ظلم القدر

ظلم القدر/البارت5

امل:كله ابويه شنو اتريده كله حمايه اتسويلي وكاله اخذ الراتب والبيت وحتى الغرفه طلع هو طمعان لان من اجه جان فگر وكلشي ماعنده وبعد ماطلقت اجه ايساومني رحت للمحكمه سويلته وكاله عامه كتلهم اني مريضه بالربو ومااكدر اراجع وسويتله الوكاله وكام يستلم الراتب وبعد فتره كمت اخابرهواكوله شوكت تجي اطلق ايكول مو هسه بعدين ويايه موظفه حماها مطلق مرته وعند ٣اولاد بنات اثنين وولد وكاعد وياها بالبيت اجتي عليه هي واختها خطبتني اله كالت فقير وعنده سياره برازيلي وعنده ٢٥دوونم بكربلاء وهو نقيب بالجيش وشوفتني صورته وهو جان كلش حلو اني وافقت مو حبن بي بس علمود اطلع من حياة عيسى وهدف اريد طفل لان اني كلش احب الاطفال كعد محمود ويه ابويه كله هذا الولد فقير وماعنده ام واب وهو ماعنده بيت بس ايجرلها وهو حالته زينه بلكت اتحصل ولد بنيه خلي اتشوف حياتها اذا عيالها ايكولون كلشي ماكو
خابرت صديقتي كتلها اتفضلوا ابويه وافق#هدو الدليمي
اجوي اهله وسيارات ترست الشارع وجابو شيخ وياعم وعقدنه
فجابلي نيشان ملابس وتخم ذهب مابي ورقه كتله شو مابي ورقه كال اشتريته من وحده محتاجه اجرلي شقه كتله لتشتري كلشي عندي تجهيز بيت كامل بس جاب غرفه وخالي عنده سياره حمل
اجه هو وابن اخو واجر سيارة خالي حتى ايشيلون الغراض
اول ماشلت الثلاجه اجه محمود وكال شسوين كتله اريد غراضي
كال ماعندج غراض هنا كال متشيلين كلشي من البيت اطلعين بطرگ ثوبج كتله انت مو بكيفك ذني غراضي رحت ارگض على ابويه كتله تعال شوف محمود ميقبل ينطيني غراضي وعيب حامد خطيبي بوه كال ليش انت اتريد تاخذين الغراض احنه مو تفقنه بالخطبه كلشي متاخذين طلعوا اهلي متفقين ويا بالخطوبه انو كلشي مااخذ ويايه بطرگ ثوبي كتله لابويه يابه هن غراضي شلون متنطوني كلشي طلعلي توثيه (خشبه كبيره) محمود ضربني راشدي
من القوى مالته كمت مااسمع وابويه ضربني بالتوثيه وطردني الشارع وظل حامد وابن اخو يباوعون عليه بعيد اخذني خالي ووداني للجيران وجابلي عبايه ووداني ابيت خالتي وهم اخذوا الثلاجه وراحو ابويه كلش ايحب امجد وايريد خاطره#هدو الدليمي
صار عمره ١٨سنه ولبس عسكريه لان ماعنده شهاده
بعدين ظليت ابيت خالتي اروح مناك للدوام واختي جابتلي هدومي
اجه امجد من العسكريه بسنة ال٩٢ كلهم ليش هيج اتسوون بأمل
فوك ماهي صرفت عليكم صارلها ١٢سنه وكدام رجلها بعد شلون يحترمها ويقدرها جاب امجد سياره شال الغراض الباقيه فرفوري وفراش وكتله الغرفه الك جانت كلش راقيه والباقي اخذته
عفت الغرفه لامجد حتى يزوج بيهن وخابر حامد كله افتح الشقه جبت الغراض حامد كله اني ممحتاجهن كله هاي غراضها ومن حقها ،،، محمود وابويه كالو متنزف من بيتنه خلي تنزف من بيت خالتها اني كاعده بالدوام وابجي اجتي المديره كالتلي ليش تبجين اكو عروس تبجي سولفتلها على الي صار وكالت راح اخذ زوجها
لان جان صديق حسام الله يرحمه لان ابويه ومحمود كلش ايحبو
راحو لابويه واخوتي كلولهم عيب عليكم بنتكم تنزف من غير بيت قابل هي ناهبه لازم انتو اتزفوها من بيتكم حتى اتسوواها قدر واحترام كدام عيالها اجتي امي واختي وعمتي اخذوني من بيت خالتي وجابوني للبيت بعدين عزمت كل گرايبي وحتى ام عيسى عزمتها وسويت حنه ولبست بداه حمره وبدله سوده #هدو الدليمي
واجوي عيالي حنوني وبيوم الزفه خابرت المديره كتلها خلي زوجج يجي لان اخوتي وابويه طلعوا انهزموا اجه زوجها وسلمني لحامد
ووصى بيه كله امل خليها بعيونك ترى حباب ومؤدبه لتظلمها مثل ماأهلها ظلموها بهاي الفترى جان عيسى بالشمال بالعسكريه
اجتي امه طشت جكايت ورگصت لان خلصت مني
رحنه للفندق وزوجنه ومصاريف الفندق والصور كلها عليه
بعدين رجعنه للشقه واجتي اختي ومرت محمود جابتلنه غده والمواد الاكل مال الحنه زاد وجابتليا وبهاي الفترى عندي ذهب كلش هواي
اثثت الشقه سويتها كلش حلوه وسويت سبعه ولبست ٣بدلات
واجوي اهلي وگرايبي كلهم واتعشو ورادو يرحون وكتله لحامد اجرلهم سياره واني كاعده بالهول واسمعه ايصيح رحت لكيته ايفشر ويحجي كتله شبيك ليش اتصيح كال الي يجي للسبعه غير ايجر سياره اني منين اروح اأجر سياره كتله انت مالك علاقه اني
ادز ابن اخوك راح وجابلهم سياره ووده اهلي جانت سياره كوستر انطيته ٤٠دينار الكروه اجيت طبيت لغرفتي شبيعت بجي
ومن هذا اليوم بده ظلم جديد وقاسي 😭😭
ثاني يوم اندكت الباب من الصبح اجتي بنت حمايه جان اتكول
عمه اريد التخم مال الذهب مالتي كتلها ياتخم كالت عمي كلي اخذه اتزوج بي وارجعه الج طلع تخم الذهب مال بنت اخو
خليت الذهب بالعلبه وكتلها اشكرج حبيبتي ماقصرتي وانطيتها
خلصت ١٠ايام ورحت داومت اجيت من الدوام لكيت الغرفه ماهيه لكيته كاعد مسوي اظرف ويوزع الديون ويكتب على الاطرف
كتله وين الغرفه كال بعتها لان مديون #هدو الدليمي
ورى فتره اجتي مرت حمايه اتريد الزوليه طلعت مالت اخو
طلعت كلشي ماعنده وعرسنه كله دين شلت الزوليه وانطيتهيا
اخذت اگلاده شويه ثگيله بعتها  اشتريت زوليه وطباخ وماكدرت اشتري غرفه لان احنه يوميه ابيت صار شهر على عرسنه كتله انت ليش مداوم شكال كال اني مستقيل من الجيش لان هو مجند مو مطوع كتله وبعيدن شلون انعيش اذا حتى السياره مو مالتك طلعت
واني راتبي ٣٠٠٠ واحنه كاعدين ابيت اجاره ٥٠٠ وراتبي ميكفيني المهم كام يغمه عليه واوكع وداني للدكتوره طلعت حامل
فديوم طب سووى عركه على شي تافه ونزل واني نزلت وراها ووكعت واني رجعت للشقه وكمت انزف وماعندي اي وسيلة اتصال
بص الشقه جان مكتب عقار وجان البس عباتي خابرت منه مرت حمايه كتلها الحكيلي حموت اجتي مرت حمايه ودتني للمستشفى وسوولي كورتاج جان الطفل نازل كمت اخذ علاج كلش غالي والمصاريف متكفيني وكالو عندي رخاوه بالرحم ميصير اتحبلين اله اتعدي سنه وراتبي ميكفيني كمت بعت ابتوتي واشتريت مكينه لان اني خياطه توب كامت العالم تجيني اخيطلهم وهو ايطب ويطلع لا شغل ولا عمل انبيع بالذهب وناكول بعدين صرت حامل
اني هدفي بالزواج بس طفل ميهمني الرجال
وبعيدن هم كمت انزف لا اتعب وحت للدكتوره كالت لازم اتسوي ربط وتنام على ظهرها طبيت بشهر الثالث اول يوم بالثالث كالت الدكتوره لازم اربطلج واخذت قطعه من الذهب بعتها ورحت وهو كاعد وساكت طلعتني مرت حمايه يمها بالبيت اسبوع كامل هي اداري بيه وهو ياكل ويشرب وبعدين رجعت لبيتي ورحت للمديره كتلها عفيه اريد اجازه سوتلي اجازه شهر بدون راتب هذا الحجي كله مااحجي ويه اهلي لان اخويه وابويه ميقبلون اطب بالبيت
ظليت كاعده بالشقه وهو ايروح ايجيب اكل من بيت اخو بعدين اجتي مرت حمايه واخو كلوله ميصير اتظل كاعد وهي يرادلها ابر مثبته وعلاج والعلاج كلش غالي واحنه فترت حصار حامد كال منو كللها تحبل اني مااريد اطفال عندي٣ كلوله هي اتزوجت علمود الاطفال كللهم لعد خلي اتحير بنفسها فكمت ابيع بغراض البيت بعت التخم والمكينه وتركب وتاكول #هدو الدليمي
طبت بشهر السابع اخذت اختي ورحت للدكتوره كالت الحمدلله بيج ولد وصحة زينه اني فرحت والدنيا متوسعني واشبگ باختي كتلها راح اصير ام ورجعت للبيت وكتله حامد راح يجيك ولد كال اي بالخير  فديوم اني كاعده بالبيت اجاني كلي كومي صديقي عازمنه
كتله اخاف اروح خاف ايصير شي على الولد كال كلشي مابيج مو هاي بطنج شكبرها كتله والله مااكدر كال كومي عيب هذا نقيب صديقي وخير من الله عيب من عنده كتله جيبلي سياره كال ماعندي اخذني مشي والمسافه كلش بعيده كمت مااكدر امشي وكل ساعه اكعد المهم وصلنه ودكينه الباب طلع صديقه ورحب بينه فتنه مالكينه احد بالبيت ..........