الفصل الثاني والعشرون
بعد ماجنه فقدت وعيها جاسر بدء يفوق من نوبه الغضب وقعد مسهم جمبها
شويه وبدا يفوقها وفاقت جنه
جاسر (بهدوء وحنيه وخوف ولهفه وحب) /انتي كويسه. جنه انا اسف
جنه دورت وشها الناحيه التانيه ودموعها بتنزل بصمت
فضل يطبطب عليها لحد ماهديت ونامت
قام اخد شاور وقعد يصلي ويدعي ربنا يهديه ويرشده للصواب
جاسر بيحب جنة حب مش عادي مقدرش يستوعب فكره انها عاوزه تطلق .معاملته ليها بقسوه دي من وري قلبه وبيتجاهل مشاعره للاسف هو طبعه شكاك والشك ملاه من ناحيتها ومش عارف يسمعها رغم ان قلبه بيكدب شكوكه
الصبح دخل عليها الاوضه لقاها لسه نايمه لبس هدومه ونزل قبل ما تصحي
جنه صحيت تعبانه ومش قادره تتحرك ومخها عاجز علي استيعاب اللي حصلها
اتصلت بشيري
شيري /جوجو. عامله ايه يا حبيبتي
جنه (ببكاء) /مش كويسه خالص يا شيري . موجوعه اوي
شيري /من ايه انتي متخانقه انتي وجاسر
جنه/جاسر ضربني
شيري (بفزع) /إيه ازاي. انا جيالك حالا
معتز جمبها ومتابع الحوار
معتز /في ايه مالها جنة
شيري /جاسر ضربها
معتز /ايه هو اتجنن ولا محدش قادره
شيري /مش عارفه وصلني عند جنه اطمن عليها
اخدها وراحو
اول ما معتز شافها انصدم واتوعد لجاسر
وجه حديثه لشيري
معتز /هاسيبكم براحتكم وابقي اعدي عليكي بالليل
جنه /لا خليك معانا انا عاوزاك
قعدو كلهم والارهاق واثار الضرب واضحه علي جنة
جنة حكت لهم كل اللي حصل من شهر من يوم ماوالده اتسجن
شيري (بصدمه) /مش ممكن جاسر يعمل كده هو جري لعقله ايه
معتز /احنا جمبك يا جنه واللي عمله فيكي مايرضيش ربنا واللي انتي عاوزاه انا معاكي فيه
جنة/ عاوزه اتطلق منه
معتز /حاضر
شيري /انتي بتقولي ايه وانت مطاوعها
معتز /يعني يرضيكي اللي عمله فيها
شيري /لا طبعا ما يرضنيش بس اكيد في حل تاني غير الطلاق
جنه /اللي هو ايه
شيري /مش عارفه بس اكيد في حل
جنه قامت تجيب حاجه يشربوها
سمع معتز وشيري صوت خبطه في المطبخ
جريو علي المبطبخ كانت جنه واقعه وفاقده الوعي
جاسر قاعد في مكتبه مغمض عنيه وراجع براسه لوري بيفتكر كل حاجه مرت عليه من يوم ماعرفها وحس بالندم للحظات وانها ماتستاهلش اللي بيعمله فيها
بس شكوكه اقوي منه ورجع لنقطه الصفر من تاني وانه ماغلطش في حقها
فريد انهي اجراءات اذن زياره جاسر لمحيي
ومعاد الزياره اتحدد بعد يومين
معتز شال جنه وشيري جابت برفان وفوقوها حاول معتز يقنعها تروح للدكتور بس رفضت
استاذن منهم معتز يروح الشركه وشيري هاتقعد معاها شويه
معتز دخل المكتب علي جاسر لقاه بيصلي وبيعيط جامد
قعد استناه لحد ماخلص .اول مالتفت ليه جاسر
معتز / هاتخسرها بغباءك وعصبيتك دي مراتك اغمي عليها الصبح بسببك هاتفضل تعاملها كده لحد ماتموت
جاسر /سيبني في حالي يامعتز
معتز /مش هاسيبك تضيع عمرك تاني . جنة طالبه الطلاق. شوف اخره شكوكك فيها
يااما حذرتك وقولتلك الشك مرض ولازم تعالجه
وسابه لوحده ومشي
جاسر مااستحملش يقعد اكثر من كده وقلق عليها اوي اخذ بعضه وروح البيت
لقي البيت هادي ‘مفيش صوت خاف لتكون جنه سابته او تكون جرالها حاجه
طلع زي المجنون يدور عليها في الاوض لقاها خارجه من الحمام وبتنشف شعرها
تنهد بارتياح
واخد هدومه ودخل ياخد شاور
جنه ماجهزتش اكل وكانت خايفه من جاسر
تفاجأت بان جاسر بيجهز الاكل بنفسه
وقفت مش عارفه تدخل تكمل هي الاكل ولا تسيبه يعمله قاطع تفكيرها جاسر
جاسر / روحي اقعدي انتي باين عليكي تعبانه
واحت قعدت علي الكرسي بدون رد بص جاسر عليها لقاها سانده براسها علي الترابيزه
قرب منها بهدوء مسح علي شعرها ملقاش منها اي رد فعل رفع دماغها بس كانت مغمي عليها
جاسر (بخضه) /جنة ردي عليا. جنه .
مفيش رد
حملها وطلع بيها علي السرير وحاول يفوقها كانت تفوق وتغمض تاني
شالها ونزل بيها زي المجنون علي المستشفي
أخدها منه الممرضة ودخلت اوضه الكشف
جاسر بره كان حالته لايرثي لها بيلوم نفسه علي اللي عمله فيها وبيدعي تكون بخير
استمر الكشف نص ساعة والوقت ده كفيل يموت اعصاب جاسر وتخور قواه
بعد نصف ساعة خرج الدكتور من عندها
جاسر(بلهفه)/طمني يا دكتور
الدكتور /يا راجل جمد قلبك. النونو ومامته بيخضوك بس شويه
جاسر (بعدم استيعاب) /بس انا مش حامل.
الدكتور /ههه عارف. المدام حامل
جاسر (بسعاده) /قول والله جنة حامل. هابقي اب
الدكتور /ايوه يا سيدي. بس خد بالك المدام جسمها ضعيف جدا وضغطها منخفض لازمها راحه كامله. والحاله النفسيه مهمه جدا للام وللجنين
جاسر /حاضر. وهي هاتخرج امته.
الدكتور/تخلص المحلول وتخرج ودي الدوا اللي هاتمشي عليه لمده شهرين
جنه في غرفه المستشفي مش عارفه تحدد هي مبسوطه علشان هاتبقي ام وجواها حته من حبيب عمرها. ولا خايفه ان جاسر ياخد ابنها ويطلقها
جاسر اشتري الدوا من الصيدليه وطلع علشان ياخد جنه
اول ماجنة شافته ......
يا تري هاتعمل ايه ؟
Ayoo
