عشقت قمرا

الحلم

بعد سنه
بعد مادارت الايام تقريبا سنه رحنه لبيت خالتي من جديد بعطله الخامس والسادس مو دائما نروح لبيت جدي ابو امي وبيت خالتي لان حالتنه ع كدنه وظروفنه يادوب مشيتنه وهم شفت بنات خالتي ياالله شكد مشتاقتلهن محلوات وكبرنات كلش متغيره نور صايره صدك نور وجهه يخبل وفرحانه طول الوكت وماشايلتهه الكاع وهم ظلينه نسولف ونتشاقه لحد ماصارت الليل واحنه بالحديقه كاعدات
اشو نور كامت وعافتنه ساعه ونص هيه ماكو
كتلهن بنات نور نامت شو ماكو اختهه كالت لا كاعده شويه وتجي اني خفت عليهه لاصاير بيهه شي او واكعه محد يدري بيهه كمت ادور عليهه لكيتهه خاتله وره النخله وتسولف
يا هاي نور شبيهه اتخبلت ويامن تسولف
صحت نور اخترعت
كالت شبيج وكفتي كلبي
كتلهه يمعوده صارلج ساعه ونص ماكو خوفتيني خفت لاصايرلج شي
تعاي ويامن تسولفين
جان اسمعهه تكول حبيبي بعدين نسولف خل اشوف بت خالتي شتريد اجتي عليه
نور منو هذا حبيبج
عاد طلعتلي تليفون بيبي دب
هذا محد يتذكره بس القديميين ههههه الي ملحكين عليه
كتلهه شنو هذا
كالت مبايل كتلهه الله شكد حلو
اني مااعرف بس تليفون ١١٠٠ الصرصور غيره مااعرف وهم جان عند اختي الجبيره محد يلزمه غيرهه
مهم كالتلي هذا حبيبي جابليا حتى نسولف وناخذ صور وفديوات ويرسلي صور حلوه ويصبح عليه
كتلهه منو حبيبج وشوكت شوفتني صورته وياهه وسولفتلي عليه واحنه نتمشى
كعدنه حتى نرتاح سالتني نور نفس السؤال
ماحبيتي!!!!
كتلهه لا
كالت عجيب ليش ماحبيتي كلب لو حجاره
ماعندج احساس مشاعر
ضجت كتلهه لا عندي
بس اني عندي فارس احلام
سالتني شلونهه
كتلهه اني كاعده اقره بلكليه ويجي هو يجثو ع ركبته ويعترف بحبه الي وولهه وهيامه بيه ويطلبني للزواج واني فرحانه كلش
نور حبت هذا الخيال العندي والحلم وظلت تنتظر هاي اللحظه وياي