ငါမဟုတ္တဲ႕ ရင္ခြင္ထဲက ငါသိပ္ခ်စ္တဲ႕ မင္း (YoonMin)

3

[Unicode]

'မင်း kookကို ဘယ်လိုမြင်လဲ '

ဒိန်းခနဲ စောင့်ခုန်သွားသည့် ရင်ခုန်သံနှင့်အတူ စိုးရိမ် တုန်လှုပ်မှုများက သွေးကြော တစ်လျှောက် ကယောင်ခြောက်ခြား စီးဆင်းသွား၏ ။
သူငယ်ချင်းနှစ်ယောက် အတူ ရှိချိန် ကောင်မလေး တစ်ယောက် အကြောင်း စကား စလာပြီ ဆိုလျှင် ဖြစ်နိုင်သည်က ဇာတ်လမ်းထဲမှာလို ဖွင့်ပြောရန် တိုင်ပင်ဖို့ ??။ အမှန်ဆို ချစ်ရသူနဲ့အတူ အိမ်ပြန်လမ်းမှာ ဘယ်သူက ရင်တထိတ်ထိတ် ဖြစ်နေချင်မှာလဲ ။ ကျွန်တော် ဆိုသည်မှာ Park Jiminဆိုတဲ့ ကလေး တခြားသူကို ချစ်မိသွားမှာ ကြောက်နေရသူ ။ တစ်ကယ်လို့ တခြားသူ ကို သူ ချစ်ခဲ့မယ် ဆိုရင်လည်း ကျွန်တော် မည်သို့မျှ တတ်နိုင်မည် မဟုတ် ။ လူတစ်ချို့မှာ သေမလိုချစ်ပေမယ့် ပိုင်ဆိုင်ဖို့ မကြိုးစားချင်တဲ့ သူတစ်ယောက်ရှိတယ်တဲ့ Ji။

ကားမှန်ပေါ် တဖွဲဖွဲ ကျဆင်းနေတဲ့ မိုးရေစက်လေးတွေက နားထဲမှာ ဒီလောက် ကျယ်လောင်စေလို့လား ။ ကျွန်တော့်မသိစိတ်ကပဲ သူ့မေးခွန်းကို မကြားချင်ယောင် ဆောင်နေမိသည်လား ။ မည်သို့ဆိုစေ lover seat တွင် ထိုင်ကာ ကျွန်တော့် အဖြေကို ငံ့လင့် နေသူ ကို replyမပြန်မိသေး ။ ကျွန်တော် ဘာပြန်ပြောသင့်လဲ ။

" ငါတို့ငယ်ငယ် ကတည်းက ပေါင်းလာတာပဲ ။ ငါ့အထင် မင်းက သူ့အကြောင်းပိုသိမှာပေါ့ ။''

တစ်ခွန်းတောင် ပြန်မပြောတော့ပဲ တစ်ဖက်ကို လှည့်ကာ မိုးစက်တို့တွဲခိုနေသည့် ကားမှန်မှ တရိပ်ရိပ် ကျန်ခဲ့သည့် သစ်ပင်တို့ကိုသာ ဂရုထားလိုက်သည်။ ကားမောင်းရင်း တစ်ချက် လှည့်ကြည့်လာသည့် သူ့ကို နောက်စေ့မှာ မျက်စိ မပါပေမယ့် ကျွန်တော် ခံစားရမိပါသည် ။ yoongi hyung ရည်းစားထားဖို့ အစီအစဉ် ရှိ ? မရှိ ?

အဲ့လို တိုက်ရိုက်မေးလို့လည်း မဖြစ် ။ hyungနဲ့ အနီးစပ်ဆုံး တစ်ဦးတည်းသော မိန်းကလေးက kookie . ကျွန်တော့် မေးခွန်း က သူမဖြေနိုင်လောက်အောင် ခက်ခဲလို့လားနော် ။

' မင်း kook ကို ဘယ်လိုမြင်လဲ ' လို့ ကျွန်တော်မေးရင် အနည်းဆုံး "ချစ်စရာ ကောင်းတယ် " လို့ ဖြစ်ဖြစ် " ဒီတိုင်းပါပဲ " လို့ ဖြေခဲ့ရင် နောက်ဆက်တွဲ မေးခွန်းလေးကို မေးဖို့ ပိုအဆင်ပြေမှာ ။