ثانيا لازم نجوزو العرضة هما ملول قبلو يباتو ثاثا انا نفرش نرقد فالارض ونتا رقد فوق السرير تشوكا مي قالي اوكي وهكاك كان الحال ورقدت حتى مور مارقد ورقدت بحوايج الصلاة انا من قبل شحال من مرة نقعد لابستهم قدامو تسما ماشي حاجة جديدة عليه المهم جازو ليام وراح يروح ميسيو في الخدمة 3ايام وقالي مانروحش لدار عجوزتي اكو تعرفو باه نبقى دايما بيعدة ودارنا ماكانوش في الدار راحو يكومبيو ايمات اوبليجي عليا نقعد في داري 3يام بيناتنا فرحت قولت دوك نكونكتي دوك نتفرج دوك نتمهبل ايا فاليل وجدتلو فاليزتو وحوايجو وجدتلو كلش فرشاه اسنان حوايج دخلانييين المهم كي كان حيرقد شاف لفاليز فالصالون فتحها لقا ليشوميز وسراول محدين باسكات وصباط ممسوحين المهم قالي يعطيك الصحة
ملاحظة:مالڨري انا مانحملوش بصح متهليا فيه وفي الدار وهو روماركا هاد الشي
المهم غدوة الصباح نضت قبلو وجدتلو لفطور درتلو الفطير بويسك يحبو ودرتلو جي فالدار المهم ناض وعلى غير العادة مالڨري نوجد ونروح لشمبرتي هداك النهار سنيتو فطرت معاه وكي كان خارج قتلو اتهلا في روحك هو خزر فيا خزرة تاع واحد حنين وشغل ماشي حاب يروح وبدا يوصي فيا ماتفتحيش وماتديريش وما تعمليش اكو تعرفو
أنت تقرأ
حكاية حقيقية بعنوان برقصة تزوجته باللهجة الجزائرية "منقولة"
Fanficهذي القصة مش من تأليفي بصح عجبتني وحبيت نشاركها معاكم وهي تحكي على الزواج التقليدي بين زوج وبعد يرجع حب
