كومي اوديج  لأهلج جايب تكسي محظر غراضي بجنطه وجان يكول سمعي اني ماداري مخابيل وبيهم شمره هالمرة وكعتي مره اللخ اذا تخربطتي اشمرج باب اهلج
عرفتي لولا
اكل وموجود اكلي مو متاكلين وتوكعين براسي
ساعتهه شكد كرهت نفسي وكرهت اعترافي اله اني احبه ليش كلت هيج وليش ذليت نفسي
شكد غبيه استغفر الله الك بيها اراده
  داطلع لاهلي شافني تعبانه كاال لا ابقي باجر اوديج
  شوكت اخلص منج مرض والله ذبه عليه
   محجيت ويا واللتزمت الصمت ...
نمت للعصركعدت هو ماكو ظليت الوب كلامه مال الصبح يحز بروحي يذبحني اني مبيه شي ليش هيج يهيني ..اله اخصمها اليوم وكافي بعد ..
  خابرته كتله تعال
  اريدك بشي
كال شتردين ؟؟
كتله مشتاقتلك شريد يعني؟؟ تعال وتعرف
اجه جان يكلي اليوم عرس بنت عمج مارحتي ويه امج شعجب
كتله اروح ع يا ضيم هي لا شكل لا دراسه حتى حجي متعرف تحجي وشوف قسمتها ماغار منها الله يهنيها بس تحز بنفسي تعبت ع روحي وهاي حياتي
كتله اكلك شي
كال كولي
  كتله لضوج مني
كال اي احجي شنو
كتله شكد جنت تكلي مريضه ومريضه خليتني مكسوره واخاف احط عيني بعينك
واسلوبك شكد مؤذي وسكتت تدري ليش حسيت بالم بنقص ماكدر ارضيك
  ومن شفت شي صار وياي هم محجيت عليك ولا عيرتك تدري ليش لان اني تعبت من احساسى باني عاجزه ماريد احسسك بهيج شي
كال احجي،شبيج شو تشخبطين
  كتله رحت للدكتوره
فتح عيونه كل قوته كال شنو وشكالت الج
كتله كالت مابيج شي وفحصتني كالت ماكو غشاء فاهم
كالت مابيج شي
ورجلج خل يشوف جاره لنفسه
والي ياخذ مرته بالطريقه هاي هو......
كال يعني مو بنيه مو
كتله اي
وانت من تكلي مجروحه هي انت مأذيني
مأذيني وتكلي مابيج شي
شكد حرام عليك الله يطلعها بيك كون
وكلشي بيه يطلع بيك عندك خوات وربك خله كلشي بالدنيا دين
ماحس الا نزع الشحاطه وموتني كتل وغلط
فشار ساقطه كلبه لو شريفه متكولين هيج لرجلج
كتله رجلي انت رجل!!! انت غضب انت ضيم انت اذيه
الرجال باخلاقه مو عياط واهانه
مؤيد !!!بصياااح
كال هاي امج اخذتج مو امج ام المصايب
- لتغلط ولتتجاوز لا اكلب البيت عليك
تعبت منك ومن صوتك كرهتك
  امي اتشرفك وتشرف اهلك كلهم.. زين!!
ولو عندك ذره شرف متجيب طاري امي
  افتهمت
هو كام يركع راسي بالحايط ما احس الا دم يطلع من فوك اذني وشفتي تنكط دم
عافني ويريد يطلع  
كال اني اعلمج واعلم الدكتوره اسويه كعده واخليه تبوس قنادر
  كتله روح انكلع عساك لا رديت...
طلع من البيت واني بقيت وحدي ..
صارت ساعه ٢بليل حبست روحي بالغرفه
  وماخلي يحجي وياي جان يكول متبقين يمي بعد عرفتياخر يوم الج ويايولله اذا بقيتي احرك روحيواوكع براسج زين لا ليش احرك روحي
فتح معرض  التلفزيون وطلع مسدس منه اني جفلت كلت راح يقتلني !!!
كاال ترحين لاهلج لولا
ترحين لووو لاااااا اكلج بنت الكلب تطلعين مو؟؟؟
اباوع عيونه دم ويعيط ومنهار  شحجي بهتت
كتله مابقه ترا مابقه يمك لتلح الصبح اطلع يلا روح خل انام
  نمت ورا شويه اجه حظني جفلت حسيت روحي صعدت للسمامن الخوف مو صاحي ابد ابد
- ها شتريد شكو خوفه كتلتني
- اريد انام يمج شريد يعني
- كتله مخبل مخبل تنام يمي شنوكوم كوم خل انام
  ظل يلح عليه حظني كلش رغم إرادتي ..من التعب والوجع مال جسمي ماحسيت الا غافيه يمه كعدت لكيته بالحديقه مسوي ريوك
كال تاكلين وياي
كتله لا
عزلت البيت كله لميت غراضي
- كتله مؤيد اريد تلفوني مو اخذته مني انطيني اياه
-  امشي ماكو تلفون
- عليك الله ولله امي هسه تحجي عليهماقبل ينطيني تليفوني
اجه يمي كال باعي كولي لأمج
- كليلها ماتفاهمنه وكلمن بدربهافتهمتي مو تحجين شي ؟؟
كتله خوش
طلعت والدمعه بعيني
ولله احس الخطوه بسنه ليش هيج صار بيه وشنو سويت
وصلت لاهلي نايمين بعدهم جيت وع كيف مددت غفيت للمغرب اختي تكعد بيه شجابج ولج شنو هالنومه ميته نكعد بيج متكعدين
  هاي شبي وجهج ولج
مابي تعورت انطيني دشداشه ابدل واطلع يم امي
كمت ادور دشداشه من ملابسي القديمه لبست واختي تباوع عليه اني وابدل
كالت لي شبي جسمج ازرك
ياالله شلون بدلت كدامها خرب ماانتبهت
من الوجع والتعب
  كتله هاي دوالي من الكعده ماشتغل وصارن بيه اكو وحده عمرها عشرينات بيه دوالي جذابه
كتله والله اذا كلتي لأمي اكلب الدنيا وانهزم بديره مابيها احد روحي طالعه
جفلت مني وكالت خوش
رحت شفت امي طبيت بحظنها شبعت بجي
يمه ليش هيج اليتحمل والي يخاف ع غيره يتأذه ليش ننضلم هيج
ليش يمه ولله ردت امشي حياتي كوه مامشت
لا طلبت منه ملابس لا طلعات وطبات كلشي ماردت يمه
شمسويه اني هيج اتجازه والدمع شلال والشهكه توصل للسمه
  كالت شبيج بديت احجي الها وكوة اجر النفس
امي مابيدها شي
وكالت الله يطلع حقج والقانون انطي مجال وراها كم يوم رجعت لصيدليه اشتغل
   استلمت فلوس جبت تليفون وبديت اتنفس شويه شويهاستمريت اشتغل بالصيدليه الصبح والظهر والعصر اشتغلت شغله ثانيه ادرس طلاب  حتى اجمع فلوس المحامي طلب عليه مليون دينار وانتم تعرفون ابويه متخلي عني وشايل ايده مني بقيت اجاهد ان اجه الشتا واني اششتغلواشتكيت عليه بالمحكمه
فد يوم رحت لشغلي نظفت الصيدليه وجنت لابسه جبه جوزي وبيجي وبنطرون بيجي وشال بيجي وجوزي ورصاصي
  مكياج هواي ارتاح من احط مكياج يمه اختنكت كلشي ممنوععليه من جنت يمه ..
  كملت طلعت حليب وكهوه خبطتهن ودشرب ماحس بي الا فات للصيدليه لابس تراك....وظل يهدد ويعيط ويصيح ولم الناس كلهه عليه فضحني ...
كال تنازلي عن كل حقوقج .. ورااح
هي الي 7 أشهر يم اهلي ولسه مشكلتي عالقه هواي احداث اختصرتها وماذكرتها لان اتألم هواي من اتذكرها ..
بعدهه رجع يتوسل بيه ارجع اله بس اني رفضت ظل يدز ناس ويدز اهله ماقبلت ارجع ابد
ظل يستخدم اساليب ثانيه ظل يشهر بيه ويحجي عليه كدام الناس وبالمنطقه ويكول عليه شاذه وكال مريضه وبعده مصر يكول اني لسه بنيه وهو مااتدنالي واخر شي طعني بشرفي واتهمني وي واحد من اقاربنه زور وبهتان وهو متزوج وزوجته صديقتي بس مؤيد متخبل محتار شيسوي بيه كومه حجي سمعت من الناس عليه وناس توصلي حجي تكولي يريدج ترجعين حتى ينتقم منج اكثر ..
حاولت اوصل لمرته الاولى الي بقت ويا شهرين بس واني بقيت ويا 3 اشهر !!! بس مكدرت وصلت لابوها ودعيته للصيدليه واجه حجالي عن الي مسوي ببنته لدرجه مخليهه تترك المنطقه كلها وراحت تعيش يم خوالها بسببه هم جان يتعامل وياهه بنفس الطريقه
وهي هم صغيره عمرها 18سنه .. حاليا اجرائات المحكمه مستمره واني اريد حقي ومراح اتنازل عنه ابد الي شفته مو شويه احمد ربي معندي طفل منه واحمد ربي على شهادتي وعلى الي تعلمته وكدرت اشتغل لو لا شغلي اني معندي احد وهذا سلاحي الوحيد صدك الانسان شكد ميحاول يتعلم شكد ميرجع اله هالشي ويجي يوم يفيده ...
الي اطلبه من الي قروا قصتي خلي ينصحوني واذا اكو وحده تعرف شي يطلع حقي وطريقه اني اتشكر منها
نصيحتي لكل  بنت لا تضم شي ع امها ايا كان
وعلى الاهل ان يساندون بناتهم ولا يزوجوها  من واحد  ميعرفون عنه شي مجرد هو رجال
ترا الرجال مايستر ولله انتي بيدج تفضحين روحج وبيدج تسترين ع روحج كوني قويه
صح رضخت للامر الوواقع بس تعلمت ماعيدها ابد
الرجال اليحترم لو ع اتفه شي يقدر ويحترم اما الي ميحترم فلو تعلكين جسمج كله مو اصابعج شمع
مراح يغزر بي
ماارجع اله رغم محاولاته ومحاولات اهله
شفت بلاوي ومصايب
مارجع اله لو يفتح الي بالسما باب
  ادعولي ...
انتهت ..