Oops! This image does not follow our content guidelines. To continue publishing, please remove it or upload a different image.
ngayon ko lang naalala
nakipagpustahan sakin si mia
pustahang wala lang sakin pero sineryoso niya
kaya ito
iniinom ko ngayon yung frappe na bigay niya
premyo ko daw
in 3 months pustahan
magiging kayo
pero wala pang isang linggo
magka-in a relationship na kayo
panalo nga ba ako ?
sa totoo lang hindi
talo ako
talo sa pagmamahal mo
habang pauwi at sumisimsim ako ng frappe
naalala na naman kita
kung paanong kabisado natin
ang bawat buy one take one
sa paborito nating café
kung paanong automatic mong sasabihing
isang red velvet at isang blue berry
at kung paanong kahit mainit
naglalakad tayong pauwe
at magkukwentuhan ng kung ano-ano
habang sipsip nating
yung karton na straw
nakabisado mo bawat galaw at gusto ko
akala ko ganun din ako sayo
pero nung biglang kayo ng dalawa
biglang hindi pala kita kilala
ikinuwento mo sakin ang nakaraan mo
kahit hindi ko tinatanong
para kang si peter pan
na naghahabol ng sariling anino
mga anino ng nakaraan mong
hindi mo kayang takbuhan
kaya akala ko ako si wendy
kasi akala ko para sakin ka
pero tulad nga ng napagtanto ko
naging tinkerbell lang ako ng istorya mo
si tinkerbell na lagi mo lang kasama
hanggang sa bigla mong nakita si wendy
si wendy na naging dahilan para makalimot ka
na meron kang isang tinkerbell
na kasa-kasama mo
noon pa
pero maging ang pagiging tinkerbell
hindi ko na yata kayang gampanan
bukod kasi sa hindi mo na ako sinasamahan
parang ayaw mo na rin tayong magpansinan
pero sige,
magpapakatanga muna ako
at gagampanan ang pagiging
tinkerbell mo
pero sana maulit
yung umuuwi tayo
ng nagkukwentuhan
habang umiinom
ng paborito nating flavor
ng frappe
kasi kahit minsan hindi na ganun kahalaga
yung kwento mo makikinig parin ako
wag mo lang sanang hayaang
hanggang tingin na lang ako
maging sa anino mo.
YOU ARE READING
Pan - Stopped
Romance" naniwala akong ako si wendy. pero hindi pala ikaw si peter pan "
