الفصل السابع عشر
دخلت جنة الشقة وجدت والدتها ملقاة على الأرض تنزف دما من انفها
هرعت اليهات بلهفة وخوف
جنة (بصراخ ) / ماما. ماما. ماما. فوقي قومي يا ماما
فتحت حقيبتها واتصلت بجاسر بمجرد أن فتح الخط
جنة(بصراخ وبكاء )/ جاسر الحقني. ماما مش واقعه ومش بترد
جاسر / طب اهدي انا جاي حالا
لحسن حظها إن جاسر لم يبعد عن المنزل كثيرا
دخل المنزل وجد جنة تجلس بجانب والدتها الملقاه على الأرض تبكي وتهز في والدتها
نظرت إليه باكيه / الحق ماما يا جاسر
جاسر / بس اهدي. هاتي برفان وتعالي
حملها جاسر وذهب الي الغرفه .احضرت جنة البرفان حاول جاسر افاقتها عدة مرات حتي استجابت وبدات تفيق
جنه / ماما حبيبتي سمعاني
حنان فتحت عينها ببطئ وبدات تستوعب ماحدث
حنان / جنة جاسر ايه اللي حصل
جاسر / انتي اللي تقوليلنا ايه حصلك
حنان ( بكدب )/ كنت مصدعه ورايحة اجيب دوا من الصيدليه اتكعبلت في السجادة ووقعت ومش فاكرة حاجة تاني
جاسر لم يصدق كلامها ولكن جنة بسذاجتها صدقت
جنه / الحمد لله يا ماما انك بخير انا كنت هاموت من الخوف
حنان / بعد الشر عنك يا حبيبتي
جاسر / يلا يا ماما نروح للدكتور يطمنا
حنان / لا لا انا بقيت كويسة
جنة / نطمن بس عليكي
حنان / انا بقيت كويسه لما شوفتكم
جاسر / انا هاستاذن بقي ولو عاوزين حاجة كلموني
حنان / مش هاتقعد معانا شوية
جاسر / باليل يا ست الكل. هاخلص شغل و اجي نقعد مع بعض براحتنا
حنان / ربنا يقويك يا ابني
انصرف جاسر وخرجت معه جنة حتي الباب وقبل جبينها وغادر
قضت جنة اليوم مع والدتها وحكت اليها ما فعلته طوال الفترة السابقة
وقدمت لها امها النصائح
في موعد الغداء وصل فريد المنزل
فريد (وهو يغلق باب الشقه )/ حنان يا نونا انتي فين يا حبيبتى
جنة / يا سلام. هو مفيش غير نونا في البيت يا سيادة المستشار
فريد (بسعادة )/ جنة يا بنت الايه. وحشتني
فتح لها زراعيه فجرت عليه واستقرت في احضان والدها
جنة / وانت كمان وحشتني اوي يا بابا
فريد / يا بكاشه دي من يوم ما اتجوزتي ما سالتيش عنا. هو جاسر خطفك مننا يا بت
جنه / لا طبعا محدش يقدر يخطفني منك يا بابتي
فريد ( قبل جبينها )/ وحشتني لماضتك
تعالي قوليلي عامله ايه مع جاسر. اكيد مطلعه عينه
جنه (ببراءة ) / انا دي انا كيوت خالث
تناولو الغداء في جو عائلي ملئ بالحب
في المساء انضم إليهم جاسر وتناول معهم العشاء وتحدثو كثير وضحكو كتير وذهب العاشقان الي منزلهم
في مكان جديد خاصة في كاليفورنيا
احمد / بعدين معاكي يا رانيا
رانيا / عاوز مني ايه
احمد / دي مبقتش عيشه. علطول بعيده عني وبتلهي نفسك في حاجات فاضية
رانيا / والله دي اللي عندي لحد ما تطلقني وارتاح
احمد / نجوم السما اقربلك
مر الايام علي الجميع في هدوء حتي اليوم الموعود يوم القبض على المافيا
هاتف محيي فريد
فريد / ايه الاخبار
محيي/ الاخبار مش مطئنة. الجماعه اجلو الصفقة
فريد / ليه
محيي / مقالوش سبب ودي اللي قالقني
فريد / راقب الجو عندك وقلل اتصالاتنا يومين علشان محدش يشك لو مراقبينك
محيي / وهو كذلك
في يوم جاسر راجع من الشغل مخنوق بسبب مشاكل في الشغل
فتح باب الشقه ودخل قابلته جنه
جنه / حبيبي حمد لله على السلامه
جاسر/ الله يسلمك
جنة / مالك ؟
جاسر / مفيش .
وتركها وتوجه الي الدرج لحقت به ووقفت امامه
جنه / مالك
جاسر/ قولت مفيش
جنة / لا في حاجة مخبيها
جاسر (بزعيق )/ قولتلك مفيش ايه مفيش مخ تفهمي
صدمت جنه من رده فعله.لم تعلق عليه بقيت صامته مر من جانبها وصعد الي غرفته وجدها كعادتها جهزت له ملابسه اخذ حمامه وهدء بعض الشئ ونزل الي غرفة الطعام
وجد جنه تضع الطعام علي الطاولة .انتهت من رص الطعام وهمت بالانصراف
جاسر (بهدوء )/ مش هتاكلي
جنه (بحزن )/ مش جعانه
امسك بيدها ووقف أمامها
جاسر (بحنان )/ هاتسبيني اكل لوحدي
جنه (وهي تتلاشي النظر اليه )/ مش جعانه .هاروح اعمل عصير علي ما تاكل
جاسر / أنا آسف. (وقبل جبينها ) واكمل حديثه
جاسر / لو انتي مش هاتستحمليني مين هايستحمل
جنه (ببكاء )/ انا استحملك بدون ما اشتكي بس تفهمني مالك انا باستني الوقت اللي بتيجي فيه وبافضل طول اليوم لوحدي وياستني وقت ما تيجي نقعد مع بعض ونتكلم وانت تيجي تزهق عليا
جاسر / حقك عليا مشاكل في الشغل تعباني
جنه / اللي تاعبك نتقاسمه مع بعض تحكيلي ونشوف حل مع بعض مش اجي اسالك تهب فيا
جاسر / انا عارف اني غلطت. بس انتي عارفاني لما باكون زهقان
جنة/ حاول تتحكم في انفعالاتك علشان خاطري
جاسر/ حاضر .آسف مرة ثانية.
اقعدي كلي معايا بقي
جنه / حاضر
في الوقت ده شيري ومعتز كانو عند محيي. كل واحد من اولاده بيروح عنده يوم علشان مابحسش بالوحدة
بعد العشا جنه قاعده علي الكنبه وحاطة راسها على كتف جاسر
جنه / جسوري
جاسر / عيوني
جنه / عندي طلب نونو. بس ما ترفضش
جاسر / نونو.نونو ولا نونو نونو
جنه / نونو نونو
جاسر / هههههههه قولي
جنه / عاوزة اروح للدكتور
جاسر اعتدل في جلسته / مالك. انتي تعبانه
جنه / لا يا حبيبي انا بخير. بس يعني متجوزين بقالنا ثلاث شهور ولسه مفيش حمل
جاسر / حبيبتي انا مش مستعجل على حاجة ذي دي. دي بتاع ربنا
جنه / ونعم بالله بس بصراحه انا خايفه
جاسر / من ايه
جنه / ماما كان عندها كانسر في الرحم وشالته وهي بتولدني وقعدت قبل الحمل سنين تتعالج علشان تجيب طفل قبل ما تشيله وخايفه اكون زيها
جاسر / بعد الشر عنك يا حبيبتي. هاشوف دكتور ونروحله
جنه / ربنا يخليك ليا يا قلبي
جاسر / ويخليكي ليا يا حبيبتى بس خليكي متاكده ان حبي ليكي اهم من اي حاجه في الدنيا
تاني يوم جنه ما استنتش جاسر يشوف دكتور وسالت على دكتور مشهور وحجزت عنده
راحت هي جاسر
وياريتهم ما راحو 🙆🙆
يا تري يا جوجو مالك يا غاليه 😭😭
Ayoo
