ظلم القدر

ظلم القدر /بارت3

امل:طلع رجل عمتي وصعدنه بالسياره ورحنه وطبينه للبيت وانهاريت لان فقدت اخ ثاني لان راحت شهادة وتعبه جوه التراب
وبقيت وبعدين اجتي حماتي اخذتني لان ميكدورن على فراگي لان بيه رحت اخوهم بقيت يمهم الى ان صار عمري ١٨سنه وبهذاك الوقت صرت كلش حلوه شعري اسود وجسمي رشيق ووجهي مدور وابيض وعيوني بني ومن يجون اقربائهم الشباب ايذبولي حجي ومن ايسالمون ايمسود ايدي وبدت الحرشه مالتهم وكمت ادخل للغرفه اقفل الباب اخاف منهم ومن انام اسمع الباب تنفتح بس اني قافلتها
كمت اخاف لان حتى نظراتهم غريبه وراها خابرت اخويه عدي كتله تعالي عفيه اريد اشوف امي واجه اخذني وكعدت يم امي وكمت اسولفلها كتلها ماما اني اخاف من اقربائهم لان ايسمعوني حجي وتحارشون بيه وسمعني ابويه بدون مادري وبعدين اجه سألني كال منو الي يتحاوش بيج اني ظليت مصدومه كتله هااا كال اني سمعتج تحجين لامج كتله ذولي اقرباء صاحب من يجون يتحلرشون بيه
كال بعد متبقين يمهم اخذ عدي ومحمود وخالي لان عنده سياره حمل  راح جاب غراضي وهدومي وكاللهم بعد مااكدر اخليها شسوي عدكم كاعده صارلها اربع سنوات ...#هدو الدليمي
اخويه عدي كلش متعصب اكثر من ابويه اجه كلي احنه ماعدنه بنات مطلقه او ارمله مااريد اشوفج طالعه بره اذا شفتج اگص راسج تگعدين وتسكتين ،،واني ظليت بالبيت اباوع على صور اخويه حسام ومكانه وفراشه وامي اتمرضت وسوت عمليه المراره وشالتها
من هذاك الوقت صارت عندي حاله نفسيه لا اكل ولا اشرب وبس كاعده بالغرفه مااطلع لان اسمع صديقاتي اتخرجو واني لاشهاده ورجال ولا اطفال واني بعدين بعز شبابي وحتى عمتي ميخلوني اروحلها صارت غرفتي سجني صارت عندي انهيار عصبي اصيح والطم فتحوا حظانه جديده حكوميه ابويه شاف حالتي فدمره
راح على المديره مال حظانه جانت جيرانه راح كاللها الله يخليج هاي بنتي محبوسه ودائرتكم بس نسوان اريد اتعينيها يمكم
كالتله ادلل ابو عادل لان هي ايقبلها لان زوجها مفقود واخوها شهيد
اخذني ورحنه البغداد قدمت اوراقي بوزارة العمل والشؤون الاجتماعيه واخويه عدي اتخبل وكام ايصيح انت كل وعقلك امطلعها كدام العالم شنكول للعالم عدنه مره ارمله #هدو الدليمي
كله ابويه انت مالك علاقه بنتي حتروح من ايدي فوك ما دمرنه حياتها من هي صغيره وراها كمت اداوم وابويه ايوصلني والمديره اترجعني بعد توصيه من ابويه وراها خلو سياره كبيره ويه الاطفال كمت اصعد وياهم ايوصلوني كامو الموظفات الي ويايه ايكولولي ليش متطلقين اتزوجي سووي بنت او ولد اكولهم ابويه ميقبل اخاف رجلي يوجع عيب عيالها ورى سنة تقريباً صار عرس بالمنطقه عزمو امي كالتلي يله بدالي اخذج ويايه هذولي ناس مسوين فضل عليه هواي اني لبست قاط اوفوايت وقميص احمر واني جنت ممحجبه وشسورت شعري ومكياج خيف ورحت ويه امي من طبيت بالصاله مال العروس كلها اتعجبو بيه كالو لامي ام عادل منيلج هاي البنيه كالتلهم هاي بنتي الجبيره لان جانت بيت عيالها وزوجها مفقود وكلها ظلت اتباوع عليه عاد امي كالتلي اريد مي رحت للمطبخ كلت لبنيه واكفه امي اريد مي لان بيها سكر فنزل ابنهم من الدرج ظل بس ايباوع عليه اني باوعت عليه ورأسن فتت للصاله استحيت منه راح لاخته كاللها منين هاي الحلوه كالتله هاي امل بنت ام عادل
كاللها وين جانت كالتله جانت ابيت عيالها ورجلها مفقود واخته جابت مي لامي وظلينه كاعدين شويه واني ظجت وكلت لامي خلي انروح وراها زفو العريس طلعنه اني وامي للبيت ورى يومين اجتني حاله الربو وبخاخي خلصان اختنگت فدمره وماكو احد بالبيت
بس اني وامي وابويه ومحمود وامجد وظل محمود يفتر على سياره ماكو حتى ياخذني للمستشفى راح على جيرانه اهل العرس وطلعله نفس الولد الي اسأل عني اسمه عيسى كله عفيه اختي حتموت متكدر تاخذ نفس كام عيسى طلع سيارته واجه علينه واخذتني امي ومحمود وعيسى ودوني للطوارئ خلولي اوكسجين وابره بالمغذي
فكلواهم لازم تبقى للصبح ياله انطلعها حالتها خطره
كالت امي انتو روحوا واني بقه ومحمود وعيسى رجعوا بالبيت
الساعه بالسته الصبح كعدت وحسيت اني زينه باوعت لكيت عيسى على راسي كلي هااا اموله الحمدلله على السلامه شلون صرتي وامي بعيده شويه عليه نايمه على سرير كال انتي ليش هيج حالتج ليش متراجعين كتله وين اراجع #هدو الدليمي
عيسى:راجعي بمعهد الحساسيه الي ابغداد
امل :اني مااندل مااكدر اروح
عيسى:اني اخذج انتي وامي والحجيه واخذكم حتى ايسولج اختبار حساسيه
امل:ظل هو ايباوع عليه واني حسيت نظارته بيها حب وحنان وعطف لان هو جان كلش حلو حسيت شي بداخلي مختلف
حسيت اريد اكعد يمه ٢٤ساعه لان اني ماعشت مراهقه
وبعدها اجتي امي كالتله ها يمه شجابك من الصبح
عيسى:والله خاله ظل بالنه عليها واجيت اطمن عليها
رحت للدكتور كاله دكتور شوف المريضه امل تكدر تطلع صارت زينه#هدو الدليمي
امل:اجه الدكتور فحص صدري وكال لا الحمدلله صارت احسن وراح انطيها علاج وكله عيسى راح اخذها لمعهد الحساسيه كاله كلش زين احسن شي اتسوي وراها طلعنه وودانه للبيت اني وامي .......يتبع