مشاعر متقلبه بقلمي سمسمه خالد

٢٠

البارت العشرين 🌸🌷

"مشاعر متقلبه"
""بقلمي سمسمه خالد ""

قرب ليها ونزل علي ركبته ومسك ايدها وطلع لها خاتم من الالماس وبصلها ....
اسيل انا مش هقول بحبك انا عديت المرحله دي انا بعشقك انا مقدرش اكمل حياتي من غيرك عشان مشوفتكيش طول النهار كنت حاسس اني بتحرك زي الانسان الالي اللي مفيهوش روح وروحي كانت بعيده عني انا بعشق كل تفاصيلك
اسيل كانت هتتكلم بس اياد خلاها تسكت
اياد .... تقبلي تكوني مراتي ونصي التاني نصي الحلو نصي اللي دايما بحتاجه اللي خلت لحياتي معني تقبلي تتجوزيني تجوزي واحد مجنون ومهووس بيكي وبيغير عليكي بجنون
اسيل ...وهي الدموع في عنيها....... انا مش مصدقه هو انت قدامي بجد !! انت عملت ده كله عشاني ؟ يعني كنت فاكر عيد ميلادي
اياد ...وهو لسه نازل ع ركبته وبيبص لها بحب وهي واقفه قدامه .....بنسبه اني فاكر عيد ميلادك عمري مانسي اليوم اللي انتي جيتي فيه للدنيا لازم افتكره اما بنسبه لعملت ده كله عشانك لا انا عملته عشاني صراحه عشان كنت متاكد هشوف الفرحه دي ف عيونك وانا هبقي اسعد واحد اما اشوفك مبسوطه انتي اغلي حاجه في حياتي فاكره اول يوم بقينا صحاب وقولتيلي عيد ميلادي كمان كام يوم هتم ال ٢٦ من ساعتها وانا معرفش حصلي ايه كان لازم اعرف اليوم اللي نورتي فيه الدنيا عشان تنوري حياتي اما بقا مش مصدقه اني قدامك فأنا هخليكي تصدقي المهم عاوزة اسمع منك موافقه لان معندكيش اختيار تاني ياموافقه ياموافقه!!

اسيل الدموع بتلمع في عيونها والناس كلها وصحابها واقفين بعيد شويه عنهم
واحده من المعازيم.... هاه ياسيلو وافقي
واحده تانيه من امريكا .... هيا يا فتاه اجيبي ب اجل
واحده تانيه .... يابت الواد مز لازم توافقي بدل ما اخطفو منك
اياد وهو بيبصلها وهو في عنيه ترجي بحب ..... هاه ياقلبي جاوبيني

اسيل هزت رأسها بالموافقه

اياد وقف بسرعه لبسها الخاتم وباس اديها ..... يااااه ياشيخه لقد هرمنا من اجل هذه اللحظه ههههههه

اسيل وهي بتضحك ..... ههههههه انت مجنون

اياد ..... والله انا مجنون بيكي انتي جننتيني بس دلوقت تعالي معايا
اسيل .... اجي فين

مسك ايدها وخدها لعند باباها والمأذون هي كانت متفاجئه من اللي بيحصل متأكده انها في حلم
اسيل وهي بتبص لباباها ..... بابي هو اللي بيحصل بجد
محسن ..... معرفش انك هتكوني مبسوطه كده طلع اياد عرفك اكتر مني
اسيل باستغراب .... ليه
محسن.... اصل قال انك هتفرحي اوي ومعرفش انك بتحبيه اوي كده
اسيل .... احمم لا مش مش بحبه
محسن.... هنشوف الموضوع ده بعد كتب الكتاب ولا انتي رافضه
اسيل باندفاع .... لااا موافقه
اياد و محسن ...... ههههههههههه
اسيل وهي بتلوي بؤقها زي الاطفال ..... بتضحكو عليا
محسن..... ههههه لا اصل عامله فيها تقيله
اياد ..... يلا ياعمي نكتب الكتاب ... وبص للمأذون ....يلا ياعم الشيخ
محسن .... انتو مجانين انتو الاتنين واتحرك محسن
وقرب اياد ليها وهي لسه واقفه وهمس في ودنها .... متعمليش الحركه دي تاني عشان مش عارف هقدر اقاوم ولا لا
اسيل بغباء .... تقاوم ايه
اياد بخبث .... هكتب الكتاب واقولك 😉