لهفه
همس القوارير
البارت العاشر
وفعلا تعشينا وكان الجو رومانسي وكولش حلو حبيته بصراحه وبالاخص الفرحه تصير فرحتين اذا انسان تحبينه ويحبج تحسين انتي تملكين الكون وفرحتج كبيره
بعد العشى كعدنا نسولف ونضحك ونتشاقى اني وياه كان جدا هادئ وميريد يضيع لحضه حلوه فوديته حبيبي كمنا حتى انام اني وياه وبدت الشغلات الزوجيه من بوس وحضن وهالسوالف حسيت بانفاسه بدت تتصاعد ويسحبني لنفسه كول قوته حسيت اختنگت واتذكرت قصي من كان يريد يفرغ رغبته بيه وقساوته محسيت على نفسي اله واني اصرخ واضرب بيه خله ايدي على حلگي لان تهسترت وابتعد عني وگال خلاص خلاص مراح اتقربلج اهدئي شوي لا تخافين يالله حسيت على نفسي
هو طلع راح للحمام خطيه واني كعدت بطرف السرير ابجي طلع من الحمام
علي: لا تخافين حبيبتي خلاص مراح أذيج
لهفه : علي اني گوتلك اني مو مال زواج انت اصريت عليه
علي : ميهمني حبيبتي اني اريدج انتي الباقي كوله يهون
لهفه : اني اسفه علي بس ما اعرف شنو الي صار فجئه تذكرت قصي وشلون كان يهجم عليه وتعبت
علي : حبي لازم تشيلنه من بالج مو كل واحد تشوفينه مثل قصي اني اختلف اني احبج وما أذيج
لهفه : اعرف حبيبي بس ما ادري شلون اتصرف اسفه لان خربت ليلة عرسك وحرمتك مني
علي : لا حبيبتي عادي ولا يهمج ان شاءالله نتجاوز هذه المحنه الي اريده منج منو يسئلج على ليلة العرس تگولين اي صار كولشي وخلصنا ان كانوا اهلي او اهلج
لهفه : ماشي حبيبي
وفعلا نمنا بفراشنا واني اعرف علي ما نام ولا غمض بس يتضاهر بهالشي واعرف كان يتمنى يتقربلي واني خربت كولشي نقهرت وبجيت واني على فراشي ياربي ليش اني هالشكل ليش سعادتي متكمل اني اعرفه هو ضاج وانقهر بس ما بينلي هالشي لان كان يحبني وميريد يزعلني وفعلا كعدنا الصبح وجابولنا الريوگ وعلي يتعامل وياي على انو الشي طبيعي ومصار شي بقى يضحك ويسولف وياي ويبوسني كل شويه حبيبي كان كولش عطوف وحنون كملنا الريوگ وجهزنا اغراضنا وطلعنا من الفندق ورحنا لبيت عيالي وبدت الهلاهل والرگص والفرحه من شافونا وذبحوا ذبيحه من دخلنا للبيت وكانوا مخبوصبن بينا وكان علي كولش فرحان بأهله وصعدت غرفتي بدلت ولبست حجابي وتمكيجت مكياج خفيف وطلعت وبقيت يمهم وعمتي ام علي كانت كولش فرحانه وگالت
ام علي : يمه لولو اني ما اصيحلج لهفه لان صعب عليه لولو احلى واسهل وانتي صرتي بنيتنه ومنا وبينا واحنا اهلج وراح نعاملج مثل ما نعامل بناتنا منفرق بينكم
وان شاءالله راح تعيشين ويانا وتشوفين واهم شي نريده منج بس تريحين علاوي اذا هو ارتاح احنا راح نكون مرتاحين
لهفه : لا توصين عمه علي بعيوني وان شاءالله ما اقصر لا وياه ولا وياكم
ام علي : عفيه عليج ابنيتي ادري بيج عاقله وفاهمه واني امج الي تردينه بس تحجين ولا يردج شي لو تحتاجين النجوم نخليها بحضنج
لهفه : اريدج سالمه يالغاليه
وگمت بوستها
وفعلا كانوا ناس طيبين وملتزمين ويخافون الله وبعدها صعدنا لغرفتنا اني وعلي اجه سد الباب وحضني
علي : شلونها مرتي وعروستي اليوم خو ما تعبتي وضجتي
لهفه : لا بالعكس كولش ارتاحيت اهلك والنعم منهم
علي : يالله حبيبتي غسلي وغيري ملابسج وتعالي نامي يمي
رحت غسلت وبدلت وتعطرت اجيت ونمت يم علي وهو بده يحضن ويبوسني واني الخوف كتلني حاول يتقربلي ودفعته وهو خطيه بسرعه تركني هو ضل ساكت ميحجي شي واني بجيت
علي : لا تبجين حبيبي ما اكدر اتحمل دموعج لازم نحل مشكلتنا لازم ادور على حل وان شاءالله نلگه لا تضوجين
والعصر اجوي اهلي وجابولي وياهم هديه ثلاجه صغيره اخليها بغرفتي وكلش فرحت بجيتهم وارتاحت نفسيتي وسألتني امي عن حالي وكتلها الحمدلله بخير ومرتاحه وباستني وودعتني وراحت
