انت حبيبى الاول والاخير

الفصل الرابع

سيف: بصى يا انسه مايا انا من ساعة ما شوفتك وانا مرتحلك جدا وحاسس انى عاوز احضنك اوى حاسس انك من دمى

مايا بود ممزوج بالخجل: وانا كمان والله،  بس احنا لازم نتاكد مش كفايه ان احنا نحس مجرد احساس وخلاص

سيف : عندك حق

عمر : تحليل الDNA بقا

سيف : ايوا، طب انتي تحبى تعمليه امتى يا مايا؟

مايا بحماس: دلوقتى، (ثم استوعبت) بس لو مش فاضى فى اى وقت تحدده

ضحك كلاً من عمر وسيف بقوة

سيف متابعًا ضحكه: لا فاضى، بعد الحماس ده فاضى

مايا بخجل: احم، اوكيه

سيف : هتيجى معانا يا عمر؟

عمرضاحكًا: ايوه طبعاً، دى صحبتي

ضحك كلا من مايا وسيف وتابعت مايا: اكيد طبعا

.....................
وذهبو جميعا الى المستشفى الخاصة بعمر وقامو بالتحليل وصعدو الى مكتب عمر الى ان ينتهي الفحص للعينات وجاء الفحص و

عمر بابتسامة: انتم اخوات

مايا بصدمة: بجد!!

احتضن سيف مايا بسعادة شديده وحب اخوى

سيف: الحضن ده اخر مره كان من 19 سنه، 19 سنة وانتي بعيده عننا، اخيرا، الحمد لله، الحمدلله

عمر بابتسامة: مبروك يا سيف، انا اللي لقيتهالك

سيف وقد ابعد مايا المصدومه عنه : انا مش عارف اشكرك ازاى والله يا عمر متشكر اوى اوى اوى، مايا.... مايا حبيبتى مالك

مايا بتوهان: لا لا انا كويسه اهو، يعنى انت اخويا الكبير؟ واللي عمر قالهولى ده كله صح؟؟؟

عمر وسيف مؤكدين : اه

مايا باكية : ماما طلعت وحشه اوى اوى اوى يا سيف

سيف : اهدى اهدى بس ماما مش وحشه ولا حاجه بس اللي هى شافته مش قليل خالص يا مايا

مايا ببكاء: دى بعدتك عنها سنين مش كام يوم، وقالت لى ان وحيده وبابا متوفي، خلتنى اعيش 19 سنه فاكره نفسى يتيمة، خلتنى اعيش 10 سنين الجيران هما اللي بيصرفو عليا، ربنا يسامحها

سيف وقد احتضنها مره أخرى: خلاص يا مايا اللي حصل حصل ومش هنقدر نغيره، وادينا اهو اتجمعنا من تانى، العياط مش هيفيد بحاجة

عمر: خلاص يا جماعة، والله اعيط معاكوا

مايا وسيف ضاحكين: لا لا خلاص اهو

...................................................
وذهب كلا من عمر وسيف ومايا وذهبوا إلي بيت مايا وسيف اصر علس ان تعد اغراضها لتنتقل للعيش معه هو ووالدهم وهى اضطرت علي الموافقه ذهبت لتعد اشيائها وانتظروها هم فى الصالون

مايا : تشربو ايه

سيف وعمر : لا مش عاوزين يلا احنا عوزين ننام

مايا بضحك : فى ايه انتم الاتنين بتتكلمو مع بعض

سيف وعمر ضاحكين : عادى، فيها ايه يعني؟

مايا : طب يلا

سيف وعمر ومازلوا يضحكوا: يلا يا سيف/عمر

صرخت مايا: محدش يتكلم، اسكتوا انتوا الاتنين

............................
وذهب عمر الى منزله وذهب كلا من سيف ومايا الى والدهما
.................
سيف وهو يدخل مكتب ابيه ويمسك بيد مايا: بابا، بابا، لقيتها يا بابا لقيتها

والد مايا وسيف: مين دي اللي لقيتها يا سيف؟ ومين اللي معالك دى؟؟؟

سيف بحماس: لقيت مايا اختى يا بابا،  دى مايا اختى.... بنتك حبيبتك اللي اتحرمت منها 19 سنه

والد سيف وقد خانته دمعته : مايا!!  انت متاكد يا سيف؟؟؟

جلست مايا على ركبتيها امام والدها ومسحت الدمعه التى خانته وقالت: انا بنتك يا بابا، انا وسيف عملنا تحليل DNA وطلعنا اخوات، انا مايا اللي اتحرمت منها سنين واللي اتحرمت منه انا كمان سنين، اخيرا بقا ليا اب واخ زى ما كنت بتمنا دايما (وبكت)

احتضنو بعضهم البعض هم ال3 وقال الاب : الحمد لله، الحمد لله يارب، لقيتها ازاى يا سيف

قص سيف علي والده كل ما حدث بدايه من اصطدام عمر بمايا الى الان ثم قال: بس يا بابا هو ده كل اللي حصل

مايا:.....................