نسمات عَذِبة

|13| مثل الحكومة باللهجة العراقية🐴

أكو قرية أول مرة يطبهة القطار ومن شافته الوادم تعجبت بي، ماعرفوه شنو فلمه

فركضوا لچبيرهم أبو (مزيهر) بأعتباره أفهم واحد بيهم وگالوله

: انت جبيرنه ومطلع هذا مدري شنهو ، طنطل مدري جني كلّش طويل، ما يخلي شي بدربه ما ياكله ، گرط حلالنة گرط..

يوم ماكل هايشة ، يوم ماكله صخلة ، يوم حصان حتى الحصو أكله ؟؟!! "

گاللهم أخذوني ليه أشوفه ، فيوم ألأخذوه وشافه صفگ بيده وگاللهم

: عوينة أبو أصلي ، اليوم عشاكم يمي "

وذبح نص حلاله، اجت الناس وره ماتعشوا

كام الشيخ وگاللهم

" عمّي بيكم بخت هذا يمشي بالطول لو چان يمشي بالعرض چا وروح أبوي ما يظل منكم ألمخبّر !! "
هههههههههههههههههههههههههههههههههههههههه

رباط سالفتنة هسة ولا حكومتنة هم زين أكو بيهة
لا يحلون ولا يربطون ، لو كلهة تحل وتربط چان هسة واحدنة حاطله خيمة بالرُبع الخالي ويگرط أحجار ،
هههههههههههههههههههههههههههههههههه

🐴🐴🐴🐴🐴🐸🐸🐸

-------------------------^_^-----------------------

ارائكم :

شكرا لكل من قرأ القصة :

If you lovd the stories please
- 💬 & ❤ -