انداريت واشوفه كبالي رأسن بلعت لسانها ..
-سروة .. لو اني لو بت عمك اني رايحة لاهلي للاسف راح اخيرك اني يعجبني اعيش حياة مستقرة واريد اربي جهالي بدون صياح وعياط وفشار مال بنات شوارع طول عمري مسامعته وماكدر حتى ارد عليها .هيج نماذج ميشرفني يجمعنا سكف واحد اني يم ورضا يمك والحجية من تريدني بعيني اجيها ...هااا واي اعتذار من اي احد ممقبول نهائي ومااطلع لاحد انتي رجلي وانت بمكاني تكللهم ..
- الحجية .. لا باجر الولد يجوون ومايشوفج ..
- سروة .. يمة والله مو بيدي كدامج هوااااية سكتت بس لهنا وكافي وداعتج ع عيني ..
- بركات .. طلعة ماكو من البيت ...
وهي يمكن انجلطت ... جرها من ايدها لج انتي شنو من بشر شكد مداحاول امشيلج وشكد حجيت وياج حجايتي ليش تمسحيها بلحايط متخافيين من احد جم مرة كلت كلمة زايدة ناكصة ماريدج بعد جم مرة كلت تجاوز وصوت علي لسانج اكصة شفتي نفسج شحجيتي سمعتي روحج يعني الحجي ميوصلني مثلا لو يعجبج شهر وترجعين لاهلج شوفي يبت عمي قبل لا اتمم العرس كعدت وحجيت وياج حتى لا اكسر بختج وجان شفتي حياتج وية غيري كلتلج كلبي مو وياج ولا وية غيرج كلبي هاوي وعاشك محبوبته ولو تعلكين روحج مارايدج اني عمي ترجاني ولان بمثابة ابوية. اقبل بيج وراح تتغيرين ومتسمعين حجي امج وحتى بيوم العرس خابرني وكلي لتنزل راسي وليدي وولاخر لحظة اني مكسرتله حجاية بس اني الماتسمعلي حجاية متصيرلي مرة بعد .. حضري هدومج وانتظرج وحقوقج كلها توصلج وتبقين بت عمي ...
-فرحة .. لا بربك بركات مالي لازم بيها بعد عفية ماريد اطلع بعدني ممكملة شهر شكول لابوي ولاخوتي غير يصخموني ويعزوني ..
- بركات .. فرحة حضري نفسج ساعة اذا ممتحضرة تطلعين بلهدوم الي عليج ...مفكرتي بأبوج وباخوتج من كل فاينة تسويها ولا القبلها بس انتي بايعة لا محترمتني ولامحترمة اخوتج ولاابوج وهو شيخ يعني تنزلين راسه بتصرفاتج ..كومي يلة ماعندي وكت ناس تنتظرني ..
- سروة .. كومي يمة دامددج ..وهي تبجي ولا درتلها بال لان كل مرة افوتها هلمرة لا والله وعلواه تولي متجي بس وين قابل عمامه هيعوفوه يطلكها ..اخذها وداها وخلصت من جهرتها وسلمى ام المصايب ولا نزلت ..الحجية عرفت هي الي وصلتلها حجي ونزلتها صايرة اعصاب وكلتله صعد رزلها وهم وداها لاهلها ..مر اليوم عادي لليل عرفت اهلهن جايبيهن اثنينهن وعاند ومقبل فرحة ترجع وسلمى ترجع فوك وخيالها محد يشوفه جوة وموبايل انسحب منها واي طلعة ماكو النهار كله محبوسة فوك بس نرجس وصفاء ولمياء ودعاء يصعدلها ... فرحة حلف عليها متطب البيت بس عمامه مخلوه يطلكها وعيب بلعشيرة ابن عمها يطلكها قبل لتكمل شهر خلي وليدي وتنعدل وارجعلكياها .. .
يعني من المحتمل ترجع سهلة وسلمه اذا مااخلي ميباوع بجهرجهن هنة البدن يتحملن من ايدهن ....
ثاني يوم من الفجر طيارتهم توصل ديكوم ..
- بركات .. نامي حبيبة بعد وكت ..
- سروة .. لا كافي هم يلة نحضر البيت لجيتهم خطية ...
- بركات ..بعد ماوصيج سروة ..
- سروة .. عفية بركات شبيك فدوة همة حسبة اخوتي ...جان ديطلع اندار عليه ورجع كام يتقدم ..اكيد همة اخوتج بس اني من اخوتج اغار ومن ابوج اغار ..
- سروة .. ها سالمين ابو رضا وراك طلعة ...
- بركات .. بعد وكت وانتي الي جبتيها لروحج ..
- سروة .. مو بدلت وكشخت حرامات هدومك تتعقج ..
- بركات .. اي ادري خايفة ع هدومي ...
- سروة .. بس كون الله يحفظك اليه ولجهالك ابو فهودي ..
- بركات .. فدوة اروح لفهد وامه لبسي رضا الجينز والبدي الابيض الجبتلهيا البارحة ..
- سروة .. هههه صار عود مثلك يعني ...
- بركات .. رضا ابني وابن اخوي الله يرحمه..
- سروة ..الله يحفظك اله ياربي ماعرف بلياك شسوي ...
- بركات .. اني اكلج شتسوين ..
- سروة .. لافدوة روح وراك طريق ...باس راسي وطلع ..اني هم كمت ع البيت البنلت بدن يجن كلهن وسناء هم اجتي بس ولا عبالك اني موجودة ..بعد احسن واصلين مطار بغداد وبركات منتظرهم ببداية الناصرية ..اجوي والحجية طلعت قهر القضة والمضى ومبقت دمعة تعتب عليها ظلوا يحضنون ويبجوون هم وبركات عين عليهم وعين عليه ورضا يم رجلع ميعوفه ابد ..ظلوا يبوسون بأمهم اكثر من نص ساعة وبعدين كاموا يسلمون ع خواتهم ونرجسه والجهال كلهم لان يعرفوهم كلهم يخابرون ويتواصلون وياهم بكاميرا وبركات عرفهم عليه ..
- بركات .. ام رضا زوجتي ..
سلمو خطية ..بأدب مدنجين ..ها خوية شلونج ورضا شلونه ..سلمت عليهم بأختصار وطلعت للمطبخ ..وبدت العالم وعمامهم وولدهم تروح وتجي تسلم واني من المطبخ مطلعت حتى امي هم اجتي بس كاعدة يم الحجية واخوتي وابوية وية بركات طاير باخوته ..احمد وعبدالله علاقتهم ببركات كلش قوية .. وكلللش يحبهم فقرة الى درجة مو لان اخوتي بس تربية عازة والماكو وكل همهم يصيرون شي يرفعون راس ابوية الي اني مكدرت اسوي ...
للعصر الحجية دزت عليه رحتلها جانوا الزلم كلهم برة ..
- الحجية .. يمة انتي تعبانة طبي لغرفتج بعد لتطلعين ووصيت صفاء يجيبولج الاكل وصدك دخلت الغرفة مددت ظهري راح من الوكفة ورة ورة شوية بعدني مغافية اجني سناء وفرحة وسناء بصوت ناصي حتى محد يسمع كومي عيني مسعدة مو تكولين بيتي كومي لخطارج لو جايين احنة نخدمج ..
سويت روحي نايمة كلت تجعجع وتطلع جان تدفرني فرحة بظهري وسناء ابطني عبالك متفقات الظربة بنفس الوكت شاغت روحي كمزت خفت ع الي ابطني من شافتني لان جنت لابسة دشداشة فانيلا من اطلع كله جبة عريضة ولا خليت بطني تبين ...
-سناء .. عزة بعيني انتي حامل ..
- سروة .. اذا مخليته اليوم يسكطجن من صدك والوجع ديزيد ااااه خلي ذني الحثالات يفيدنج ..تتوسل والله مجنت ادري حامل ... سروة فدوة ..
- سروة .. وخري من وجهي شنو ارواح الناس عدكم لعبة طلعت اركض اريد صفاء ..شافتني اجتي تركض عزة العزاج سناء اليوم موتج ع ايد بركات وصارت هوسة شكبرها ..لان صار عندي نزيف جنت بداية السابع .اجة ركات يركض طبب السيارة يم باب المطبخ .طلعت واني الخوف موتني لا يصير شي بلولد علما وصلت للمستشفى اني مشاهدة امي وياية وصفاء ولمياء واحمد وعبدالله حتى ابوية اجة .بركات يريد يعرف شنو الي صار وصفاء كل شوية تكله مو وكتها بعدين احجيلك كام يعيط وصفاء مجاوبته دخلوني طوارئ عبالهم ولادة من شافتني الطبيبة نزف فحصتني عرفت بلسابع ماما حالتج خطرة خواية فقدتي دم ..
- سروة .. عفية والطفل ..
- الدكتورة .. نولدج قيصرية مو زين عليكم اثنينكم ويبقى بلخدج ..
- بركات ..من عرفت عدها نزيف توقعت تعبت نفسها بس من عرفت سناء وفرحة ضارباتها تخبلت .يعني شنو من صلافة مع الاسف اختي ومرتي ابد ممتربايات شوي واجوي معمر ومقداد وحتى عمي الشيح هم اجة ومن عرف بلسالفة عافنا وطلع...
الدكتورة ..عيني لازم توقعلي ع تعهد الام والطفل حالتهم خطرة لازم ولادة قيصرية لنفقدهم اثنينهم ..
بركات... صدك طلعت الدنيا من عيني دكتورة اهم شي عندي زوجتي ..
- الدكتورة... اطمئن سيطرنا ع النزيف لس مو زين ع الطفل وقعت وساعة وربع يلة طلعت ..
- الدكتورة .. الحمدلله سيطرنا ع الوضع والطفل الحمدلله لحكتو جان بعد بي نبض بس لازم بلخدج لان كلش صغير يعني بعدله شهرين يلة يجي ..
- بركات .. تسلمين دكتورة ربي يحفظج ويبارك بيج ..
- الدكتورة .. وماشاءالله النونو يخبل ماشاءالله مدبدب وابيض طالع وشعره حبيبي عبالك باروكة .
يتبع. ..
انتظروني باجر ان شاء الله مع البارت الاخير
أنت تقرأ
اسقني حبك
Romanceكنت امشي في طريق اردته لنفسي...... لكن القدر دلني على اخر لم يكن امامي ...... انا اريد وانت تريد والله يفعل مايريد .....❤💙
