حب لم يكتمل

بارت٩

غرام وصلت للبيت واتباوع بكل زاوايه
من البيت بيهه ذكرى ضحكنه وسوالفنه
وبدت ادموعهه تنزل بلاصوت

اوس كان نفس حال غرام بس يتظاهر بقوه
بس هو مقهور كلش من الداخل

وبده العزاء وجان اوس وغرام بحاله يرثى الهم
احمد ماترك غرام
وصلت عمتهم نسرين وجانت بعدهه مامستوعبه
انو اخوهه تركهه اخوهه الي جان سندهه الي يدافعلهه
ومقهوره عل جهال اخوهه تحجي وتكول بكلبهه هسه اني اتيتمت هاي اول مره احس نفسي يتيمه
علي ماجان محسسني انو اني يتيمه وتبجي وتصبر بغرام و اوس

عند عالئه سمير
وصلو للبيت ابو اوس
وكل شخص باعالئه سمير عنده افكاره شكل
منهم الي عده اسئله ومنهم الي يتعرف عليهم
دخل سمير وفارس وليث مجلس الرجال
وسحر وهيام وحلا وتاره مجلس النسوان
سمير دخلت واني ماعرف احد سلمت وكعدنه
والبنات كذالك
وبدت الناس تخف الى ان بقت بس عالئله سمير
ابو احمد وهو مسغرب من بقاء ذولي الاشخاص: - انتوا منين اتعرفون ابو اوس
سمير وهو مايعرف منين يبدي : - بصراحه اني
وبدا يسرد الهم كلام سميحه
اوس وهو مصدوم كلش : - يعني انت عمي
وانتم ولد عمي
سمير راح وحضن اوس : - اي اني عمك
وذولي ولد عمك
اوس : - انت جاي تحجي عن قبل ٥٠ سنه
اشلون نكدر نتأكد
سمير : - اني ماادري شنو اكلك انت اسأل اقارب اهلك
عن ابوك امك بلكت احد يعرف ويثبتلكم
كلامي

ابو احمد : - اني راح اسأل مرتي هي اتصير اخت زوجت علي
اوس : - خلي يجون كلهم اهنا
عمتي اكيد تعرف شي
سمير : - هي مو مسافره
اوس : - اليوم اجت
سمير : - انشالله ينثبت حجينه
احمد : - انشالله خير
واجت عالئه علي وبنات سمير
وبداء سمير يسرد الهمم
نسرين : - يعني انت اخوي الي دورو عليه ومالكوك
سمير : - اي ياعيون اخوج
نسرين : - علي جان اشكد يسولفلي عل امي جانت دائما تذكرك وتبجي وماتت وهي تتمنه اتشوفك
وابوي ضل بحسره شوفتك ودائما يحس بذنب
غرام : - يعني كلامه صحيح هو عمي
سمير : - انتي غرام
غرام : - اي اني غرام
سمير راح وباس راسهه