ندبة الروح .

البارت العشرون . ندبة الروح .

rose_____ali.
.
‏.

عـِٰادي تروَح بـٰس بگلبُي مـْوَ عـِٰادي
امـّوت وداعتَك ليغـُِرك إعنـِٰادي ..
.
‎.بارت العشرون
.
وصلت البغداد . تحديداً بيت عمو . نزلت من السيارة وكفت كدام الباب . بقيت صافنة كلت راح ارجع للهم وللقهر . دكيت الباب مرة ومرتين و3 . كلت معقولة ماكو احد . شوية وفتحتلي الباب مرت عمي بس الي شفتة مرت عمي عبالك مو هي كبرانة بهالفترة وكاعدة ع كرسي متحرك . طبيت للبيت . سلمت هي مردتلي ولا اهتمتلي .بس كلش نقهرت عليهة لكيت البيت وصخ فد مرة عذرتهة لان شفت حالتهة . ذبيت الجنط وغيرت ملابسي ولزمت البيت من فوك غسل وتنظيف مبقيت شي يعتب علية بلشت من اول موصلت ساعه 4 . لل 10 باليل يالة خلصت . سويت عشا فنكر وزلاطه عشا بسيط . خليتة ع الميز ورحت عليهة

عمة لعد عمي وين . . .
.
سولاف . مسافر عندة شغل ...
.
ياسمين .زين شلون يسافر ويعوفج هيج .

.من كتلهة هيج كامت تبجي . كسرت قلبي .

عمة شسواج هيج كليلي . .
.
سولاف . عمج متزوج وحدة من الخارج . من اجاني الخبر صرت عصبية ومتحملتة وصرت هيج رحت هواي اطباء ودكاترة . كلهة نفس الحجي علاجي بس بالخارج . . .
.
ياسمين . زين امير او اهلج خواتج معقولة محد يجي يمج شي .يخابرج

سولاف . من زمان هن كطوعيات مو هسة . .

ياسمين. تعاي عمة ولا يهمج تعاي نتعشى .

اخذتهة واني ادفع بالعربانة . ورحت للمطبخ خليت الاكل كدامهة انتهبت عليهة شفتهة ميتة من الجوع كملنة اكل ودفعتهة بالكرسي ودتيهة تغسل . غسلت اديهة . وكتلهة

عمة تحبين تغسلين . اني اساعدج حتى تنامين مرتاحة .
.
سولاف . والله بكيفج تسوين فضل .
.
ياسمين .
اخذتهة للحمام غسلتلهة وكملتهة ومشطت الهة شعرهة وردت اساعدهة حتى تنام بفراشهة . .
.
سولاف .. اوكفي ياسمين . .

.ليش تساعديني رغم الي سويتة بيج .
.
ياسمين . عمة انسي الراح راح منو ابو باجر . هو احنة شباقي من عمرنة على ساعة الواحد يموت وميدري بنفسة انسي الماضي كلة . .
.
يالة تعاي اساعدج حتى تنامين . .
.
سولاف . وانتي وين حتنامين . .
.
ياسمين : كالعادة بغرفتي وهاي التلفون يمج . اي شي تريدين دكي علية انزلج . .
.
طلعت من غرفة سولاف رحت للحمام غسلت جنت ميتة من التعب غسلت وصعدت الغرفتي . بقيت افكر وين جانت سولاف وين صارت .. صدك كل قوي للزمان يلينُ . بقيت اتكلب بفراشي مكدرت انام هواي افكار اجت بعقلي حتى وسام . .. صارت ساعه 4 نمت ورة متعبت من التفكير .. .
.
.وسام ..
اتصل بية ابو حمزة كال وصلتهة البيت عمهة . ارتاحيت . وراها دفنت نفسي بالشغل . من غير الاتصالات الي تجيني من رانية بس كلهة ما ارد عليهة . خلص لازم ينتهي كل شي بيني وبينهة . .. باوعت ع الساعة صارت 2 طلعت من الشركة . فارغة بس وحدي والحرس . طبيت للبيت لكيت بس امي كاعدة بالمطبخ عرفت تنتظرني . .
.
السلام عليكم . ها يمة شو لساج كاعدة .