مرحبا اسمي امل مواليد 64 من عائله متوسطة المعيشه عندي
ستت اخوان واخوت وحده اخويه الچبير اسمه عادل والثاني حسام والثالث عدي ومحمود واني الخامسه والسادس احمد والسابعه حنان والثامن امجد ...... #هدوالدليمي
وچنه انعيش في بيت صغير وجانو عايشين ويانه بيبي ام ابويه
واخت ابويه عمتي فاطمه وامي حميده وابويه اسمه ناظم
ابويه عنده عنده گهوه وامي تشتغل خياطه
امل:جان عمري ٩سنوات شفت حيات امي كلها ظلم لان جان ابويه الوحيد لامه واخته وجان امدللي كلش يطلع يوم للگهوه واسبوع كاعد بالبيت وامي اتخيط وتعيشنه وفلوس الشغل مال امي ياخذهم ويشتري جگاير جنت اني اروح اجيب ريوك وهم نايمين واساعد امي لان اني البنيه الوحيده وامي تطلع من الصبح اتجيب مسواگ
وتخبز وتركب وتگع على المكينه واني عليه البيت وتعزل والمواعين ،،،فديوم طلعت اني واخويه احمد العبه اجه ابويه لكه احمد مصخن مع العلم بابا جان ايفضل الولد عن البنات وما يوم حسيته ايحبني لان جان قاسي ويايه وميسمعني اي حجايه حلوه
ناظم:هاي ليش الولد مصخن وين وديتي احجي
امل:بابا اني جبته من برى والله كلشي مسويتله
ناظم:اخذت احمد للدكتور وكال احقنو بماء ثلج رجعته للبيت وحقنته
ورى ساعتين اتوفه ...#هدو الدليمي
امل: رجع بابا وكال حظرولي ماء ثلج واخذ حقنه وحقن احمد اخويه
ورى وابويه كاعد يمه ورى ساعتين احمد مات وجان عمره ست سنوات شافته امي وكامت اتصيح وابويه يبجي ورى ما خلصت
الفاتحه اجاني محمود كال ابويه ايريدج وخفت كلش رحت لابويه
ناظم:ولج وين وديتي احمد ومرضتي كوليلي احجي الصدوك وكمت جبت خشبه بيها بسمار
امل:بابا والله ماادري هو طلع للرمل ومن رجعنه اتمرض كام وراح واني ظليت كاعده واجه وشايل بأيده خشبه وبيها بسمار كام يضرب بيه واني اصيح الى ان اغمى عليه وجسمي كله دم ومحد فگني منه
وبعدين اخذني لقفص وحبسني بي وكال لحد ينطيها اكل ولا مي
واجتني عمتي من ابويه نام وجابتلي ملابس واكل وداوتلي اجروحي
جانت عمتي كلش اتحبني لان ماعدها اخوات وجانت تعتبرني اختها ورى يومين اجوي جوارينه وحجو ويه ابويه وكالوله حرام عليك انت انسان متدين وهذا قدر الله وهو مامقسوم ايعيش اكثر
فاطمه:شفت اخويه يظرب بأمل اني اتخبلت بس ماكدرت اروح افكها لان يحطني فوكاها لان هو قاسي من نام رحت اخذتلها ملابس وديتول وقطن داويت اجروحها وهي اتون واخذتلها اكل وكمت من اينام اخذلها اكل اوكلها وورى يومين راحوله الجيران واني كتله راح اطلعها واخليها بغرفتي #هدو الدليمي
ناظم:ورى ماكتلتها ودميتها اخذتها للقفص وحبستها ورى يومين اجوني الجيران حاجوني واني استحيت منهم واجتني فاطمه كالتلي اخليها بغرفتي كتلها فاطمه اني ماريد اشوفها واذا شفتها اخلص عليه ...
امل: طلعتني عمتي وخلتني بغرفتها وكمت اطلع من الصبح للمدرسه حتى ليشوفني ابويه ومن احل من المدرسه اروح لعمتي
لان هي معلمه حتى اترجعني وياها حتى اظمني جوه عبايتها
الى ان وصلت للمتوسطه وبطلني كال بعد متروحين للمدرسه .......
تابع ؟؟؟؟؟؟
أنت تقرأ
ظلم القدر
General Fictionهذا القصة حقيقه ١٠٠٪ تحكي عن امرأة عاشت في معاناة جداً صعبه الى ان اصبح عمرها ٥٢سنه والقدر ظلمها ظلماً شديداً قصة بالهجه العراقيه ولان نبدأ مع صاحبة القصه لتروي لنا حكايتها
