Isang ngiti ang sumilay sa aking labi
Hindi dahil ako'y masaya
Kundi dahil labis na ang aking pagpipighati
At ayoko na, ayoko nang masaktan pa
Pinapakita ang ngiti
Para maitago ang sakit
Sa lahat ng nadarama
Parang ayoko na talaga
Pero eto na ako
Laging nasa tabi niyo
Hindi niyo makikitang nasasaktan
Pagkat kayo'y baka maapektuhan
Ayaw ko na itong itago
Pero ano bang magaggawa ko?
Eh wala akong lakas ng loob
Para sabihin ito sainyo
Mabait naba ako sa lagay na ito?
Dahil ito ang naiisip ko
Kahit na marami akong ginawang katarantaduhan
Ayaw ko nang magdulot ng ibang kamalasan
Nais kong maging malaya
Malaya sa aking pagdurusa
Malaya mula sa poot at sariling hinaing
Malaya kahit pa sa kaniyang piling
Gusto ko nang maging makasarili
Gusto kong sabihin na ako'y may problema rin
Pero bakit ganito?
Ayaw ko ring makita nila ang totoong ako
Dahil nais kong makita nila
Na ako'y masaya
Para hindi na sila mabahala
At para sila rin ay ngumiti ngunit nang may tuwa
