لهفه
همس القوارير
البارت الثامن
بعد ما حجت وياي ماما اقتنعت بكلامها واجه بابا همين نفس الحجي وهم اصلا يحبون علاوي ويحبون اهله لان صاحب نخوه وحباب وما عنده سوالف مكسره خلاص قررت ووافقت وگلت اتحمل ميهم خطيه علي اني همين احبه وهو ميت علي ما اكدر اكسر بخاطره بعد عسى ولعل اتجاوز الازمه وابلغنا بيت ابو علي بالرد بالموافقه وطاروا من الفرحه وقررنا نسوي حفله عائليه بيناتنا لان بيبي مصارلها هواي من توفت والعالم تاكل وجهنا واجتي اخته لعلي ومكيجتني ولبست بدله وصرت عبالك فراشه من الراحه وكلها گالت عليه كولش حلوه وما اسوللفلكم علي اجه خطيه مرتبك وعرگان وحالته حاله هو ابيض بس من كثر الخجل صاير طماطه هههههه واجه كعد يمي وسلم عليه وبدت مراسيم الخطبه مالت الحلقات والكيك وهالسوالف الحلوه الي تصير بكل خطبه بعدها كملنا وكل شخص راح لبيته وبقى علاوي تعشى يمنا لان بابا لح عليه يبقى وطبعا فديته حبيبي راسه بالماعون ما يرفعه لان يستحي من بابا بس مرات من يگوم بابا يبوگله بوگه لو غمزه لو بوسه بالهوى هههه بعدها طلع وطلعت وراه ضلينا نسولف يم الباب
علي : مبروك عليج اني
لهفه : هههه الله يبارك بعمرك حبيبي
علي : اي هيج الحجي الحلو ما احب اسمع اسمي كوله حبيبي وروحي ومن هالسوالف
لهفه : صار عيوني مو تدلل
علي : اليوم اكدر انام وارتاح لان خلاص صرتي ألي ومرتي
لهفه : حبيبي ربي يريح بالك ويقدرني واسعدك
علي : وجودج بحياتي اكبر سعاده زين ورى هذا التعب ماكو شي تحت الحساب
لهفه: شنو يعني شتقصد مفهمت
علي: والله فهمتي بس تغلسين بس همين ميخالف اسوي نفسي مصدكج اريد بوسه
لهفه : يمه هنا بالحديقه واذا واحد شافنا
علي : شنو بايگين وخير يا طير انتي مرتي
لهفه : علي شنو السالفه لا احد يشوفنا معود
علي: ماكو احد اله ابوج ما عنده احساس وطالع ورانا
لهفه : ههههههه لا تحجي على ابوي هو الاحساس كوله
لهفه
وبده يتقرب عليه ولزگني بالحايط هههه وبده يبوسني من وجهي ورگبتي وشفايفي وعيوني وباشتياق
علي : والله دخت شنو انتي عسل كولشي بيج اله طعم وذوق شلون راح اموت لحد ما اتزوج
لهفه : اسم الله عليك حبيبي يومي قبل يومك ان شاءالله اتحمل مبقى شي
علي : ان شاءالله عمري ديري بالج على نفسج ونامي زين يالله يروحي تصبحين على خير لان اذا بقيت اسوي جريمه
لهفه : ههههه وانت من اهله مع السلامه
طبعا بابا انطى مهله لعلي ست اشهر يكون بيها نفسه وهمين وفاة بيبي يفوت عليها سنه لان اهل علي يردون يفرحون ويردون يسون عرس كبير وضلينا يوميه نتراسل بليل ونتشاقى ونضحك وحب وغزل وبديت كولش اتعلق بعلي صار كول حياتي وما اكدر اعيش من غيره لان اسلوبه حلو وحنون ويحب من صدك ورى فتره بابا بلغنا انو راح نشيل من البيت لان مثل مكتلكم انباع واستلموا فلوسه الورثه وكان بابا ضامله كم فلس واشترينا بيتنا الجديد كان البيت الجديد كولش حلو ومرتب وبيه حديقه كبيره وبيها مرجوحه كنت كلما اضوج اروح اكعد بالمرجوحه خصوصا وقت المغربيه يكون الجو حلو والبيت هدوء كنت ما امل منها لحد الليل وبعدين افوت جوه وبقت حياتي بهالشكل مدة اربع اشهر تقريبا
