عشقت قمرا

كليه

الحمدلله انقبلت بكليه زينه وعندي امل راح اتخرج وان شاء الله اتعين واموري توب توب بس انتظر التسهيل من الله
واول سنه مالي شغله بااحد نهائي وبطريقي اروح وارجع كملت سنه بلاحياه وخوف من الناس ومن شرهم كوني سمعت عن المصايب الماصايره
مهم خفت من هاي كليتي ومن الكل وجانت بعيده كلش عليه قررت انقل لمكان اقرب عليه والحمدلله صارت النقله بعرف وواسطات بدون مااحول من الاعلى للادنى ولا تروح عليه سنه
وصارت القسمه واتعرفت ع بنات اثنين وشون بنات يخبلن وحده سميه ووحده اسمهه عسل
صدك لو كالوا عسل ادب واخلاق وجمال ولطافه وسميه بليه الله طولت لسان ووكاحه
ومشت الايام وصارن صديقاتي الحبيبات واتونست وياهن بشكل نسيت حتى صديقاتي القديمات بلمرحله الاولى
هنا اتعرفت ع صديق الهن شون ولد حليو وحباب وينحب كلش اول ماشفتهن ويا كتلهن عرفني عليه تره تصير مو خوش
مهم صارت الفرصه واتعرفنه وبدت الصداقه بينه
ماعندي اي شي تجاه مجرد اعجاب لا اكثر ولا اقل وحتى هو اعتقد نفس المشاعر تجاهي هم فقد اعجاب بس الاقدار لعبت بينه وخلته يستعمل خياله ويروح بفكره لعالم اسمه الحب
وصار ويا مثل الافلام
من يوكع يم الولد خلخال الابنيه او يطير عليه شالهه
صاحبنه وكع دنبوس الابنيه عليه وبدت المغامرات ويا
تقريبا علاقتهم المعرفيه اسبوع او اثنين ماطولت اهواي
وصاحبنه قررت يصالح ليلى
بس استشار سميه كونهه صديقته العزيزه
وسميه وصلت الرساله ليلى وقنعتهه بي
حلو وطالب وخلوق وخدوم وصاحب نخوه و
فلوس وحال محتال يدللج دلال والي تردي يصيرلج
قررت ليلى تفتح كلبهه الماانفتح لاحد لهذا الولد وجانت تعتقد الحب بلكيف يصير اكدر احب واكدر اكره
انتظرت ليلى يصارحه بحبه بكل لهفه وحب وفرحه وابتسامه مافاركت وجهه حتى اتفشلت بسبب هل الابتسامه
سمعت حجي اشكال من صديقاتهه العزيزات كونهه ماحابه قبل حقهه تفرح شويه
بس صديقاتهه مايستوعبن هل الشي
مهم صارت المصارحه مو مثل الخيال والطلب ماجان زواج مجرد حب وكبل
وبدت العلاقه