حب لم يكتمل

بارت ١٣

لا تشكي بعد لتگول مجروح
ماظل بعد احد يواسيك
واصبر عالجرح واتحمل النوح
لان غير الصبر محد يداويك
لتهتم باليجي ولتفكر باليروح
لان هذا زمن كلشي يراويك
ولتخلي دمع بالعين مفضوح
ولا تبچي بعد لو وكتك ياذيك
اذا عالي العنب لتگول مالوح
عتّه من الغصن ويدنگ عليك
وانصحك عالفرح لتعوّد الروح
وفرق بين اليضحكك واليبچيك

               

#وجع شاعر

*،*،*،*،*،*،*،*
وصار الصبح وراحوا بيت ابو فارس لبيت اخوهم دخلوا واسقبلتهم غرام
غرام: - هله بيكم عمو تفضلوا نورتونه
العائله كولهم :- النور نورج حبيبتي
ليث: - يالله شنو هل عذاب اشو اليوم احله من البارحه هاي عود بحاله حزن وهيج حلوه لعد من تفرح وترتاح شلون
تاره وفارس وهيام وحلا سمعموه :اشش ولك اسكت فضحتنه متستحي انت جاي لفاتحه مو حفله وفاتحة اهله ماجاي لموعد غرامي وحظرتك تتغزل بالبنيه هم زين ماسمعتك
ليث : - هو اني شكلت حتى تسكتوني كلت الحقيقه البنيه حلوه ومحد يكدر ينكر هذا الشي ولفتت انتباهي وعجبتني
تاره: - لك اسكت ليث مصختهه حتى لو بت عمك هي مخطوبه ولازم تعتبره مثل اختك ملازم تنظر الهه غير نظره
سحر بعصبيه: - اششش بس عاد فضحتونه كدام العالم ليسمعوكم وانت ليث غظ نظر عن الموضوع مو وكتهه هسه يم الاوادم هاي سوالفكم نرجع والله كريم
سمير : - شكو شبيكم؟؟
حلا: - لا بابا ماكو شي جاي ندردش
سمير : - مو وكت دردشه
هيام: - ههه ندردش ؟؟والله يا بابا لو تدري عليمن يحجون يتفاوضون على بت اخوك بابا
فراس دحك هيام: - اسكتي هيام ليسمع احد عيب
هيام :- ماشي ماشي سكتت
سمير : - ها عمو اوس شنو قررت انت وغرام على سكنتكم وين تسكنون
اوس: - والله عمو انت مقصرت لحد الان بس احنه نريد نبقه ابيتنه
سمير : -ليش عمو مزعوج من عدنه
غرام: -لا عمو ابد والله ممزعوجين بس هذا المكان الوحيد البيه ريحة اهلي شلون نعوفه
سحر: - ابو فارس خلي الاولاد براحتهم بيتنه مفتوح شوكت ميحبون العين اوسعلهم من المكان
سمير:- طبعا كل الهلا بيهم شوكت ميجون

واجو بيت ابو احمد
ليث لا هله ولا مرحبه اجه وجه البومه خرب يومي كله
احمد سلم على ليث وهو يخزر بيه وليث لازم ايد احمد عاصرهه عصر يمكن كسرهه
واستمرت نظرات الحقد بيناتهم
احمد ضاج من نظرات ليث لغرام وصاح على غرام بعصبيه: - غراام جيبيلي مي بسرعه
ليث كلش انقهر من طريقه احمد بالكلام وحاول يحاجيه بشقه
ليث: - مااسمحلك تحجي وي الغاليه هيج
احمد: - ههههه الغاليه انت قبل يومين عرفتهه
ليث وبضحكت حقد: - صح قبل يومين بس صارت عزيزه وغاليه
وراحت غرام للمطبخ وليث راح وراهه
ليث: - غرام انتي شلون تخليه لهذا الحثاله يحاجيج هيج
غرام: - والله شكلك يا ليث
ليث : - شكو شبيج غرام احجي تكدرين تثقين بيه
غرام: - مو وكته يا اخي
سمير : - يله ليث اجوي نااس خلي نطلع

وخلصت اياام الفاتحه وكل من رجع لبيته وسافرت نسرين وبقوا بس اوس وغرام تتقلب عليهم المواجع بذكرى اهلهم

سمير : صباح الخير اوس
اوس: - صباح الانوار هله بيك
سمير: - يله ابني حظروا نفسكم راح اجي آخذكم تخلصون اليوم يمنه
اوس: - والله عمو غرام بعدهي نايمه
سمير: - ماشي عمو صحيهه لحد ما اوصل
اوس : - ماشي بعد سلامه
سمير: - بعد سلامه