كي جا للدار حطها فوق البوطاجي وايماجينو واش قالي مشي مامبا صحيتي كي درتيهملي بسكو يحبهم قالي منين جبتي نومرويا😲😲😲 انا بلوكيت بصح زيرت وجهي وقتلو ماديتوش على سواد عيونك ولا ميتة باش نعيط ليك لبارح تبحرلي تيليفوني بيبيتلو بيه بقا نمروك لبال لخرة وبش مشي في طريقك منشقيكش تجي وتزيد تروح وشنفت وبديت نزعف وانا كي نزعف نتبدل360درجة وليت سكوتية مانهدرش كامل معاه مالڨري انا هدارة ومهبولة ديجا بلاك مانتلاقاهش بيه كامل نحطلو ياكل ونروح وصباح بيناتنا غير صباح الخير وديفوا نوصيه واش بش يشري ووش ندير عشا برك وكنت نلبس غير المستور كيما قتلكم وشعري كي يكون في الدار دايراتو طمطومة وجازو ليام وانا في لمام روتين وانا كارهة حياتي نخمم فالمستقبل وكيفاش راني عايشة وكرهت روحي كي وليت سكوتية وانا مهبولة خلاه كرهتو دم سناني
ايا جازو ليام وتعرفت على واحد اسمو هو مام محمد ويعيطولو موموح متفهموش الناقص عمرو عشرة سنين كان حيجوز السانكيام خخخخ ياك قلتلكم انا عاقلة(ابابا واش منحرفين) وليد جارتنا لونفاس قتلكم نسكن في باطيما وماداسرت حتى واحد غير موموح المهم كان عندو خدود وكنت نحبو بيسك يفكرني في امجد خويا ليحكيتلكم عليه
أنت تقرأ
حكاية حقيقية بعنوان برقصة تزوجته باللهجة الجزائرية "منقولة"
Fiksi Penggemarهذي القصة مش من تأليفي بصح عجبتني وحبيت نشاركها معاكم وهي تحكي على الزواج التقليدي بين زوج وبعد يرجع حب
