الفصل الرابع والعشرون
جاسر خرج وطلع علي المطار معاد طيارته بعد ساعه قعد استناها والحزن مخيم عليه
جنه اتصلت بمامتها
جنه(باكيه)/ ماما. انا تعبانه اوي.
حنان/حاسه بايه يا حبيبتي. ماتتحركيش كثير
جنه/مش من الحمل. جاسر سابني وسافر
حنان/ سافر فين .وليه
جنه /المانيا. هرب من المشاكل وكل اللي حواليه
حنان /بطلي عياط احنا جايين حالا
وصل ابوها وأمها البيت
ارتمت جنه في احضان والدتها وفضلت تحكيلهم كل اللي حصل من يوم ما محيي اتقبض عليه
فريد(بغضب)/ واحنا موتنا. ماجتيش ليه تقوليلي وانا كنت ندمته عمره كله
جنه/ دي جوزي يا بابا
فريد/ يعني ايه جوزك وهو مكنش واعي انك مراته وحرام يعاملك كده
جنه / يعني انا الى غلطانه
فريد جلس بجوارها وتحدث بحنان الاب
فريد/لا يا حبيبتي انتي مش غلطانه دي عين العقل ان الزوجه تساند زوجها حتي لو ظالمها وبعد ما يرجع لقوته تاخد حقها وتقرر مصيرها
جنه/بس هو ليه سابني
فريد(بشرود)/الله اعلم ايه اللي في نيته
حنان /قومي لمي هدومك وتعالي معانا
جنه/ وهو كده الصح
فريد/ايووه. لما يرجع لو عاوزك هايجي ياخدك وساعتها مش هارحمه
انصاعت جنه لاوامر اهلها وذهبت الي منزل والدها
علي الهاتف
معتز/انت غبي يا جاسر. وطول عمرك بتهرب من المشاكل بس دي مش حل. لما والدتك ماتت سافرت تهربت وبنيت نفسك. لكن دلوقت انت بتهد حياتك. ازاي تسيب مراتك وهي حامل انت متخلف يا ابني
جاسر/لا مش متخلف. انا مريض وباتعالج
معتز/مش فاهم عندك ايه وليه ما قولتليش
جاسر /يوم ما قولتلي الشك دي مرض فكرت كتير في كلمتك وكلمت دكتور نفسي في ألمانيا وحكيتله علي حياتي واكدلي انه مرض
وخيرني بين العلاج هنا او في مصر ولقيت ان العلاج هنا بعيد عن الكل والتوتر اسرع وافضل
معتز/وليه ما عرفتش جنه
جاسر/ مش عاوزها تعرف. معتز وحياه شيري عندك ما تعرفها
معتز/حاضر بس انت كده بتهد حياتك
جاسر/بالعكس. لما اتعالج واعرف أواجه واشيل الشك ده من دماغي هاعيش صح
معتز/ربنا يشفيك. والعلاج اد ايه
جاسر/سنه
معتز/وانت هاتفضل السنه دي بعيد عن مراتك وابنك
جاسر/ سيبها بظروفها
محيي خرج من الحبس وزار شيري كانت رافضه تكلمه بس معتز اقنعها ان دي ابوها وان ربنا غفور رحيم وانه تاب وربنا بيقبل التوبه
جنه عاشت في بيت اهلها في ذكرياتها الحلوه مع جاسر وطول الوقت بتتكلم مع طفلها عن ابوه وحبها ليه وحنيته وحاولت تنسي قسوته بس مقدرتش
بعد شهرين جاسر بيتحسن في العلاج كل الي تاعبه بعده عن جنه ومنع نفسه انه يتصل بيها بس بيطمن عليها من معتز ورجعت علاقته بابوه حلوه
