اسقني حبك

اسقني حبك ج 2

مر يوميين ومن داريد اطلع حتى ابوية يوصلني واشوف نفس الولد ابو البلكونة واكف ويبتسم انتبهت عليه هو واحد من الولد الي جانو يباعون ع سما ابوية معرفه لان عيونة سودة عليه متعينه وممركز بشكله سكتت عدينا ورحنا طبيت للمدرسة واني رجلي ترجف اول مرة امر بهيج موقف تلكتني سما ....
- خيرج حبي شبيج اشو وجهج اصفر ...
حجيلتلها كلشي ....
- زين انتي تعرفي ....
- شايفة شكله وية الي يوكفون بس ممركزة لج عفية شلون ....
- وشكو خايفة شراح يكدر يسوي لتخافين ولج واذا عجبج جطلي وياه ....
- ظليت صافنة عليها ويامن اجطل شبيج سما ....
- داشاقة وياج ادري هاي السوالف عدج خط احمر ...
- اي حبابة بعد لتتشاقين وياية بهيج سوالف ترة الموضوع من صدك يربكني  ...
- اسكتي اني غير جطلت وية واحد من هذولة اليوكفون .....
- هااااا....
- اي والله شبيج بس هو ميعرفني ولا شايفني بلكي اوكعه ويخطبني لج عيني من خابرني رجلي ترجف ...
- وانتي تصدكين سما لج بابا هذولة والله يضحكون ع البنات ويكضون براسهن وكت ولج ورانا سادس عوفج من هلخرابيط ...
- ولج ياخرابيط متدرين حالتهم توب وابوه يكدر يشتري المدرسة الي انتو كاعدين بيها ويشتري المنطقة كلها اكلج تدرين هو بيتهم قريب منا ابوه عنده مصنع ومحلات وهو الصغير طالب كليه هندسة والثاني صاحبه هم هندسة كون هو يقبل بيه خليني فدوة سروة مجلبه بي بلكي الله ويصير من نصيبي وهذا صديقه دجطلي وياه بس لو تنزعين البوشي والعباية والله كتلتيني جان تجطلين احلى واحد من يشوفوج ينهزمون من ورة عباتج ......
- فدوة عفتهم كلهم الج ....
- شبيج سروة والله احجي صدك....
- عفية ليش متسكتين اني بياحال اني قهري بقرايتي اريد اطلع معدل بي خير وشوفي انتي شلون تفكرين......
- ولج والله ذولة طاكين تدرين شلون ينتشلوج انتي واهلج من المدرسة وترتاحون بعد.....
- فدوة لتلهيني بهاي سوالفج عوفيني بحالي.....
- ظلي ظلي فكرية والله ميصير براسج خير من تضلين هلكد خوافة ......
- سما رجاءا سدي الموضوع شلحيتي عاد عفت الخير كله الج..... صدك ضوجتني اني سودة عليه ابوية حاير بعيشتنا واني اطمس راسة بلطين من ورة هلمكسرات يمة اسم الله دوووم راسه يضل مرفوع ع الاقل بتربيتنا .....
- سروة هيه سروة وين رحتي ....
- وياج يعني وين اروح .....
- تدرين الي جان يباوع عليه مو هذا الي شمرتله رقمي .....
- عززززة انتي شمرتيلة....
-  اي شبيج شمرته بسيارته لان اعرف بت خاله وهي ذبته بسيارته شبيج البنات كلها يشتغلن بس انتي ملتهية بعبايتج دعوفينا خلي اكملج شوفي همة اثنين تميم وسلام اني عاجبني سلام كلش وذبيتله رقمي وخابرني بس تميم بس يباوع اعتقد اني عاجبته بس ميفيدني الي اعرفه احسن هذا سلام كلشي عرفت عنه شوفي بصراحة اني تحارشت بي وجبت رقمه وظليت ادزلة مسجات وبعدين هو خابرني وخليته يعترفلي لان اسبوع اني شامرة رقمه بسيارته مخابرني جان لازم اتصرف لان لج ذني العكارب يلكفنه وهو واكف اباب المدرسة يومية بس هو الى هسة مشايفني ويتوسل بيه مداقبل لان خاف يعرف صديقه تميم اني معجبه بسلام واخاف اخسرهم اثنينهم اتاكد يلة بلكي اخلص من تميم ويفرغلي سلومتي ..... شبيج صفنتي
- عزة سما اشو فجأة خرفيتي ظليتي تركضين ورة الولد ....
- اريد اخلص من الفكر العايشين بي بلكي الله واحد منهم يصير من نصيبي والاحسن سلام لان كلش حبيته خبلني مداكدر مافكر بي ولج حتى قرايتي هملتها اذا خطبني شسوي بلقراية بيه حيل بعد راح يعيشني عيشة ملوك ميهمني بعد لاقراية ولاكلية واهلي متعاجزين من ارواحهم اني متأكدة ينطوني كبل بس يخطبني ....
- لج هسة تدرين دوختيني مجنت اعرف لهلدرجة انتي واكعة سوالفج سطرتني سما راح تضيعين مستقبلج بتفكيرج هذا وين راح طموحنا ندخل كلية سوة ....
- لا سروة اريد اختصر طريقي لان هلكت مابيه بعد بلكوة امشي يومي واكول بلكي باجر احسن كلشي يعجبني
مثل البنات الى متى نقصر بكلشي علمود الدراسة فدوة شراح نستفاد من هلشهادة الكشرة خليني عفية اريد اطلع اطب اسافر البس كلشي حصرة عليه ....
- ولج خاف يضحك عليج شدسوين بروحج سلمي ع نفسج لتروحين تضيعين المشيتين ....
- لا والله اني قررت وداقرة قابل بطلت بس همي سلام شلون اوكعه واخلي يخطبني ...
وصلت للبيت وسما دوختني ليش هيج قررت تحطم مستقبلها واحنة ورانا سادس مبقالنا شي..يلة هي تصفى رجعت للبيت لكيت ابوية بلساحة ديلملم بعد المدرسات والمديرة مطالعين دخلت غسلت وبدلت انتظرت اخوتي يجون حتى اذا الكل طلع اروح انظف وية امي ورة ربع ساعة طبت امي ...
- العصر بنيتي نكوم انظف ارتاحي حبيبتي كمت نظفت غرفتنا وصبيت كعدنا نتغدة واني اضرب صفنات بسما كمت لملمت وكعدت اقرة يم الشباج ولمحت نفس الولد الظاهر هذا بيتهم ياربي شراح يخلصني النوبة سما شلون ....