اسقني حبك

اسقني حبك ج23

شكو يمعودة شبيج غفيتي ...
- سروة .. ماعرف شصار بيه دخت والله ..
-بركات .. ولج شمسويلج ودختي ... اشو بلة ويشمشم بشعري ...
- سروة .. عفية بركات خليني اكعد راح اوكع والله مداأحس برجلي ...
-بركات .. دقيقة واني وين رحت لتخافين ماخليج توكعين ...
-سروة.. حجيه همس سطرني .. هو انتي الي وكعتني بهاي سوالفك ورجع حط راسه بركبتي واني مغمضة اول شعور بلحب بحياتي ممجربته يمكن لان ممجربته لو لان وية بركات الحلم الي تمنيته وصار .. وخر بس ظل لازمني ...
- بركات .. ها ياكلب بركات ولج فصعونة شسويتي بيه اخذتي وصار ملكج ...
- سروة .. ابتسمت واني مغمضة .واستاهله مو ..
- بركات .. منو هاي المتستاهل ولج العمر الي جاي كله انتي الراح ماحسبه من عمري انتي وين جنتي عني كافي عاد ولج الزمي نفسج اريد اروح جاي من سفر ولو التعب كله راح ..
- سروة .. دتعال خلي افركلك ..
- بركات .. اويلي يابة كافي ولج خليني اطلع اريد اروح اسبح وعمي منتظرني ...
- سروة .. شنو مو جنت يمهم واكيد شفت هاي العكروكة فرحة ...
- بركات .. هههههه اويلي بدت الغيرة اولا يابعد عيون بركات رحت صحيح بس مشفت احد وحتى لو شايفها ماكو غيرج بلعمر كله وثانيا هسة عدنا طلابة وعمي رايدني وياه ...
- سروة.. مو دائما اسمع ع اساس هي الك ... فدوة اذا اخذتها لهاي السحلية اموت بركات ...
- بركات .. هههههه ولج كافي تشبيهاتج واسم الله عليج ياعمري وثم يا فرحة ياحزنة ملكتي وداعتج وراح بعد مابيه مكان قبطته حبيبتي الدبدوبة باسني من راسي وطلع ...
شمرت روحي ع الجرباية ممصدكة الي صار هسة ياربي بحلم اني لو بعلم بركات صار اليه فدوة لعينه شلون عيون ياربي احفظه وديملي هلفرحة ماريدها تتعكر لان كلشي ولا بركات ولو اعرف حظي وفرحة واختها وسناء ميسكتن ويعوفني بحالي مستكويات باهلهن ...طلعت لكيت البنات والحجية كاعدات واني حلكي مفشوك مبين عليه ..لمياء هاي الفترة كلها تجهز وحددوا عرسها بعد شهر والتهينا بيها مر يومين ومن الصبح كاعدين ع الريوك خابروا ع بركات جايين عليه خطار من بغداد اني مدنجة على غفلة كال اثنين صدقان تميم ... يمة بطني راسن عكرتني ..
- الحجية ... يا يمة منو ذول ...
- بركات .. صدكان تميم يوم جايين من بغداد ..
- الحجية ...جم واحد وليدي ..
- بركات .. اثنين يمة طارق الي اجة بفاتحة المرحوم والثاني سلام ...
-سروة .. يبوووو عليج ياسروة رجلي ماتن من الخوف ياربي صدك جذب ...
- الحجية .. اي يمة عمك مو بلديوان ...
-بركات .. اي يمة وغانم وراضي مطببيهم ودينتظروني هسة ...يكلي استعجل اكيد يبقوون ع غدة حضروا غدة زين وكام طلع ... سلمى راسن فلتت حتي متبتلش بلغدة لمياء ونرجس هم طلعن لدوامهن خطوطهن واكفة واني بال ماعندي اركز بشي .. باوعت ع الجية ...يمة اني خايفة ...
- الحجية اسم الله ليش يبعد امج ..
- سروة .. هذا سلام صديق تميم الله يرحمه تعرفي..
- الحجية .. وشنو يعني بنيتي قسمة ومصارت عليش هلكد خايفة ...
- سروة .. ادري شعندة جاي شكد لزكة بوكتها ابوية كلش تأذة من وراه لان كل يوم جاي ولازك ...
- الحجية .. لتخافين يمة اني موجودة وافهم بركات قابل شنو الي يريد يصير ..
- سروة .. دزينا ع هاي المرة اجتي وياية كمنا ع الغدة والبيت ساعتين واجة واحد من الولد كللها للحجية الولد راحوا لتسوون غدة ..عفت الغدة المرة تكمله وركضت يم خالة ..هسة اكيد يطب مادري ليش هلكد خايفة اني قابل شمسوية هي المصايب تركض وراية ..
- الحجية .. هايمة ...
-سروة .. ام سلمان راح تكمل الغدة واني رجلي مدتشيلني ..
- الحجية .. ليش بنيتي ليش هلكد تخافين تعاي يمي كعدت يمها... دانتظر العاصفة شوكت تطب ..نزلت سلمى متحضرة دتروح لاهلها...
- سلمى .. خالة اني كلت لبركات راح اروح لبيت اهلي ..
- الحجية .. روحي ولي عساج لا رديتي واني شعليه ..
كلبت وجهها وطلعت .. واني بطني دتلويني ايييه شوكت يجي عاد دا اخلص من هلتوتر شوية وطب رضا جريته حبيبي وينة بابا ...
- رضا .. بابا وراية اجة ..
-سروة .. يمة أفادي .جاك الموت ..
- الحجية .. كافي ولج صيرية قوية وانة بظهرج ..طب وعيونه طالعة صايرة نار بهلاثناء طبت لمياء مجان عدها محاظرات واجتي من وكت ..
- بركات .. تعاي لمياء اخذي رضا وروحي ...
- سروة .. لمياء مستغربة ... شكو .. واني اأشرلها مادري ..
- بركات .. سروة كومي وراية ...
-الحجية .. لايمة بركات تعال احجي كدامي ..
- بركات .. لا يمة رايدها بموضوع ..
- الحجية .. اني اعرف شرايد منها تعال احجي كدامي ... هااا مستغرب اكعد وليدي واحجي العدك ..
راح سد الباب ورجع ...
- بركات .. سروة سلام منو... اني دنجت .. يعني اكو قصة واني مثل الاطرش بلزفة مو ..
- سروة .. لا والله مو هيج ..
- بركات .. لعد شنو وعياطه واصل للشارع خرسني كمت ماعرف اجاوبه من هلكد ماصوته عالي شكله تغيير ماعرفته بلحظتها ولا عبالك هو جان لابس دشداشةسودة فك ردانه وكفهن ...اني اباوع عليه مبقت عظمة مطكت من الخوف كلت راح اكل طبنه مال اوادم ..عاد خالة كلتله ...
- الحجية اذا متهده وتحترمني اني كاعدة اثنينة منحجي ...
-بركات .. ليش يمة انتي هم تعرفين ..
- الحجية .. ايي وليدي تميم كلش حجالي من قبل ليخطب سروة ..
- بركات .. ها وتميم هم يعرف ..
- الحجية ... اي يعرف ...
- سروة .. اني عيني ع خالة ودموعي بهيج مواقف هي الي تعبر عن حالتي ... اندار عليه ..
- بركات .. وانتي ..
- سروة .. اني شنو ..بركات فدوة شتريد تعرف احجيلك بس اهدة ماكو داعي لهذا الانفعال ..
- بركات ..اي حقج ماكو داعي للانفعال من يجيني واحد ويخطب مني مرتي ماكو داعي مو من يكلي اني جنت رايدها قبل تميم من يكلي رحت وتغربت لعيونها من يكلي عفت اهلي وناسي وكليتي من وراها ..
سروة...عزة بعينك سلام شخارط هذا بقة بس شعر بيه مكال .. كام وعيونه صايرة شرار ومخنزر خنزورة خلتني ابلع لساني ..
- سروة .. فدوة لتباوعلي هيج والله راح يصير بيه سكتة من الخوف .. هو جان بلمنطقة اني جنت اروح وارجع للمدرسة بعباية وبوشي .بس مرة كاعدة بلساحة مال مدرسة ع مصطبة رفعت راسي ولكيته واكف ببلكونة بيتهم ويباوع عليه ..طبعا هو كعد ويدخن ومدنج حتى الكطوف شمرهن جوة رجله بغرفة الحجية ... اني رأسن كمزت طبيت جوة وكلت لابويةوبعد ابد مكعدت بلساحة وراها كام يلحكني للمدرسة من اروح ومن ارجع ابوية جان يوديني واني جنت وحدي ارجع بس من بدة يلحكني ابوية كام يرجعني لان اني كلشي احجيلهم لاهلي وحجة وية ابوية وطلبني منه بس ابوية مقبل لان ابوية رادني اكمل دراسة وبعدين امه اجتي سوت هوسة بنص المدرسة علمود ابنها و ابوية قفل عليه قررنا نشيل من المدرسة بس ابوية مريض وميتحمل شغل واخوتي جانو صغار واحنةارتاحينا بلمدرسة لان يعني ايجار ماكو وشغل لامي ولابوية ومدرستي قريبة وبمنطقة زينة والمديرة والمعلمات جانوا زينين ويانة .. طبعا احجي وابجي لان ذكرني بكل الي راح ... فقنعت ابوية لينطيهم مجال وانتهى الموضوع .. طبعا هو ولا شال راسه يمكن دخن 10 جكارات ..
وخالة كل شوية تكله كافي ابني اهده ... وهو ساكت ... طبعا هو مبطل يومية يجي لابوية ويتوسل بيهم بس محد نطا مجال فترة انكطع وكام ميجي وراها اجة تميم وطلبني لان الله يرحمه سامع انو هذا ناوي يعني ..يعني يكسر عين ابوية وياخذني غصب عنهم وعن اهله لان هم جانو مراضين وحتى ليسوون هيجي تميم طلبني وابوية اضطر يوافق وتزوجت تميم وانتهت لهنا السالفة وهذا مشفته بعد والله ...بركات اني ممسوية شي غلط ولا تجاوزت ولا قللت احترام ابوية ومن البداية جان شكد يلحكني حتى للسوك من اطلع وية امي ولاجنت اجاوبه جاب رقمي ماعرف منين وكومة كام يخابر كسرت خطي واجتي الامتحانات ابوي يوديني ويجيبني لحد ماصارت القسمة وية تميم وبعلم خالة كلشي اني تربية وتعب وشيبات ابوية كدامي ماكدرت اخونه بيوم واقلل احترامه وبعده تميم الله يرحمه .. وهسة انت يابعد عيني بركات انت عمري الي جاي لتضيعني وتضيع نفسك ولارفع راسة ...
- بركات .. شكد سهل الموضوع حليتي...
-الحجية ..كومي يمة سروة لابنج وعوفينا وحيدنا ..
طلعت واني عيني عليه ..
- بركات .. من بعد ماعرفت مشاعرها وانو هي هم رايدتني ملكت الدنيا وعرفت ممغصوبة حبيت حياتي لان هي بيها وحبيت اجرب شعور العشاق لاول مرة احس بي عشت احلى يومين لحد ماجوي صدقان تميم وعرفت انو واحد بيهم جان رايدها وطارق اكد الموضوع طارق اعرفه من وفاة المرحوم ...وبكل عين صلفة اجة يطلبها مني جان بس عمي كاعد همزين غانم وراضي كاموا ..عمي راسن دنج راسه وجاوبهم والله وليدي ام رضا بتنا ومرت الشيخ بركات اخو تميم الله يرحمه تعذرنا ماعدنا مرة للزواج ساعتين هو يفاصل عباله دنجذب عليه علما كمت ظربته وطردته لان بلكوة لازم اعصابي وعمي ظل يهدي بيه وبلسالفة لحد ماطلعوا .وراها عمي كلي وليدي لاتحكم ع الامور من الي شفته مالك علاقة بي الك علاقة بأهل بيتك .. استاذن وطلع واني النار شبت بصدري مداعرف شكول يعني اني مرتي يجوون يخطبوها مني .. طلعت جان رضا وياية طبيت جانت بغرفة امي بلكوة حجت وبلكوة فهمت منها لان حسيتها متاذاية من دتحجي ودموعها موكفن..اعترف اني زدت بردة فعلي بس المرة الوحيدة الي حبيتها يجون يخطبوها مني ..
امي كلتلها طلعي وعوفينا راحت وكلبي راح وياها بس الموقف كلش جبير عليه....
- الحجية .. ليش هيج وليدي صلي ع النبي يعني الي اعرفه عنك حكيم وحلك للمشاكل اذا متسمع الكل هيج خوفت البنية كامت متعرف تحجي وووو امي سولفتلي كلشي انو تميم اصلا جان رايد غير بنية وراد يكسر صاحبه لان جان رايد سروة .من تكلي جان رايد سروة الدم يصعد براسي ...
- بركات .. كافي يمة رحمه لاهلج ..
- الحجية .. المهم هي مريتك وجوة جناحك لا تضيعها من ايدك ترة متستاهل الاذية لان بت اوادم ومترباية وبكل هلمغثات راح تضيع من ايدك ...
- بركات .. بقيت كاعد يم امي ساعة وطلعت رحت عليها للغرفة جان رضا نايم وكت ظهر شافتني كامت لابسة تراكسود احمر والشعر اسود لامته ..موتتني بت الاوادم والبياض يبرج وية الاحمر طبيت ..كعدي اني مدنج راسي مرفعته سلام شيريد منج سروة..
-سروة .. عفية لتحملني اغلاط غيري ماعرف شيريد وميهمني فدوة بركات ارحمني وسد هذا الموضوع هسة ابوية هم خابرني وكلي رايحله قبل ليجي لهنا وابوية كايلة البنية تزوجت ومستقرة ومرتاحة بس هو جلب اني شعلية فدوة لعمرك لتضيع احلى ايام ممكن نعيشها ترة وداعت رضا مشايفة يوم بي خير الا من شفتك وحبيتك وعرفت انت هم رايدني ... شوية واندكت الباب طبت صفاء ..
- صفاء .. ها خوية هلا هلا بلبنية امي خابرتني وسولفتلي ترة رادت تكلك بس شفنه الموضوع ميستاهل ..
- بركات .. هاي شكو كلجن التميتن عليه ترة اني اخوج صفاء ..
- صفاء .. على راسي حبيب كلبي بس هي بنيتنه ونريد نفرح بيك وبوليداتك حبيبي ..
ابتسم وباوع عليه وغمزلي .. يمة كلبي فرفح وباس راسها وطلع ..هي هم بوستني وراحت يمة ردتلي روحي هذا منين طلعي ابن الزفرة خرب ضميره ..بعد مطلعت لليل دك الباب .جنت دانوم رضا طب ..
- بركات .. اجيت اشوفه اليوم جنت ملتهي ...
- سروة ..تفضل وعيوني متفاركه احبه ياربي اموت عليه ..
- بركات .. شبيج يمعودة عيونج اكلتني ..
- سروة .. سحاني عابتله دنجت اجة يمي ..
- بركات .. ها يبعد بيتي محتاجة شي رفع راسي بثنين ايده .. سلامتك ..سلامتي بحضنج اووف سروة لو تدرين شكد مشتاق لهلحضن ولج معشت حياتي الي راحت بلياج كلها متسوة عيونج سبني وشعرج ايام وليالي من يوم الي شفتج بي تمنيت يصير وسادتي واشبع منه ..اكلج ترة والله سطرتيني بنظراتج هاي ..
- سروة ..ممصدكة انت هم تحبني وصرت الي..
- بركات .. لا صدكي يابعد العمر انتي وام بيتي اووف يالهحضن هذا شوفي اليوم ثلاثاء الخميس تصيرين الي قلبا وقالبا .لا لا ماريد خجل كافي الي ضاع ..
- سروة.. بركات بغيابك احس روحي عطشانة و شوفتك ترويني عمري كله الك ولرضا عايشة بحسكم اريدك الي وحدي ..
- بركات .. الج وحدج ولج محد دك بابه غيرج وبلنسبة لعطشج شتكولين لو نروي هسة هههه ..
- سروة .. لا لا دروح هسة ام نرجس تطب علينه..
- بركات .. شيجيبها ثم هاي غرفتج ..خلي اروح احسن انتي توازين الواحد باس راسي وطلع
- سروة ..فدوة رحت لحنيته نمت واحلى نومة ...

يتبع ....