ندبة الروح .

البارت الاول ..ندبة الروح .

#rose_____ali . 

كل انسان  عنده صعوبات يواجهه بالحياة .عنده جروح تأذي بس كلهة  تحسهة  ما الهة  اي قيمة  بوجود شخص بقربك يحبك ويهتم بيك ويخاف عليك امنيتة  يحقق كل الي تريدة  امنيتة يسعدك   تشوفة  بجانبك بأصعب اوقاتك . بوجودة  تحس نفسك ملكت الدنيا هل شخص تموت اذا تخسرة تبقة  بس جسد بلاروح لان خسارة  هيج شخص تعني خسارة  نفسك خسارة روحك و ثقتك واحلامك وطموحاتك وحبك اذا خسرتهم بيوم صعب راح تسترجع نفسك .    اذا خسرت هذه الاشياء كلهة  فشنو الي راح يبقى منك ....بأختصار ولا شي . .. لكن رغم كل شي يمر عليك . من الم ومعانات  وفقد . تبقى انت بنفسك ايضاً تكدر ترجع حياتك من لاشيء الى كل شي . .
.
.
بغداد ...الساعه ال6 صباحاً .. .
.
🕧🕧🕧🕪🎵🎵(رنين المنبه)
.
شلون ورطة ويه هالمنبه الية  يوم اشيلة واشمرة . صرت ااتمنى يوم اكعد وره ساعة 9 ..غصباً عليه اكعد بال6 الى متى يارب  ..

خل اكوم احسن قبل متجي  هالطنطل تطيح حظي ... .
.
اسمي ياسمين عمري 20 سنة طالبة كليه مرحله ثانية (قانون ) من اني وصغيرة حلمي ان اكون محامية مكنت مخصصة شي معين ردت اوصل واحقق حلمي  ..ومو بس حلمي حلم بابا و وعدت نفسي اوصل واحقق الي كان يتمناني اوصلة .. شكلي حنطاوية البشرة   شعري  طويل بشكل  عادي  .  مثل شعر اي بنية. بس سرح كلش  . لونة بني عيوني عسليات وكبار  حواجبي من الله مخطوطات وطوال   . صراحة اهل ابوية عدهم وراثة  بجمال العيون.  مو لون وانما اقصد كبر وحواجب . ملامحي عادية.   مثل ملامح اي بنية بهيج عمر بس الفرق مليانة تعب.    .طولي 160  و وزني 60 موالم وية طولي بس  من الشغل والتعب  يوم عن يوم أضعف .

.المهم شي على شي زينة لا بأس حلوة.
.
كعدت من نومي غسلت وبدلت لبست دشداشة  بيت عادية قصيرة   ونزلت للمطبخ بديت احظر الريوك اني واحظر الريوك اراجع امتحاني . واكل لكمتي ع الوكافي كملت الريوك صارت ساعه 7 جهزت الميز  كعدو كلهم .  .

عمي حسين ابو امير ..  شغلة تاجر من ضمن التجار الي يشتغلون بغداد بالجلود والاقمشة

.زوجته سولاف انسانة بلا رحمة ماعدهه شي اهم من نفسهة واهم الفلوس .
.
وبنت عمي ريم  اكبر مني عمرهه 27 سنة مخطوبه الابن خالتهة وموظفة انسانة  مصلحجية  بشكل مو طبيعي عدهة  امكانية تستغل الكل وتدوس ع الكل في سبيل نفسهة ما الهة  دور هواي بقصتي لان اني حاولت قدر الامكان ابتعد عنهة وهي كذلك كانت تتجنبني بكل الطرق . كانت متوقعة انه اني ممكن أحسدها .
.
وابن عمي امير اطيب واحد بالعائلة دائما كان يساعدني وهو الوحيد الي لكيت منه دعم وسند بأصعب وقت مريت بي . .
.
بعد ماكملت الريوك واجو يتريكون . .كتلهم
.
كملت كل شي رايحة ابدل واروح للدوام اليوم اخر امتحان عندي وماريد اتأخر .

ابو امير ..  روحي خلصينة 
.
سولاف.  رجعي من وكت علمود الغدا .
.
ياسمين . ميخالف .