امل:طبينه للبيت مالكينه احد كاللهم وين الاهل كال والله راحو لكربلاء اجو اهلها عليها كعدو يشربون جاي واني حيل اتبهذلت
اخرشي طلعوا فخذ لحم وطلعوا بالحديقه يشوون واني مددت بالغرفه مال زوجته وجابلي ابنه شيشين تكه وزلاطه اكلتهن وشربت جاي وهذا الحجي بالتسعه بليل وهم رجعت مشي وصلت للبيت كمت انزف بليل اخذني وداني للمستشفى الساعه ٣ صارت عندي اطلوكه كلش قويه الاطباء رادو بس ايوكفون الطلوكه ماكو بمستشفى الكرامه بعدين شافوني اتأذه من الساعه ب٣للسته المغرب كلشي مماكله بس مغذي وبعدين فتحوا الربط وطلعوا الولد اخذ الولد خلو بالخدج وهو راح جابلي اكل وسووله بيان وسميته مصطفى
ثاني يوم طلعوني واخذوا الطفل لمستشفى الطفل بالاسكان امجد كلش فرح بالولد ظل يوميه ايروحله ورى ١٠ايام كلوله تعال اخذه
كللها شبي كالو مابي شي بس خلي امه اترضعه بعيدن طلع الطفل بي ابو صفار ومكلولي راح امجد ومرت حمايه جابو الطفل واجوي
اني واختي كلش فرحنه بي بس مااعرف شسويله كام الطفل يرضع من صدري ١٥يوم كام الطفل ميرضع صار ازرك
اخذت افلوس من امجد ورحت رگض على دكتور الاطفال
انطته دوه وكالت دفي وخليله فدشي ايدفي وتنطي حليب دافي
بليل خالته بحظني وابو مامجود ابني صار ازرك ويگلب بعيونه عرفته راح ايموت بسته وكتله حبيبي ادعلي يم ربي انو ايعوضني بيك فالطفل ابتسم ابتسامه عمري مراح انساها وكتله انت #هدو الدليمي /مامقسوملي واتوفى شفته بعد مابي نفس لفيته ورجعته للكريكوت وماطلعت اي دمعه من عيني اجتي اختي من الصبح وامجد طبو ايضحكون ولكوني صافنه كالولي شلونه صوفي كتلهم مات اتخبلون كالو لعد ليش صافنه كتلهم ماعرف شسوي كال امجد لعد ابو وين كتلهم ماادري خابرو بيت اخو كللهم ويه حامد كالوله مندري كللهم خلي يجي ابنه مات اجه هوواخو اخذ الولد لامي غسلته وجفنته واخذو الكرك وراحو دفنوا أبمزار يمنه بعد فتره ظليت اباوع على هدومه وطلعت دمعتي والرجال يطلع من الصبح وميرجع اله بليل ورى الاربعين رجعت للدوام وهاي الفترة كلها هو ميشتغل ولا ايدور شغل فديوم رحت على بيت اخو اريد اشوف شعنده طبيت من الباب الورى لكيته ايأشر على بنيه جيرانهم طلع عنده علاقه بهاي البنيه ايحبها شافتني البنيه وانهزمت وهو ايكوللهما شبيج انهزمت اوكفي وبعدين اندار لكاني ورى كتله مو شافتني كال انتي شجابج
كتله حظي جابني حتى اشوف خيانتك بعيني كال اني بشنو قصرت وياك كال ارجعي مالج علاقه ظليت بين نارين لا اكدر اكمل ويا ولا اكدر ارجع لبيت اهلي اجتني اختي كالت تعالي اشغلج بمعمل خياطه ينطون ١٧٠٠٠الف احسن من ال٣الالف فرحت وياها المديره صديقت اختي اختبرتني كالت تعالي خيطي اول ماشافت حركات ايدي كلتلي كومي انتي خياطه توب رحت لاحظانه ذبيت استقاله وداوم بالمعمل الاهلي ظليت اخيط من السبعه الصبح للاربعه العصر وظليت اراجع اطلاء علمود الطفل وهو كاعد بالبيت يغسل مواعين وينطف لان ماعنده شغل ورى فتره ١٠شهور ودتني وحده تاخذ خيره كلت لامي بنتج مجبوسه انطتها خرزه اسبح بيها وسبحتني اختي بهاي الخرزه ورى شهر حللت طلعت حامل #هدوا الدليمي
هم راجعت الدكتوره كلتلي لازم اتسوين ربط وتنامين على ظهرج
زين شلون اربط واني العيشه بركبتي كمت اداوم والبنات اينيمني جوى الميز مال الاؤوتي من يجي المدير ايكوللي كومي كومي
اكد على الميز مال الاؤتي مرت تسع اشهر وجهزت لان عرفت بيه بنت جهزتها جهاز كامل طبيت بالعاشر وراجعت الدكتور وانطتني موعد ولاده رحت للمستشفى يوم ١٩٩٥/٢/٤ اخذت بطانيه للطفله
قبل لا اروح اجيب امجد خابر عدي وعادل كللهم امل اتريد اتجيب وماعدها فلوس دزولي ٢٠٠دولار صارن ٦٠٠الف بوقتها
رحت جبت بنتي وسميتها هدى طلعت وزنها ٦كيلوات كلش حلوه سبحان الله الي خلقها جان يوم كلش مطر وعاصفه حتى اشجار المستشفى وكعت اني بعدني بالبنج واجتي مره كالت لحامد هاي الطفله ترى تنباك اذا امها بعدها بالبنج وديها الاهلها #هدو الدليمي
اخذ بنتي سميها هدى ولبسها كومه هدوم ووداها الاهلي اهلي اتخبلو عليها امجد وحنان كامو ايكمزون شلون اتعوف بنتنه بالمستشفى كال روحولها اخذولها بطانيه لان بارده وهناك ماكو بطانيات
جابولي بطانيه اتخبلوا عليه لكوني صاحيه اتخبلت كتلهم اريد بنتي كالو ميصير اله تاخذين علاجج الصبح لان ولدت الساعه ب١٢بليل ظلت مرت حمايه يمي وهم راحو اخذت العلاج الصبح والظهر ب١٢ اجه امجد بالسياره مالته اخذني يم اهلي اجه محمود بوسني كلي مبروك صرتي ام واجه ابويه بوسني وكلش فرحوا ابنتي وسوولي غده وكمت اكول
من رجعت للبيت جابولي بنتي كمت اصلي على محمد واشمشم وابوس بيها لان جنت ممصدكه صرت ام لان صار عمري ٣٠سنه
أنت تقرأ
ظلم القدر
Ficción Generalهذا القصة حقيقه ١٠٠٪ تحكي عن امرأة عاشت في معاناة جداً صعبه الى ان اصبح عمرها ٥٢سنه والقدر ظلمها ظلماً شديداً قصة بالهجه العراقيه ولان نبدأ مع صاحبة القصه لتروي لنا حكايتها
