مشاعر متقلبه بقلمي سمسمه خالد

١٨

البارت الثامن عشر 🌺🌻

""مشاعر متقلبه""
""بقلمي سمسمه خالد ""

"في الشركه ""
محسن ..... يعني هي صدقت انك هتسافر ؟!
اياد..... ههههه اه دي كانت هتقتلني
محسن .... وايه بقا الخطوة الجايه ابهرني
اياد بمزاح..... تقدرو تقولها كل سنه وانتي طيبه خلاص عفوت عنها هههههه ونكمل باقي الخطه
محسن ..... لا حنين اوي ههه
اياد..... من يومي

عند سما """
سما وهي قاعده تعيط وحاضنه مخدتها ووالدتها دخلت عليها وهي مسحت دموعها بسرعه عشان محدش يشوف دموعها بس مقدرتش تخبي انتفاخ عنيها واحمرارها
حنان بحنيه وهي قاعده جمبها علي السرير .... مالك ياحبيبتي
سما بنبره حزن .... مفيش يامامي
حنان .... طب وصوتك ماله
سما.... عادي يامامي شكلي هاخد برد عشان الجو هنا برد جامد
حنان .... طب ومحمود بقا كويس دلوقت
سما قلبها دق عشان سمعت اسمه بس حاولت تخبي .... ا اه بقا كويس دلوقت
حنان ... طب ياحبيبتي احنا هنخرج انا وباباكي شويه نجيب هديه لاسيل ... هتيجي معانا ؟!
سما .... لا يامامي انا هبقي اخرج شويه كده اصل عاوزة انام
حنان بعدم اقتناع ... طب ارتاحي ياقلبي واحنا مش هنتاخر
سما ... اوك يامامي
ورجعت تنام تاني وهي حاسه بكسره ووجع في قلبها والدموع بتنزل تلقائي من عيونها
ومحمود يرن عليها وهي تقفل الفون وتعيط وتحضن المخده اكتر
سما بدموع .... ابعدو عني بقا مش عاوزة اكلم حد مش عاوزة اعرف حد اااااه يااارب انا محدش بيفضل جمبي ليه هو انا وحشه اوي كده كله بيبعد عني وصوت عياطها بقا عالي اكتر وانهارت من العياط وكملت كلام وهي بتشهق جامد حتي محمود كل مايقرب يبعد ليه بس انا انا مش وحشه والله يارب

""عند محمود في الفندق ""
كان متعصب وهو عمال يرن عليها كتير ومستنيها ترد بس كانت بتقفل فونها ومش بترد وصل لدرجه غضب وعصبيه كبيره
محمود بعصبيه ..... هي عاوزة تجنني مبتردش ليه دي وخبط بايده في الحيطه محسش بوجعها من عصبيته
... انا هكلم مامتها مش نافع كده
وطلع الموبيل ورن عليها مستني الرد

حنان .... السلام عليكم
محمود .... وعليكم السلام كنت حابب اسال حضرتك عن سما اصل برن عليها من فتره مبتردش
حنان .... كنت سيباها نايمه وخرجنا نعمل شوبينج وجايين
محمود ..... طب انا اسفه اني زعجت حضرتك هي نايمه من امتي
حنان ..... احنا نزلين من ربع ساعه
محمود وهو بيفكر .... اه ماشي واسف اوي علي الازعاج
حنان ..... ولا يهمك يادكتور هو كان في حاجه ؟!
محمود .... هاه لا اصل كنت جايب لها طلب
حنان .... ممكن ال room service يوصلوه لها لو مستعجل
محمود .... لا انا هبقي اوصله بقا وخلاص ... عن اذن حضرتك
حنان .... اوك يادكتور باي

قفلت حنان وهي بتفكر "" انا حاسه بحاجه من ناحيتهم هما الاتنين بس مش هضغط عليها انا هسيبها المرادي تشوف اللي هي عوزاه "
محمود قفل وهو اتعصب اكتر ....يعني هي نايمه من ربع ساعه وانا برن من بدري لا بقا انا هطلع لها انا مش قادر اكتر من كده