عشقت قمرا

ليلى

نبدء
الساعه ٦و٤٥ دقيقه
صوت تننننننن تننننن تننننن تنننن_ يو شنو هل الازعاج اسكتوا اريد انام يو هذا المنبه المزعج شكد اكرهه شكو الساعه ٥ و٤٥ دقيقه اليوم داك من وكت عليمن هل الازعاج رجعت نامت انطت غفوه للتليفون
وره ربع ساعه ودك منبه تننننن تنننن تننننن اي كعدت لا تظل تدك طفت التليفون وكامت تغسل وجهه وتفرش اسنانهه وعادي ماعدهه شي والوضع طبيعي باوعت ع وجهه بلمرايه طالعتلهه حبايه كامت تحجي ويه نفسهه
هاي شنو وليش طلعتلي شون وجهي مايستعدل شنو سبب ها تذكرت هاي بسبب السهر مو جنت اقره واعندي امتحان
صدك الامتحان خل اراجع ويه نفسي بلكت اتذكر شي
البكتريا هي ........
باوعت ع الساعه بلمرايه وشافتهه ب٧ وربع هاي شنو ساعه صحيحه لو غلط اجت تركض ع ساعه الاستقبال يايمه هاي صدك ب ٧ وربع شوكت اكمل وامتحان اول درس
وكامت تصيح ماما وينج يمعوده ليش ماكعدتيني
ليش عفتيني نايمه وهيه مستعجله تبدل ملابسهه وتسولف وتدردم ع امهه صارت الساعه ب٧ ونص وبعدهه ملابسه حجابهه والمدرسه تحتاج ثلث ساعه يله توصلهه مهم كملت طلعت ع استعجال بدون ريوك وراح الامتحان من راسهه بسبب التوتر والاستعجال ووصلت ليلى للمدرسه ب٨
لكت الجرص داك والمدرسه مسدوده الباب يعني دخلوا للصفوف والاصطفاف خلص جان يوم خميس مهم دخلت الحارس صاح وراهه هاي ليش متاخره كالتله عمو راحت عليه نومه وهيه تركض لصفهه مهم طبت عليهم لكتهم دا يستعدون للامتحان
باوعت ع البنات الي تتثاوب وتحضر ورقتهه والي نايمه مايهمه شي والي تفتر بساحه الصف تراجع والي كاعده تشرح لصديقاتهه صوره تخص موضوع الامتحان والي تخاف من الامتحان وراح تبجي
بهل الاثناء طبت عليهم المدرسه يله بنات كلمن بمكانهه اكعدن محظرات ادواتجن يله راح ارد الاسئله وانتن اكتبن ٤ اسئله وكل سؤال بورقه
وبدينه بسم الله الرحمن الرحيم
اتوكلوا ع الله
..........
يله علما احل الاسئله اعرفكم عن نفسي
اسمي ليلى عمري ١٦ سنه رابع اعدادي اي نعم اعدادي قبل لايقسموا ويصير الرابع علمي وادبي طالبه ع كدي يعني لا شاطره ولاكسلانه ع كد الي اعرفه وحتى اذا سالت ع شي مااعرفه اذا كدرت استوعبه استوعبته واذا لا فخارج عن قوتي وطاقتي
شكلي طبيعي وعادي مثل كل البنات بس مسويه شغله وحده شويه لاكطه حواجبي بس تنظيف ماحافتهن كلش عيب الابنيه تحف حواجبهه بوكتنه وجنت اخلي بس كحله وقبل لا اجي للمدرسه اغسلهه غسل لان ست نوال بس تشوفني تلعب بيه لعب والله توكع رموشي من مسح هاي غير الفشله والرزاله ومرات تضرب راشدي اي طبعا تضرب ماعدهه يمه ارحميني
عيوني سود شعري اسود مو سرح ولا عكش وعايشه ويه والدتي والدي واخوتي وخواتي احنه عائله متوسطه العدد بس بيتنه زغير غرفتين وصاله ومطبخ وعدنه ترك وره البيت بس مو جبير لهذا مااكدر اقره خلال النهار اقره بليل واسهر واتاخر ع المدرسه
هسه اتعرفتوا عليه يله نرجع للمدرسه
مهم خلص الامتحان ع خير
رجعت للبيت لكيت امي محضره نفسهه تريد تروح لاهلهه ببغداد واحنه من الكوت وكالتلي تاخذني وياهه فكرت بيني وبين نفسي باجر عطله والاحد ماكو امتحان كالت امي نرجع السبت العصر كلت فرصه خل اروح اغير جو اليوم اكلت هبطه مرتبه بسبب الامتحان وهم اشوف بنات خالتي راح يصيرلي خمس اشهر ماشايفتهن ولا اعرف اخبارهن
ورحنه لبغداد وشفت بنات خالتي وضحكنه وسولفنه واتشاقينه لحد ماصارت الساعه ٢ ونص وصار الجو خرافي واجت نسمه هوه عذيبي
سالت بت خالت ليلى نور
ليلى انتي هم حبيتي
خجلت ليلى وكالت لا ماحبيت ومااريد احب هسه احير بدراستي واريد اتخرج واتعين ومن اتزوج احب زوجي نور لحت اهواي ع ليلى بذيج الساعه بس تريدهه تحب
لحد ماخلت بال ليلى شي اسمه حب