الفصل الثالث والعشرون
دخل جاسر واول ما جنة شافته
جنة /جاسر انت ظالمني والله العظيم ظالمني . وانا هاستحمل كل حاجه وهاعيش خدامتك زي ماانت عاوز بس ارجوك ما تحرمنيش من ابني. ماتاخدوش مني.
اغمض جاسر عينيه بالم
الهذا الحد كان قاسيا معها. اهي فقدت ثقتها بحبه.
فتح عيونه ونظر اليها بالم وندم وحب
وتقدم منها وجلس بجوارها وامسك بيدها
جاسر(بحنان)/متخافيش. مش هابعده عنك ولا هاخده منك وهانعيش كلنا مع بعض وهاتكوني اعظم ام في الدنيا
انحني وقبل بطنها برفق
جاسر / الدكتور قال انك ضعيفه ولازم تتغذي وتاخدي ادويتك وترتاحي
مش عاوزك تخافي من حاجه واوعدك مش هاضايقك تاني يلا يا جنت
يلا الدكتور كتبلك خروج
جنه/ ما كملتش وقولت جنتك ليه. مش هادافع عن نفسي تاني بس صدقني يوم ماتتاكد اني بريئه مش هسامحك مش هسامحك ابدا.
لم يتحمل البقاء اكثر من ذلك تركها وخرج يحاول السيطره علي دموعه
بعد وقت قليل خرجت جنه من الغرفه فتقدم منها وامسك بيدها واليد الاخري احتضنها بها... ود لو يضمها فهو يحتاج لحضنها ليبث فيه القوه فهي مصدر لقوته
في طريقهم للبيت
جنه(بخوف)/ جاسر انا عاوزه اروح عند ماما
جاسر/انتي تعبانه هاوديكي اول ما ترتاحي
جنه/ اصل عاوزه اقعد عندها يومين
جاسر /بس انا مش عاوز اروح عندهم
جنه/من فضلك. مش هاحكيلهم حاجه والله انا بس هاقولهم اني حامل وتعبانه. اوعدك مش هافتح بؤي
امام نظره الانكسار والرجاء في عينيها. استسلم جاسر
جاسر/حاضر
وصلها عند والدتها ‘سلم عليها واستاذن يمشي
اهل جنه فرحو اوي بخبر حملها ومامتها شالتها من علي الارض شيل.
عدي اليومين علي خير و جاسر كان بيتصل يطمن علي جنه
جه يوم زياره جاسر بوالده
اول ما شاف ابوه جري عليه وحضنه
جاسر /بابا وحشتني اوي.
محيي /وانت كمان ياحبيبي. طمني عليك وعلي جنه وشيري عامله ايه
جاسر/كويسين كلنا مش ناقصنا غير وجودك جمبنا
قريب اوي هايكون في وسطنا
قالها فريد وهو يدخل عليهم
محيي/ ان شاء الله . الاخبار ايه
فريد /كله تمام. تم القبض علي الكل ويومين وهاتخرج بالسلامه
محيي/الحمد لله. كده اقابل راندا وانا مرتاح
جاسر/هو في ايه ما تفهموني
فريد/هاقوم واسيبكم تتكلمو براحتكم. هابعتلكم القهوه
خرج فريد
جاسر/انا حاسس اني زي الاطرش في الزفه. عمي فريد مش هو سبب دخولك السجن هو وجنة ازاي هو اللي هايخرجك وقضيه زي دي هاتخرج منها بالسهوله دي ازاي
محيي/اديني فرصه ارد
الاول كده عاوزك تسمعني بعقلك مش بعواطفك وسامحني يا ابني
جاسر/قلقتني يا بابا
