اسقني حبك

اسقني حبك ج3

- سلام ...ها فرح وين رحتي الوووووو الووووو ...
- فرح (سما)... ها ها وياك وياك بس صفنت شوية صار احاول اجيبلكم رقمها وانتو شرحولها ظروف الولد احسن ..
- سلام .. اوكي يعني باجر تحصلينا رقمها ...
- فرح .. صار ان شاءالله...
- سلام ...اوكي بسلامة...
-فرح ... باااي ...ياربي شراح اسوي النوبة قرية لو هنا جان كلت ميخالف بس بلناصرية عزة اني اريد افر العالم كله وهو يحصرني بلناصرية لا فدوة خليني خليني مجطلة وية سلام بلكي الله هذاك يحل عني شلون ورطة ياربي.....

- سروة.... ثاني يوم داومنا بس مشفتهم الحمدلله وصلني ابوية ورجع شفت سما كاعدة وصافنة هاحبي صباح الخير...
- سما .. لج هلو سروة شلونج ...
- سروة .. الحمدلله شبيج شكو ....
- سما .. اسكتي سروة صار بيه فلم شلون احله ماعرف ....
- سروة .. شكو شصار ليش تحجي عاااد .... ووووو خرطتلي كلشي عزة بعينج شفتي اكعدي واسكتي يمعودة شدسوين بروحج ولج انتي متعرفيهم حتورطين روحج ....
- سما .. يعني اكلج نحلها وانتي كل شوية تهبطيني كافي سروة لخاطر الله اني بياحال الكيلي حل ...
- سروة .. لج ياحل انتي شجلبتي حتخليهم يتمالخون غيري رقمج واكطعي علاقتج بيهم وكافي عاد لهنا ادري انتي متخافين من اهلج يعرفون ...
- سما .. اكللها تي تكلي بي اكللها اني اريد اخلص من حياتي وياهم اني عايشة بفكر اريد اخلص وهذا تميم خرب كل مخططاتي شلون ولج عيني حليها وياية الكيلي حل سروة راح اتخبل من البارحة بس ردت اداوم حتى اسولفلج ...
- سروة .. سما اني اخاف من هاي السوالف عفية ماعرف شلون متحملة انتي ....
- سما .. اوووف سروة شكد سلبية ...
- سروة .. سلبية سلبية ولا اسوي مصايب تهد حيل اهلي ولج خافي على ابوج على امج على اخوتج اذا عرفوا ..
- سروة .. شراح يعرفهم كلمن حاير بروحه وبجهاله محد حاط باله لايمي ولا يم خواتي ولا حتى ابوية وامي دعوفيني فدوة اروحلج سروة خليني اني الكا حل لروحي .....
- سروة .. ولج يا حل غير تفهميني شراح تسويين..
- سما .. الج الصافي كومي كافي الاصطفاف هم خلص ..
- سروة ... دخلنا كملنا الدروس كلها ودنطلع الحمدلله هم مشفتهم وبعد مفتحت موضوع وية سما مر جم يوم بعد مشفته لهذا الولد الي اسمه سلام ابوية يوصلني واني ارجع وحدي لحد ما فديوم برجعتي دامشي وطبكت يمي سيارة واني رجليه صارن جروخ واركض ...
- سلام .. دوكفي يمعودة بس احجي وياج كلمتين وروحي ما اأخرج ..
- سروة.. اني ولا وكفت وكلبي يرجف من الخوف عبالك مسوية جريمة صعد سيارته وكام يمشي وياية ويحجي ...
- سلام .. ولج والله رايدج بلحلال ومن يوم الي شفتج سبيتيني ولج الليل كله مدانامه يمعودة شبيج بس اوكفي دحجي وياج تالي بس اريد اعرف رأيج اذا تقبلين ادز اهلي ...
- سروة ..وصلت للمدرسة وكبل طبيت اركض امي شافتني سولفتلها ...
- امي .. يبو اسم الله عليج بنيتي خيولي هسة يجي ابوج واكله كافي حبيبتي لتخافين ..
من صدك خفت ماعرف العيب بتربيتي لو بلزمن من كلشي اخاف خو اذا شفت ولد تعتبر من المحرمات اخاف يسويلي شي بنظري ماكو ولد نيته صافية وهذا الي جان يخوفني اي نظرة منهم احسها طمع ويريد مني شي وجنت انحط بمواقف سخيفة ومجنت اكدر اتعامل وية ولد حتى ابو محل اخلي لو اخوتي لو صديقتي لو امي الي تحجي ماعرف احجي كلمتين ع بعضهن وهذا الي جان يخليني بنظر صديقاتي جباانة....