مشاعر متقلبه بقلمي سمسمه خالد

٢٣

البارت الثالت و العشرين (٢٣)
الاخير ج١

طلعت اسيل وهي بتضحك عشان تشوف اياد وراحت تخبط بس كان الباب مفتوح

""في نفس الوقت كان اياد بيفوق و سما لسه بتتحرك عشان تفوق وحاسين بصداع رهيب
اياد بيفتح عيونه براحه بس شاف سما جمبه
اياد بصدمه .... سما سما قوومي ايه اللي جابك هنا انطقي

اسيل بصدمه والكلام بيطلع بالعافيه منها ....ااا اياد
سما كانت ابتدت تفتح عيونها وشافت اياد بالمنظر ده قدمها واسيل اللي عيونها كلها دموع ومبتتكلمش
سما .... ااايه اللي حصل
اسيل بعيون مليانه دموع ونظره بارده والكلام بيطلع براحه كأنها شارده في منظرهم وبتتخيل ياتري حصل ايه ..... انا اللي بسالكم ايه اللي حصل ... لو انتو عاوزين بعض دخلتوني وسطكم ليه .... ليه تأذوني كده انا اذيتكم في ايه
سما قامت ولفت نفسها بملايه .... اسيل اسمعيني بس والله ده لعبه علينا
اسيل بضحكه وجع ..... ههههههه لعبه علينا !!! ولا لعبه عليا انا ؟؟
اياد وقف قدمها بيحاول يفهمها .... اسيل اسمعيني انا محبتش حد غيرك انا مخونتكيش وعمري ما افكر ابص لحد غيرك فكري بس في اللي حصل ده انا لسه طالع هنا
اسيل بتحط اديها علي ودنها..... متتكلمش مش عاوزة اسمع صوووتك ابعد عني بقا ابعد
اياد قرب عشان يحضنها يحاول يفهمها بس هي زقته بعيد عنها مقدرتش تحركه من مكانه بس هي انهارت في العياط اكتر واكتر
اسيل .... ابعدووو عني حرام عليكم ... وهي بتبص ع اياد ...انا كنت حبيتك والله العظيم حبيتك ليه تكسرني كده اذيتك في ايه بس فهمني و صوت شهقاتها بتطلع
اسيل وهي بتبص لسما اللي كانت منهاره هي كمان .... وانتي يا اختي يا حبيبتي اذيتك في ايه انتي ولا اه صح كنتي بتنتقمي عشان هو حبني صح؟
كنتي قووولي بس قولي انك عوزاه مكنتش هقرب لكم كنت هبعد عنكم خالص كنت هبعد خااالص وعمري ماكنت هفكر اذيكي
سما وهي بتعيط بانهيار.... انا مفكرتش كده يا اسيل انتي اختي والله اقسم بالله دي لعبه
اسيل بصت لها وصقفت باديها ..... برااافو برافو عاجبني تمثيلك اوي بجد عجبني اختك انا صح ؟
هو انا لو اختك كنتي هتعملي فيا كده هههههههه انتي بتضحكيني اوي
وبصت لاياد ..... اما انت يا بشمهندس انت خلاص مت بنسبالي مبقتش موجود
اياد ... متقوليش كده يا اسيل بالله عليكي
أسيل...... هششش انت خلاص مش فارق معايا والفتره دي هعتبرني معشتهاش .... اما دلوقتي بقا انا عوزاك تطلقني حالا
اياد..... انا عمري ماهطلقك انتي مراتي وحياتي
اسيل ... انا مشوفتش بجاحه كده في حياتي يا اخي .... انا بكرهككككك مش عوزاك مش طيقاااك طلقني بقولك
سما ...... يا اسيل اياد بيحبك اسمعي بس الحكايه
اسيل ..... هههههههه نكته حلوة بس ماعلينا ..... بقولك طلقني لو عندك ذره كرامه طلقني
اياد .... بالله عليكي افهميني
اسيل بدموع .... بالله عليك انت كفايه وجع فيا كفااايه انا حاسه اني بموت كفايه بقا وطلقني
اياد كان حاسس فعلا بيها كان قلبه بينزف وهو شايفها بالحاله دي وكمان هو السبب الوجع بتاعه مضاعف ... انتي طالق
اسيل دمعه نزلت من عيونها ومسحتها باديها وابتسمت ..... شكرا اوي من النهارده مش عاوزة اشوفكم وهي بتشاور عليهم
وخرجت بسرعه من الاوضه خرجت تتنفس بقوة كأن مكنش فيه اكسجين جوة كأن كل الهوا اللي جواها خلص خرجت من الفندق كله وهي بتموت من الوجع من الكسره من الخيانه خيانه اقرب اتنين ليها شهقاتها و دموعها كانو قليلين بنسبه لدموع قلبها ايوة حبته حبته اكتر من نفسها اكتر من اي حاجه وكل ما كان الحب كبير كل ما كان الوجع اكبر
اسيل ..... ياااااارب انا موجوعه اووووي يااارب ""ربي لا اسألك رد القضاء لكني اسألك اللطف فيه ""
يااارب مش مستحمله الوجع
وطلعت موبيلها تكلم باباها في الحفله ....
محسن .... ايوة ياسيلو
اسيل بانهيار .... بابا
محسن بخضه من صوتها .... اسيل مالك ياحبيبتي مالك
اسيل مش قادره تتكلم الكلام مش عاوز يطلع مابين شهقاتها .... بابااا
محسن .... طب متتكلميش اهدي قوليلي انتي فين بس
وفجأه اسيل صرخت .... بااباااا والموبيل فصل وحصل كل حاجه بسرعه شخصين خدو اسيل وخدروها ومشيو في العربيه ....

""عند اياد و سما بعد ماخرجت اسيل اخدت سما فستانها بسرعه وجريت علي الحمام عشان تلبسه و اياد اخد بدلته ولبسها ونزل بسرعه ...
وفي الوقت ده كان والد اسيل بيدور علي اياد وشافه وهو بينزل علي السلم وجري مسكه من قميصه
محسن وهو ماسك اياد من قميصه وبيشده..... فين اسيل ؟! فين الامانه اللي سلمتهالك !!
اياد وهو بيبص للارض بخجل و مقدرش يرد عليه
محسن وهو بيزقه .... لو اسيل حصلها حاجه مش هيكفيني موتك اقسم بالله هخليك تكره نفسك لو بنتي حد لمس منها شعره
انا هروح ادور علي بنتي و بحزرك تلاقي بنتي احسنلك عشان مش ضامن لو ملقتهاش هعمل فيك ايه

اياد كان خلاص فاضل له ذره وينهار بيحاول يظهر انه قوي
محمود جاله ..... اياد فهمني في ايه " محمود مكنش موجود في الحفله مكنش لسه جه بس شاف اللي بيعمله والد اسيل ومنظر اياد "
اياد بص له ومش قادر يتكلم .....
محمود ..... اياد فهمني خلينا نلاقي اسيل
اياد.... اسيل ضاعت مني يامحمود انا ضيعتها من ايدي هي بعدت عني مش عوزاني مش عاوزة تشوفني
محمود..... يابني اسيل بتحبك اوي هي تلاقي زعلت منك بس لكن متقدرش تبعد عنك
اياد وهو خلاص مش متحمل .... مش قادر يامحمود هموت انا مش هسكت هدور عليها

سما كانت نازله هي كمان وبتعيط ومكسوفه تبص لاياد
محمود.... سما انتي بتعيطي ليه !! انتو ايه اللي حصلكم مره واحده
سما كانت خايفه ليكون اياد حكاله اللي حصل .... هي اسيل انت مشوفتهاش ؟
محمود.... لا بس والدها كان بيزعق
اياد وهو شارد في نقطه معينه.... انا هقلب الدنيا كلها عليها
سما بحرج ..... كلنا هندور عليها يا اياد انا هفهمها كل حاجه
اياد بحده .... ممكن تبعدي عننا خالص انتي السبب في كل حاجه يا شيخه اتقي الله
محمود كان مستغرب اللي اياد بيقوله بس عذره عشان اللي هو فيه ومش فاهم

سما بدموع ..... والله ماكنت اعرف متظلمنيش
اياد بصوت مرتفع.... مظلمكيش !! ده انتي دمرتي حياتي حرام عليكي افتكرتك فعلا بتحبي اسيل وبتتمني الخير لينا عملنالك ايه احنا انا كل جزاتي اني حبيتها وانتي لو كنت كملت معاكي كنت هظلمك وهظلم نفسي وانتي عارفه ان انا وانتي محبناش بعض القلب مبيبقاش بأدينا
محمود بهدوء .... اهدي يا اياد خلينا نفكر مينفعش عصبيتك دي
اياد بعصبيه اكتر .... اهدي ازاي وانا مراتي مش عارف هي عامله ايه دلوقت

محمود بعصبيه .... اياد انا ساكت عشان الموقف اللي انت فيه بس متنساش دي مراتي اللي بتزعق ليها
اياد..... هه مراتك !! مراتك اللي دمرتني
وهو بيبص لسما .... الحمد لله اني مرتبطش بيكي ومنخدعتش فيكي وظهرتي علي حقيقتك
محمود ..... انت قصدك ايه وبتكلمها كده ليه
اياد.... انا ماشي خالص ... مراتك عندك خليها تفهمك هي وتشرحلك انا هدور علي مراتي عن اذنك ...

يتبع الجزء التاني من الحلقه