البارت الرابع🌸
مشاعر متقلبه
بقلمي "سمسمه خالد"
اياد لنفسه "وانا متعصب ليه انا هي حره ... بس ماهي بتتكلم عادي مع الدكتور وانا متسلمش عليا علي ايه هي فاكره نفسها حلوة بس صراحه دي مش حلوة بس دي تجنن يخربيت عيونها تسحر ... ايه الهبل اللي بقوله ده انا ارجع لهم اشوفهم وصلو لايه"
بعد مرور وقت طويل اسيل درست حاله "سما" وتم تجهيز غرفه العمليات...
في المستشفي"
احمد ... العمليه هتبدء امتي يا اسيل
اسيل .... ربع ساعه ياعمو ان شاء الله و متقلقش دي سهله عوزاك تطمن طنط حنان المفروض انت اللي تقويها متضعفش
احمد.... انا هموت من القلق عليها بس انا واثق فيكي ياحبيبتي
اسيل .... ربنا يخليك ليا ياعمو
حنان بقلق ... خلي بالك منها يا اسيل انا قلبي مش مطمن
اسيل .... الحلو ده قلقان ليه بس والنحمه يا شيخه البت هتبقي زي الفل .... اسيبكو انا بقا عشان هنبتدي
"دخلت اسيل العمليات ومر وقت كبير والكل قلقان وبيدعي"
طلعت اسيل من العمليات وهي بتضحك
جريت حنان واياد واحمد عليها
اياد .... طمنيني سما عملت ايه
اسيل .... عيب عليكو ده انا اللي بعمل العمليه بنفسي .. طبعا نجحت يابشررر
حنان بدموع .... الف حمد و شكر ليك يارب
احمد .. حبيبتي ربنا مايحرمنا منك اخيرررا احنا كنا علي اعصابنا
اياد .... طب هي فين
اسيل .... هي انتقلت للعنايه لمده ٢٤ ساعه لحد ما تستقر الحاله بس هي كويسه الحمد لله ده روتين عادي
"في غرفه اسيل في المستشفي"
دخل اياد لها
اياد ... يادكتوره هي هتخرج من العنايه وبعدين تقعد في المستشفي قد ايه
اسيل .... حوالي اسبوعين او اسبوعين ونص كده وهتخرج
اياد ... طب وهتبقي تمام ولا ايه
اسيل .. ايوة ...
اياد سرح فيها وهي بتتكلم "ايه عيونها دي وكميه البراءه اللي فيها دي فيها سحر "
اسيل وهي بتشاور باديها ... في حاجه يا بشمهندس ؟!!
اياد .. هه لا ابدا ... طب تمام عن اذنك انا هروح انا علي الشركه
اسيل ... اوك تمام
"بعد مرور اسبوعين وتحسن صحه سما واياد بيتجنب ان يشوف اسيل "
"في غرفه سما في المستشفي "
اسيل ... ايه ابت انتي عاجبك القاعده هنا ؟!
سما .... لاااا اتخنقت خلوني اروح بقا
اسيل .... هتخرجي بكره بقا وبعدين ما الاستاذ بيسليكي
اياد دخل لهم
اياد .... سمسومه اذيك ياقلبي
سما .... حبيبي وحشتني انا كويسه
اياد ل اسيل .... هي هتخرج امتي يادكتوره
اسيل .... ان شاء الله بكره هتخرج هي محتاجه راحه في البيت بس عمتا انا هبقي معاها هناك
سما .... اوباااا ده احنا هنخربها
اياد لنفسه "يووووه يعني هتفضل تاني معانا ده انا مصدقت"
سما .... ايه يا اياد انت سرحان في ايه
اياد .... ابدا ياحبيبتي معاكي اهو
اسيل ... طب اسيبكم انا بقا عن اذنكو
وخرجت اسيل
اياد ل سما .... هي هتمشي امتي ؟!
سما باستفهام ... ليه
اياد بضيق ... مش عارف اصلها غريبه كده اللي يتعامل معاها ميقولش انها عاشت في امريكا
سما .... ايوة اصلها متحفظه شويه ومش بتحب تختلط بحد بس عسل يا ديدو والله
اياد .... عسل مين ياختي ونبي انتي اللي عسل دي دمها سم
سما .... ليه يا واد هو انت اصلا تعرفها
اياد لنفسه "ويارتني ماعرفتها".. لا معرفهاش وانا مالي بيها ماهي كده كده هتسافر بقا
"في صباح اليوم التالي في المستشفي "
حنان .. اخيررا ياقلبي هتنوري البيت
سما ... حبييتي يامامي البيت وحشني اوي اوي
احمد .... يلااا بقا هنشيل الشنط ونحطها في العربيه
حنان ... ماشي بنشيل بقيت الحاجات اهي ... هي فين اسيل
سما .... مش عارفه برن مش بترد يمكن تكون نايمه
حنان .... لا دي كل يوم كانت بتجيلك من بدري ... رني عليها كده
اياد ... ايوة رني عشان هي اللي هتخلي بالها منك اما تروحي لازم تبقي معاكي
سما ... حاضر هرن اهو
"في نفس الوقت اسيل في التاكسي"
اسيل ... ياعمو ايه الطريق ده
السواق ... ده طريق مختصر
اسيل ... لا امشي من الطريق الرئيسي
رن فون اسيل ... اسيل فتحت الخط...ايوة يابت انا ف التاكس قربت من المستشفي
سما .... طب يلا بسرعه احنا جهزنا
اسيل ليه هترد السواق فرمل العربيه واسيل صرخت والخط قطع .
سما .... الو الو اسيل حصل ايه
اياد بقلق ... في ايه يا سما اسيل مالها
سما ... مش عارفه يا اياد كنت بكلمها وقالت انها جمب المستشفي بس صرخت قبل الخط مايقطع ... انا قلقانه ومش مطمنه
اياد .... انا هركب العربيه وهنزل ادور وهو بيبص لاحمد والد سما ... وانت يا عمو دور في الشارع التاني وهتصل بالبادي جارد يدورو ف الشوارع
"عند اسيل "
اسيل .... في ايه مالها العربيه
السواق .... معلش شكل البنزين خلص ... ونزل من العربيه واسيل نزلت
حاول يتهجم عليها بس اسيل زقته و جريت ... بعد جري مسافه كبيره شافت عربيه و كان فيها "اياد" ساعتها حست انها في امان وهو نزل من العربيه
اياد بخضه وقلق واضح .... اسيل فيكي ايه في ايه قوولي
اسيل متكلمتش وحضنته ولفت اديها حولين ضهره ودفنت راسها في صدره بتحاول تتخبي فيه
اياد ...انصدم من الموقف بس محسش بنفسه غير وهو بيحضنها اكتر كأنه عاوز يخبيها جواه عشان يطمنها .... وبص عليها لقاها اغمي عليها شالها وحطها في العربيه وراح ع المستشفي
أنت تقرأ
مشاعر متقلبه بقلمي سمسمه خالد
Romanceوكأني لم اجرب الحب يوما وكأن قلبي لم ينبض من قبل .. ماذا يحدث لي اهذا الحب كيف ومتي وقعت فيه ... كنت امشي طريق ولا اعلم كيف اصبح هذا القلب الذي يشبه قطعه من الصخر ينبض .... ماذا فعلتي بي فقط اريد ان اعلم ماذا فعلتي ؟!! هو :- مغرور يحبها "كما يعتقد ه...
