ندبة الروح .

البارت التاسع. ندبة الروح .

.rose_____ali.

البارت التاسع ..
.
مشو عني الاحبهم. نعصر قلبي بدربهم
اموتن من بعدهم .ياروحي شلون بية
عل الطول سفرهم .طفت عيني بصورهم
ودعيت الله اليردهم .ويردون الية
ترد روحي اذا كالو هلج كلهم يردون
على جروحي .شماتة  لو اون كلهم يمرون
راحو مني وضليت .ذكرى و دمعة وسط البيت
بواجي مفاركة  عيوني من حالي ولا مليت .
.______ .

.وسام .
خلصت الفاتحة وانتهى كل شي .راحت وراح اخوية الوحيد وياها . طبيت للبيت عكب 3 ايام طبيت لكيت حال امي يبجي الصخر . رحت عليهة وحضنتهة  وبوست راسهة هي هم حظنتني وكامت تبجي . .
.
ام وسام . يبعد امك . بيك ريحة اخيك . ليش ييمة . ليش تحرمني من شوفتك وبس انت الي بقيتلي . شلونك يبعد روحي . .
.
وسام . زين يمة انتي شلونج . ظل بالي عليج والله . سارة  وين . .
.
ام وسام . ساره فوك يمة .تعبت البنية  وصعدت نامت . .
.
ابو وسام . اني رايح انام تعبان 
.
وسام . تصبح على خير يابة   .

ابو وسام .وانت من اهلة ابني .

وسام . واني هم رايح انام 

بوست امي . 

ام وسام . نوم العافية يمة

وسام .
صعدت للغرفه تعبان ومتكسر ومشتاق الاخوية والضلعي وسندي  كعدت ع داير الجرباية وبقيت اتذكر شلون جان فرحان من راد يخطب . اوووف ياخوية رحت واخذت ارواحنة وياك . وره شوية  كمت طبيت للحمام غسلت وطلعت لبست بس بجامة برموده   متعلم هيج البس بالليل . اخذت تلفوني واتصلت على ابو امير . طول فترة خطوبتي من ياسمين عمهة  يوميه يخابر . تعال اخذهة وتعال اخذهة  كلت اشوف ليش هيج يسوون

📞📞📞📞
..
ابو امير . اهلا استاذ وسام البقية في حياتك .  . .
.
وسام . حياتك الباقية . اهلا بيك . اريد رقم ياسمين مأخذتة منهة والتهيت بالفاتحة مصارلي مجال . .
.
ابو امير . تدلل استاذ دقايق ويكون يمك . بس اريد اعرف شوكت تجي تاخذهة  .  حتى لو بدون عرس  .
. .
وسام .  خير اكو شي .  ليش صارت فترة تلح . بهذا الموضوع . اليوم خلص ثالث اخوية .
.
ابو امير . لا استاذ . بس نريد نسافر . اني والعائلة  هي وين  تبقة وحدها تراضها نعوفهة وحدهة بالبيت هم ميصير  تبقى هي مرتك .
.
وسام . ماشي عن قريب . دزلي الرقم .

بقيت شوية انتظر ابو امير يدزلي الرقم . . دقايق واجاني مسج بي رقم ياسمين . .. كلت خل اتصل عليهة  . لان احس روحي محتاج اسمع صوتهة
. .
دكيت اول مرة والثانية  مجاوبت بالثالثة جاوبتني . .
.

ياسمين .
كعدت من نومي ع صوت دك موبايلي شفتة  رقم غريب . مجاوبت عفتة بس من دك مرتين و3 فتحتت خط . .  .
.
📱📱

الو منو .
.
وسام .  (جريت نفس ) . وسام .  لو نسيتي .
.
ياسمين . (احجي بتعب ) .  لا منسيت . بس شوية تعبانة . .
.
وسام . تعبانة ليش شبيج
.
ياسمين . بدون سبب .
.
وياسم . احد غاثج موضجج . كليلي اطيحلج حظة وحظ حظة .