حب لم يكتمل

بارت١٢

غرام: -يعني لهل درجه ميهموك اهلي وجايني هسه بأول يوم فقدتهم بيه تريدني احجي وياك حب وغرام اذا ممسوي خاطر الي سوي خاطر لأرواحهم
احمد: -اني اسف والله ما ااقصد ،حاولت اطلعج من جو الحزن شويه
غرام قاطعته : - اشش كافي احمد لتعتذر انت اناني ومتحب اله مصلحتك مو قصة اطلعني من جو الحزن لا انت اليوم عاجبك تحجي وياي غراميات بس كافي تعبت شوكت ميعجبك لازم اني اكُولك السمع والطاعه
يله مع السلامه تعبت اروح انام
وسدت التلفون

ليث: - اوووف يالله اني شمسوي بدنيتي البنيه العجيتني طلعت مخطوبه ،!هسه شعجيهه بيه هذا الجمال كله والجاذبيه تاخذ هذا المصركع حظ
الله يرحمك ياعمي شلون ذريه عفت النه ولو اني ماشايفك عتبان عليك شلون تنطي هذا القمر ل هذا المطكطك الله يرحمك ماكول غيرهه

سحر : - ها يمه شبيك تحجي وي روحك تسودنت
ليث: - لا يمه ماتسودنت بس جاي اعاتب حظي
سحر: - ليش يمه شبيهه حظك يا ستار جنك ورد؟!!
ليث: - احححح ياورد يمه هو الورد هم يجيه يوم ويذبل
سحر: - ها حبيبي شبيك احجيلي
ليث: - مابيه ماما مابيه خليني انام
سحر : - براحتك عيني تصبح ع خير
ليث: - اجمعين يوم

سحر: - ها سلامات ابو فارس هم طبك عليك السره
سمير: - ههه يا سره شجاي تحجين
سحر : - والله قبل شوي دخلت ع ابنك لكيته يحجي وي روحه سألته يكلي اعاتب حظي وهسه انت تتبسم وحدك فهموني شبيكم
سمير: - هههههه والله اني بالنسبه الي فرحان لان اتعرفت ع اختي بعد كل هل سنين وشفت اولاد اخوي وفرحان لان صدكوني وتقبلوني بيناتهم
سحر: - اي والله اني هم كلش ارتاحيتلهم اختك حبابه وبنت اخوك فديتهه تخبل والله حتى انقهرت من دريت بيهه مخطوبه
سمير : - ليش انقهرتي شدخلج بيهه
سحر :- ردتهه لابنك اول مدخلت لفتت انتباهي
سمير : - يا ابن؟؟!!
سحر : - شبيك سمير شنو ياابن غير ليث
سمير : - ليييث يله ميخالف كُل شي بالقسمه
سحر : - اي صح كُل شي بالقسمه
سمير: - يله يله نامي باجر حتى نروح للفاتحه نوكف وي اوس وغرام خطيه بعدهم صغار على هل هموم
سحر: - اي والله الله يساعدهم