وهنا ضاعت كل احلامي دوشت و بدلت ورقدت انا في الشمبرة وهو في الصالون غدوة صباح كانت صبحت لعروسة وكامل يسقسيو سلامات وانا في قلبي نقلهم ماشي سلامات راي خلات خلاصت كل المراسيم ووليت لداري ونخمم عمري 18سنة وبعد 5شهر نولي مطلقة علاه باسكو زعما راجلي يحب وحدة اخرى والي غاضني اني مكنتش مام با نداسر الرجال وفي الاخر ندي هاد المصفار يتمسخر بيا ولتم فهمت علاه زرب بالعرس باه يزرب يطلق ويتزوج بنسرين ولا مانعرف على جد باباها وفهمت علاه محبش يحكي معايا فالتلفون وفهمت علاه لي يكونو مخطوبين يخرجو مع بعضاهم وحنا تزوجنا كي شغل تاع عام الف وتسعمية شفتو غير زوج خطرات قبل العرس وتفكرت صحبتي لي عرست بحنونها وعايشين مليح تفكرت بنت خالتي لي عرست قبلي بشهر كي فالتلفون تصاورها مع راجلها مور الزواج تمنيت برك نعاود نولي للور ونرجع لدارنا ونشبع. بيهم ونعيش حياتي ممبعد نتزوج بصح درك طفرت وبداو يجوني افكار بزاف خبيت ننتقم منو بصح يماه هي لي سييفت عليه خممت نروح لدارنا نطلع انا الخاسرة ويخرجو عليا الاشاعات حملتها في قلبي وسكت
أنت تقرأ
حكاية حقيقية بعنوان برقصة تزوجته باللهجة الجزائرية "منقولة"
أدب الهواةهذي القصة مش من تأليفي بصح عجبتني وحبيت نشاركها معاكم وهي تحكي على الزواج التقليدي بين زوج وبعد يرجع حب
