ظلم القدر

ظلم القدر /البارت7

امل:ورى ماجبت هدى بعد عشرين يوم شفت بنتي تبجي بجي مو طبيعي ومتقبل تاخذ صدري واشوف بوجها مثل الحب الصغار وبأديها وبرجليها اخذها للحمام اسبحها شفت كل جسمها بي
صحت امجد تعال شوف بنتي شبيها متقبل ترضع وجسمها مليان حب ناعم اتخبل عليها اخبال كال من الصبح اخذها للدكتور
اخذنه عنوان دكتور ضياء الراوي ابو الجلديه بالبياع #هدو الدليمي
كشفها وشافها كال هاي الطفله صاير بيها فايروس من المستشفى
اسمه جرب وقتي سوالي تركيبه دهن من الكبريت والملابس الي تلبسهن فوريهن بالمي الحار بعدين ورى ٢٠يوم اتحسنت حالتها بس حليبي نشف وفترت حصار والحليب الكيكوز حيل غالي
ورى الاربعين داومت وخليت بنتي بالحظانه الي مال معمل ظليت اشتغل واجيبلها حليب وحفاظات واجيب قماش من المعمل واخيط وابيع للمحلات واكمل بالوحده بليل اصعد اخبز واخلي بنتي يم ابوها
نزل من فوك لكيت الجلب مال حامد حاطه على صدرها وهي كوه تتنفس اني اتخبلت كتله ليش هيج اتسوي بنتي كتله هي الطفله مريضه واني كوه حصلتها ليش هيج اتسوي وكمت اصيح
شلت الجلب وشمرته بالشارع اجه عليه ضربني راشدي فر راسي
فر كلي شلون تشمرين الجلب بالشارع كتله ياهو الاحسن الجلب لو بنتك ياهو الاحسن غير ادير بالك عليها مو انحرمت من ذولاك ال٣
غير ادير بالك عليها اخذت بنتي وطبيت للغرفه وفقات الباب
هو اتعشه واكل خبز حار وراد ايطب للغرفه كتله مطب نام بالهول
راح للمخزن طلع افراش ونام بالهول واستمرت هاي الحاله هو كاعد ومرات مااحصل فلوس مااكدر اسوي اكل اروح لاهلي اجيب اكل منهم ومرات امجد ينطيني اجيب حليب لبنتي #هدو الدليمي
بعد فتره صار عمربنتي سنتين ونص حسيت بنفسي حامل بس
ماكلت الاحد اخذت بنتي ورحت للدكتور جت بوقتها قابضه راتب سويت تحليل وطلعت حامل كتله دكتوره مااكدر اسوي ربط
كالت لازم من اطيبين بالثالث اسويلج ميصير كتلها مااكدر والعيشه برگبتي اذا الله راد هذا الطفل يبقى واذا لا الله ماارايده ايعيش
كالت بكيفج كتلها بس اريد مثبتات انطتني علاح وابر تثبيت
رحعت للبيت لكيت حامد جايب خطار اصدقائه بالاستقبال هو صاير كدام الباب سلمت وراد ياخذ هدى مني كتله مريضه استوني جبتها من الطبيب اخذها وطبيت بغرفتي ورى ما سويت اكل لهدى ووكتلها
وبدلتلها وكملت اجاني حامد ايكولي كومي سوي عشه للخطار
كتلها والله مااكوم او تنگلب الدنيه وشتريد اتسوي سوي
كلشي ماعدنه بس خيار وطماطه وبيذنجان #هدو الدليمي
اقليلهم بيذنجان وسويلهم زلاطه وانطيهم كام ايدفر بيه ايكولي كومي
صحت بي مااكوم والبيت اصغير مابيه حيل مريضه واستوني اجيت من الدكتور طلع وسد الباب ورى شويه طاعوا وسد الباب وراهم
وصدقائه كلش اغنياء ويعزمهم على حساب صختي وشغلي
كمت اسوي اكل على كد اني وبنتي
كمت اشيل الترمز والجنطه مال بنتي وبنتي حتى اللحك بالخط لان اذا مااروح للشغل مناكول لان جنت اشتري قصاصات واخيط وابيع
شورتات رجاليه وملابس اطفال بازه احصل الف مرات ٣٠٠٠
والحصه موجوده واخبز للعالم ومشيتها كمت اروح لخوته
اشكيلهم حتى يشغلو ايكولولي هذا اختيارج اروح لخوتي
ايكولون احنه مالنه علاقه هذا اختيارج مريد مشاكل
من طببت بالشهر السابع اخذت الراتب واخذت بنتي #هدو الدليمي
ورحت للدكتوره رويده ام السونار الي بالمنصور جانت جان اتكولي بيج ولد اني كمزت من السديه وابجي وابوس بيها كتلها صدوك ولد
كالت والله ولد شوفي وحامد بشهر السادس ياله عرف بيه حامل حتى ليصيح علبه ويتعارك لان عباله اربط ومحد يعيشه رجعنه اني وبنتي اتلكانه حامد كال وين جنتو كتله رحت سويت سونار كال شطلع ولد لو بنت كتله مامبين كال كولي بنيه ليش اتضمين
كتله مو دكولك مامبين لظل اتلح كالي ولد لو بنت طبج مرض شعليه اني طبيت بشهر التاسع كالت الدكتوره احتمال اتجيبين قيصريه
واني بذاك الوقت ماعندي ولا فلس وبذاك الوكت دخول المستشفى
يرادله ٧٠٠الف دينار رحت لامي اخذت منها ٢٥ واتصلت بأخويه من مركز الاتصالات الدوليه دكيت عليه وسلمت عليه وكتله اني ماعندي واريد اجيب وبيه ولد والدكتوره كالت لازم عمليه الله يخليكم دزولي كال الله كريم رجعت اني وبنتي بليل اجاني امجد كال مخابره عادل كتله شمدريك كال اتصل عليه على الارضي كتله اني طلبت منهم لان انتو بعد ماعدكم بلكت هم ايساعدوني كال راح يتفقون هو وعدي من كل واحد ورقه كال شوكت اتجيبين كتله بنهاية الواحد الدكتوره كالت اخوتي كالو لامجد اتخلي الفلوس بجيبك وانت تصرف لان هاي اخر مره اندز الها ولرجلها يوم ١٩٩٨/١/٣٠ اجاني امجد الساعه بالسبعه الصبح لان عمليتي بالتسعه
اخذني بسيارته اني گعدت ليورى ويمي هدى وحامد بالصدر
بس محد يدري بيه ولد لان اخاف ايروح مثل الي قبله #هدو الدليمي
طبيت للعمليه وجبت ولد وكلها فرحت واكثر واحد فرح هو امجد
وكام ايبوست بحامد وهدى اتصيح اجانه ولد وتكول بابا اجانه نونو
لان جان عمرها ٣ونص المهم ثاني يوم رجعت للبيت امجد ذبحلي دجاج وامجد اتزوج ومرته جابت قبلي بكم يوم وماكدرت ارجع لبيت اهلي حتى لا اجبسها وبعدين اجتي مرت محمود نظفتلي
الحمدلله اهلي واكفيلي لان اهله ولا يوم شفتهم سألو عليه
وكلولي شمحتاجه بس اهلي مبتلين بيه سميت ابني هيثم
الحمدلله الله طعمني بولد وبنيه ووكلت لازم اتحجب وتحجبت بسنة ال٩٩ صار الحمل حملين الولد والبنت يردون اكل وحليب وطبيب
ظليت اخذهم للحظانه واني اروح للمعمل واحل بالاربعه
نوصل للبيت بالخمسه وابدللهم واغسللهم وانيمهم واني اسوي عشه وانام ساعه حتى اكدر اسهر واخيط #هدو الدليمي
اني بهاي بالفتره كلش تعبت حيلي انهد فديوم من الايام اجيت على هيثم لكيته اسهال وتقيوء اخذت اجازه ووديته للمستشفى العام انطوني اله مغذي محلول وادويه وانطي و٣ايام وهو نفس حالته متغيرت رحت على امجد كتله ابني حيموت يطلع من خروجه دم صار عنده زنتري وداني على دكتور بالبياع كال هذا عنده تحسس بالمعاء كلشي لتنطي لابسكت ولا خبز فسجلنه على حليب طبي
ورجعنه راح امجد جابله كارتونه وانطي لابني وايذبه صار جلد وعظم وعيونه ناطه بعدين اخذه ابو للدكتور وماقبل ياخذوني وياهم
اني عرفت ابني ايريد ايموت صار عمره ٦اشهر اخذوا للظهر اجوي الساعه بالوحده اني نايمه كعدت اريد اشرب مي
سمعتهم يحجون ايكولون الدكتور ايكول منتهي هاي اذا تسمع ابنها ايريد ايموت شدكول طبيت كتلهم شنو منتهي يعني صدوك هيثم ايروح من ايدي زلم مشوربه متكدرون اسوون لابني شي اتودو لدكتور بي خير ......