#كتابات_كوميدية
#قصة_رابحه "4"
ممنوع النسخ واللصق الكاتبة نرمين الحاسي ، كل منقول نرن عليه نرد ونوخر ، لين جا يوم عليك يوم ماننساه ، كان ليل والساعه اثنين جيت نبي نرقد ونسمع واحد يعيط برا ويعزق ف حيط ع روشن ياراااااابحه اطلعي ونا نبحت مع روشن لومينه رافع وحالته حاله ويدعدع ، نا خلاص كرعيا امعش شالني ونشوف باتي جاي شور الباب ومسكين شكله كان راقد طلعله وتجي الحيطه ف ع كتفه ةنسمع عيطه باتي جيته نجري ياناعليا الله عطك بلا يارافع ايش درت شوي ضحك قال ف مصر باتك وهذا منهو ، نا خلاص وباتي فلم صبا ومازال ماسك كتفه من انت ياولد ، شوي قاله انا لي بنتك كسرتلي قلبي ، بحت في باتي وقال خشي جوا نعنبوك كشفتي بينا ، خشيت للدار ونبكي وشيرتي منذهبه ، وقعدت نندب ع حظي وع عيشتي لي تقهر ، شوي خشيت للدار وقعدت مقعمزة وندعي ، شوي سمعت صوت الباب طبق بالقوة وصوت باتي جايني خش عليا واول مرة نحق وجه هكي قالي من الصايع هذا ، قتلا منعرفش ياباتي ، قال الله يكشف بيك ، فضحتي بي ووطيتي براسي التراب ، شوي قعمز وحط ايديه ع وجه ونا خايفه مغير نبكي ، شوي طلع ورد وتمه يهزب ومهناك كلمة وماقالها نا ربيتك هكي تخوني الثقه وتخوني خطيبك الي شاريك محتا صكرتو شهرين ع بعضهن ، منجدك يارابحه بيش ضحك عليك الصايع هذا وخليتيه يجي للحوش قتلا ياباتي والله ناهيه علاقتي معاه من زمان شوي قعمز وقال هالوقت احكيلي وحكيتلا عليه ، وع انه شافني شوي صبا قدامي ، قال افسخي والله ماتستاهليه هالراجل ، سودتي بوجي قدام الجيران ، الله لايربحك يارابحه وطلع ونا انهرت بارضي ، وعيت صبح ومشعارفه امتا رقدت وراسي يوجع فيا وعيوني متورمات من البكاء ، كنت نبي نمشي للمدرسةة صبيت ولبست وجيت طلعت للكوجينه القيته مصادرني ومقعمز ف الصاله ، قالي مافش طلوع خشي للدار ومنبيش نحق خلقتك ، قتله ليش ياباتي قصدك نبي نهرب ولا شنو ماشيه لشغلي هذي حدها قال لا تو يجي غادي ونا مش حنخليك اتلاقي معاه ، وخلك ف الحوش لين تزوجي ، خشيت للدار ورديت نبكي اخرى ع قهرتي خسرت شغلي توا ياعليك حظ ، فاتن خمس ايام وباتي لايكلم في ولانكلم فيه جيت كم مرة نبي نراضيه ويصد فيا ، تمه يسأل فيا حاتم عليش سيبت وهك قتلا تبي تجي ابله جديدة وقالولي خوذي اجازة لين الابله تتدرب وهك وهي اصلا كويسه قال وانتي شن قلتي قتلا ههه احسن راحه شوي ، بعدين قال جايك بعدين نبي نحكي معاك ف موضوع قتلا انشاللله خير قال كل خير ياعمري تبي شي قتلا سلامتك بس، شوي فرحت وصكرت وقعدت نوتي ف روحي ومشيت درت
حاجه حلوة وهكي ومطب العشيه ويطق الباب ويفتح باتي خير خير ويخش لمربوعه طبعا خش علي باتي وقالي غطي راسك ، راك تفضحينا مع حتا هض ، شوي عدا ومشيت نجري للمربوعه اول مشافني حضني طول قتلا هي كنك ، قال نحبك يابت بس شوي قعدنا نسهرو لين قالي جيت بنحدد الفرح ، قتلا اها باه عادي اختار اليوم لي يناسبك قال لالا انت امتا تبيه قتلاا مشعارفه ، قال شنرايك يكون بعد ثلاث اسابيع يعني نهاية شهر هذ ، قتلا مشعارفه ، قال هي را والله منقدر نصبر هكي ، خلاص شايب راني ، قرصته مع خشمة قتلا لا مزلت صغير ههههه ، شوي
خش باتي ونا لميت وجي وصبيت وسمعتهم يحكو قريب ربع ساعه وروح ، وشوي عيطلي باتي وجيته نجري ، قال قعمزي يلاي قتله نعم قال راه الراجل شاريك ارزني الله يهديك ، راك بنتي ومنحمل فيك شي ،نا عيوني دمعن وقعدت نبكي ارتميت ف حضنه وقعدت نبكي واندم ف روحي علي درته قال خلاص بلاش اهبال صبي اغسلي وجك وتعالي نحكو ، قتلا حاضر وبعد جيته خبرني ع العرس وهك دروحني معنديش علم
وبعد فترة هك قعدت نجهر لفرحي ، وسيبت شغلي ف المدرسة وقررت نقري ف مدرسه اخرى السنة الجديدة ،
ويمشن ايام ونا لاهيه ف بتاتي وهك ، ف مرة كنت انسهري مع حاتم ، شوي قالي شرايك يكون الفرح مشترك قتلا عادي ليش لا ، قالي عندك نت قتلا لا منعرفش دوته ، قال قبل بندزلك صور شقه والدبش لي خذيته ، قتلا كيف نفتح النت ، قال افتحي بالشفرة قتلا كيف عاد ، وراني كيف نفتح وفتحت بعدها قتلا هيا دزهن تمه يضحك قال ماهو مافش شي ندزه لك ، قتله ماهو فتحت نت توا فيش ترجا دزلي ، مازال يضحك الراجل قال يابت الناس معندكش حاجه اندزلك عليها ، ونا كالعبيطة ماني عارفه بصيرة
:
المهم الفرح قرب ونا متوترة وفرحانه😍 وكنت خايفه من رافع ايرد اخرى ، المهم باين عليه حاطني ف راسه ويبي ينتقم باي طريقه ، كنت ماشيه للسوق ع كرعي وبروحي ونا مروحه في سياره وقفت علي ومشعارفه شن صارلي كل لي نذكره انه لقيت روحي مكتفه وع سرير ومكان اول مرة نشوفه حاسه براسي بينفجر ، قعدت نعيط خش واحد اول مرة نشوفه
قال صكري فمك محد يسمع فيك عيطي لعند بكرا
شوي خش بعدها رافع ويصفق قالي تريحتي توا خليتني ندير هك قعدت نبكي ونقولا اطلقني الله يسترك خرام عليك ليش درت هك ليييش وشفت للروشن ثاريتها دلهيييس
قعدت نفكر ف باتي اكيد ايرن عليا ، وفكرت ف تلفوني ل قاعد ف شنطتي ، شوي قالي صار فرحك بعد اسبوع اه 😉،قتلا كنك متبش تخطاني منبيكش نا ، قالي خلهم يدوروك باهي مش نا لي تضحكي عليا ، وبعدين تعزقي حيطتي وراك مش بالساهل ياماما ، وقعد مقعمز ويبحت فيا خفت يدير شي حاجه ، شوي خطرت ف عقلي حاجة قلت خلي نهبعه وخلاص وتو نوريه ضحك شن شكلا 😏..
يتبع...
