اسقني حبك

اسقني حبك ج19

- بركات .. الليل كله ابالي هلسريوة منين اجتني واخذت كلبي وعقلي وياها كضيت الليل كله بلديوان مدخلت لبيتي وجان راضي ابن عمي يمي كاعد ..
-راضي .. دكوم بركات شكو اليوم ساعة 2 شوكت تنام ..
-بركات .. كايم كايم ..هو ترخص وكام ضليت كاعد تقريب نص ساعة ومدتروح من بالي اريدها بعد ماكدر ابتعد عنها ..اكوم اصلي صلاة الليل ورح يأذن الفجر كمت دخلت من باب المطبخ واسمع طكطكة منو كاعد ليهسة .. دخلت واشوفها هي وشعرها ليل مو شعر احمممم اندارت عليه فزت ... خيرج اشو كاعدة ليهسة وشبيج فزيتي اشفتي بعبع طبعا  احجي وعيني مدتمل من شوفتها وكلبي وعقلي وروحي وحياتي كلها تضحك بشوفتها ..
-سروة ... لا بس متوقعت احد برة ..
- بركات .. اني جنت بلديوان .. مكتيلي شعدج كاعدة الى هسة ...
-سروة .. لاجنت نايمة بس رضا راد مي وديتله ووووحسيت  ياربي شكد ستحيت ...حسيت بجوع ...
- بركات.. لزمتها من خدها وشبيج مستحية ياروح بركات ماريد هاي الخدود تروح ...
-سروة .. يبووو باعي الفشلة هسة دنامي الا تكومين تاكلين بهليل .. تقدم عليه
-بركات ..هسة اكلتي لو بعدج لان اني كلللش جوعان ...
وعيونه توحي بغير شي ...خرب ضميرك عفية بركات عيونك ...
بركات .. شبيها عيوني ياعيوني انتي ...
- سروة ... كلش داستحي منك والله ...
- بركات .. ولج شمسويلج هو نظرة وهم حرام علينا ...
- سروة ..اكوم اسويلك اكل ...
- بركات .. لا ماريد اكل ...
- سروة ...لعد ...
- بركات .. اريدج الج ...
- سروة... اروح عفية خاف رضا يكعد ...
- بركات .. ميكعد تعالي ...راح كعد ع القنفة تعالي اكعدي ...شخبار اهلج ...
- سروة ... هااا .
-بركات ..اكلج هي كل شوية هاااا .. شبيج خايفة ترة اني ما أكل بشر ....
- سروة .. هااا اي اي ...
-بركات .. اشو كمتي تكطعين ...
-سروة ... لا ماكو بس نعسانة ... طبعا ابتساماته وايحاءاته دمرتني دوختني بزماني ياربي هذا شكد حلو بس يربك وترني مداعرف اكعد عدل..
- بركات .. لا ممبين عليج اكلج اشو بس تريدين تطفرين هيج ضايجة لان كاعد يمج اكوم...
-سروة .. لا لا لا ...
-بركات ... هههههههههههههههههههههههه...
- سروة .. ها براحتك ...
-بركات .. راحتي يمج سروة ...حجيج قليل انتي خايفة مني اكوم احسن ..
- سروة .. لا والله موقصدي بس لاول مرة اكعد وياك والموقف رهبني ...
-بركات ..صدك انتي شمخلصة ...
-سروة .. اني كملت سادس معدلي 95 بس ابوية مقبل اكمل لان تميم مقبل وصارت القسمة بوكتها ..
-بركات .. يعجبج تكملين ...
- سروة .. لامترهم بعد عندي رضا وخالة ماكو احد يمها ..قبل ردت اكمل علمود اهلي بس هسة الحمدلله حالتهم تحسنت بفضل تميم الله يرحمه ...
- بركات .. شكد عمرج ..
- سروة .. باوعت بعينه شفته صافن بعيني 24 سنة بقة صافن علية ... كمت داشرب مي لان التوتر يقرة عندي فول انداريت لكيته وراية شهكت...
- بركات .. اليوم هواية فزيتي شبيج خايفة ترة اني اريد جهال وموزين الهبطات بطلي فزة وغمزلي ...
- سروة .. شهكت وخليت ايدي ع حلكي عافني وطلع من المطبخ ...يمة هذا شحجة يعني شنو قصده اني هم طفرت لغرفتي لكيت رضا نايم رحت مددت شوية بعد مكدرت انام كمت صليت وبالي يودي ويجيب اربع مرات عدت الصلاة على غفلة بالي يروح بحجاياته نظراته وحجيه اليوم كله مختلف شيريد مني معقولة حبني .باع هاي الدنيا كلها تركض وراه ويباوع عليج انتي بس اني مرته وخبلني صار اشهر حبه دمرني ماعرف شيريد ..غفيت غفوة حسيت رضا يلعب بشعري جريته ابوس بي طلعت غسلتله وبدلتله رحت ع غرفة خالة بس هي ونرجس ولمياء صبحت وكعدت يمهم بقى رضا يمهم سويت ريوك لخالة ورجعت واني دايخةهم لان منايمة وهم دايخه منه وبي كعظنا تريكنا خالة كامت مددت كالت خلصي يمة وتعالي يمي ...
-سروة .. صار يمة ..رجعت لمياء راحت ونرجس اخذت رضا وياها كعدت افركلها فتحت شعري ...
- الحجية .. ولج شنو هلشغر الليل عبالك صابغته ..
- سروة .. لا والله يمة مو كدامج وين اصبغ ..
- الحجية .. ادري بيج بنيتي يمة سروة مو كافي عاد بركات وليدي تعب واني اريد اشوف بزره يمة تلحلحي كافي شكد صار من تزوجتوا ...
- سروة .. ليش يمة صاير شي ..
- الحجية .. لا يبعد امج بس اريد اشوفله وليد قبل لا رب العالمين ياخذ امانته ..
- سروة .. لايمة اسم الله عليج ..
- الحجية .. حتى صفاء اليوم ناوية تحجي وياج ...يمة الولد حرامات ياخذنه منج ابوهن شيخ ومحتضنه فكري بنيتي ...
- سروة ... بس خالة اني بعدني بنية انتي مو تعرفين ...
- الحجية .. ميخالف يمة نلزمه ونفهمه اني واخته مالج لازم ..
- سروة .. ماعرف يمة خليها للزمن ماعرف مادري شاريد ..
- الحجية .. معلية افتصلي وية صفاء لازم تشوفلج حل انتي صغيرة وهو وليدي ديكبر والعمر يكضة خايفة لا الفاس يوكع بلراس ويجيب وحده تهد هذا البيت عمة ميعوفه يمه اني اعرفه ...
-سروة ... صار يمة ان شاءالله خير بستها داكوم جان يطب ...
- الحجية .. اكعدي لا اطلعين ...
- سروة ..  هاا يمة ...
- الحجية .. اكعدي يمي وجرتني كعدتني يمها ...
طب صباح الخير بس مبين عليه كلش ضايج ...
- الحجية ... هلة بهلصباح خيرك يمة شبيك ...
-بركات .. يمة هسة خابرني عمي ابو غانم مرته وبناته يجوون يوكعون عليج ...
- الحجية .. هاي يومية يا ابني هي لعبة ادري عمك مديمل من هاي السالف ذني بس يريدن يطبن للبيت ديردن يسوون مصايبهن لخ وسنيوة متبرية منها ماريد شوفة وجهها ..
- بركات .. يمة اني هم مثلج بس عمي يريد يصلح اعرف بي نيته صافية بس قابل اكله لا لتجي تقبليها يمة ماترهم ..
- الحجية .. يمة لافن عقل سنيوة وخايفة لياخذنك انت هم ...
باوع عليه وحجه
-بركات .. ليش يمه سنتين وياخذني مثلا ...
- الحجية .. لا يمة حشاك بس دروبهن ضيكة ...
- بركات ... لا يمة اطمئني وين رضا ...
-سروة .. وية نرجس يمكن بلحديقة ...
كام طلع وروحه واصله لخشمه ... ورة الغدا كلها اجتي واحنة كمنا التهينا بلعشا واجتي لمياء صاحتني ...
- لمياء .. تعاي سروة امي تريدج ...
-سروة ... اهووو عفية اني اضوج من هيج مواقف هي يومية ماريد اطب ... اجتي صفاء جرتني ..عفية ام مهند اني اضوج...
صفاء.. كومي كومي انتي لازم تتقوين انتي مرت الشيخ ...
- سروة ... يمة كلمة شكبرها واني اصلا اخاف من الشيخ دخلت للاستقبال كلها كاعدة واني عيني تدور عليه بس طبيت عيني صارت بعينه احس عطشانة واريد ارتوي بشوفته كلت السلام عليكم ورحت يم خالة كعدت احس عينه مشالها مني ..عاد امهن حجت هااا خالة بعدج زعلانة تعاي دنسلم عليج باوعت ع يمة الحجية دنجت وضايجة رحت سلمت عليها ورجعت لمكاني ...
- فرحة ... سسروة اني اسفة وتباوع على بركات ولاجاوبتها..وهو لارفع راسه كعدت مكمت بعد شوية وطبوا ولد عمه 3 زلم يمة اول مرة اشوفهم واني بكامل اناقتي ورشاقتي ولياقتي وحتى مكياج حاطة عبالي بس نسوااان يلة احضر روحي للرزالة عادي ...
وهو عيونه صارت نار يباوع ويخنزر ع الكل سلمو وكعدوا خطية كلهم مدنجين ...يباوع احسة يكلي كومي طلعي ...داكوم ...
- عمهم ابو غانم ووووين بوية رايحة ...
هو راسن جاوب دتغسل لرضا عمي ....
-  ابو غانم ... كومي بوية نرجسة غسلي لاخيج ....
هو كلش ضاج دنج وكام يفرك بوجهه ...
بوية ام رضا انتي بتنا بعد ونمون عليج هذني خواتج واي شي بس تعاي لابوج وشوفي شلون اخذلج حكج من عيونهن ...هنة كاعدات يتأففن ... طبعا هو عين ع عمه وعين عليه وعين ع ولد عمة ديشوف وين يباوعون ...
- ام غانم... لازم بعدج زعلانة ليش ماتجاوبين ...
-سروة .. لا عمي انتو اهلي الله شاهد وانت بمكانة ابوية ...رأسن لاعمي ام رضا منا وبينا والله شاهد مكالت زعلانة بس بعد اذنك عمي اي اهانة الها او لاي احد من اهل بيتي مراح اتهاون بيها احنة مو جهال يومية هلمهاطلة ...أأشرلي يعني كومي ...
- سروة .. اترخص عمي ...
- ابو غانم ... غالية بوية ...
-سروة .. زركت للمطبخ اجتي وراية صفاء ..
- صفاء .. ولج جنج راح تنكتلين ههههه...
- سروة .. بلة اني بيدي شي واسمع صوته وراية جرني من عكسي حيل ...
- بركات ... ادري جاية من صالون شايفة نفسج شمسوية ومسح وجهي بأيده ...
-سروة .. مجاوبته بكلمة بهيج مواقف دموعي تحجي ...
- صفاء ...جرتني ... ها بركات خيرك واحنة شمدرينا راح يطبون الزلم عبالنا بس نسوان سكت واني بس ابجي ...
- بركات .. بعد ماكو طبه للاستقبال لان كلها زلم ...
- صفاء .. اي مو الكل كاعد بس احنة منطب لو اني اطب عادي ...
- بركات .. ها صفاء خيرج ...
- سروة ... لا روحي ام مهند اني رايحة لغرفتي  هو عينه عليه ..
- صفاء ... روحي حبيبتي تعبتي اليوم كافي المغثات من الصبح ليهسة ...
-سروة .. طبيت بجيت علما كلت بس يلة هذا المهضوم لازم يتعود ع القهر غسلت وكعدت ودموعي موكفن طب علية عرفت راح يجي ...
- بركات .. طبيت عليها لان قسيت عليها مجنت اعرف هلكد اغار عليها ... وصل يمي كومني من القنفة يابعد روحي هلعيون من اموت ابجي عليه ماريدهن ينزلن طول ماني عايش اريد اشوفهن يضحكن بس الي هااا سروة غيرتي عليج مو بأنصاف يحجي ويمسح بدموعي اغار عليج من ابوج من اخوتج مو عاد من الزلم البرة ولتكولي كلهم كاعدين اتي غير الكل انتي روح بركات همسج بس الي سروة حافظي ع نفسج لبركات بس واكتشفت اني اناني بحبج اريده الي وبس يابعد عشيرة بركات الكاعده كلها برة ههههه ولج ضحكي عاد ... واخذني بعالم عيشني باحلى حلم وردي حضنه ولمساته دوختني وكعت بين ايده .... يلة حبيبة اروح عيب الزلم كاعده بس محبيت تبقى هلعيون تبجي وفوكاها من وراية ...بس ماشوف طرفج بعد روحي زين ....
-سروة .. صار بس اروح يمهم بلمطبخ عيب.. بس الاستقبال متوصلي ...صار تدلل  ... باس راسي وراح ...اوووف يابركات حبك يجوي واني ردته غيث يروي عطش سنيني الي عشتها بلياك هم حرتوي منه لو هيموتني من العطش  ...

يتبع.....